POP 5

Lajmet më të lexuara të 5 minutave të fundit

Kronikë

Maqedonia stërvitje ushtarake për
terrorizmin në kufi me Shqipërinë

Forcat e armatosura speciale të Maqedonisë zhvilluan stërvitje ushtarake të koduar “Harpoon” në liqenin e Ohrit, në fshatin Radozhdë në kufi me Shqipërinë. Kjo stërvitje përfshinte operacionet e simuluara për eleminimin e një grupi terrorist.FOTO VIDEO
Forcat Speciale të Maqedonisë të njohura si “Ninxhat” dhe “Ujqërit” kanë bërë stërvitje ushtarake në liqenin e Ohrit, pranë kufirit Shqiptar në fshatin Rodozhdë.
 
Sipas raportimeve nga ANSA dhe nga agjensia e lajmeve INA, kjo stërvitje përfshinte operacionet e bllokimit, përcaktimit të zonave nga ku sulmonte “grupi i supozuar” i terroristëve. Operacioni përfshin një “Grup terrorist” të simuluar, i cili përmes rrugëve ujore depërton dhe hyn në Maqedoni, me qëllimin për të shkaktuar trazira në shtetin fqinj.
 
Në stërvitje janë përfshirë objekte lundruese, automjete tokësore, helikopterë dhe polumbarë zhytësa, duke përfunduar operacionin me kapjen dhe dorëzimin e personave të arrestuar në territorin e Republikës së Maqedonisë.
 
Mediat Shqiptare në Maqedoni nuk janë vënë në dijeni mbi zhvillimin e këtij operacioni, ndërsa të gjitha mediat e tjera kanë marrë informacione mbi këtë aktivitet që zhvillohet në kulmin e tensionit diplomatik midis Shkupit dhe Tiranës pas përpleshjeve në Maqedoni për dënimin e 6 shqiptarëve të akuzuar për vrasjen e 5 maqedonasve në 2012-ën. 

Fotot tregojnë të gjitha fazat e stërvitjes. 

Gjatë stërvitjes ushtarake ka qenë i pranishëm Presidenti i Republikës, njëkohësisht dhe komandant  i Forcave të Armatosura, George Ivanov, Ministri i Mbrojtjes Zoran Jolevski dhe shefi i Shtabit të Përgjithshëm gjeneral-koloneli Goranço Koteski. Ndërkohë që Zëvëndës Ministri Arben Labënishti, i cili është pikërisht nga Struga dhe përfaqeson partinë shqiptare brenda qeverisë, nuk ka qenë i pranishëm.
 


Stervitje ne Maqedoni

Stervitje ne Maqedoni

Stervitje ne Maqedoni

Stervitje ne Maqedoni

Stervitje ne Maqedoni


Stervitje ne Maqedoni

Redaksia Online
(Gre.M/Shqiptarja.com)

/Shqiptarja.com
  • Sondazhi i ditës: 13 Janar, 10:25

    Nisi regjistrimi, a do të marrë pjesë masivisht në zgjedhje diaspora?

Lajme të tjera



×

Lajmi i fundit

Abuzim me tenderat/ Dënohet me 2 vite burg ish-kryebashkiakja e Patosit, Rajmonda Balilaj! I konvertohet në 2.8 vite shërbim prove

Abuzim me tenderat/ Dënohet me 2 vite burg ish-kryebashkiakja e Patosit, Rajmonda Balilaj! I konvertohet në 2.8 vite shërbim prove

15 Janar, 19:00