POP 5

Lajmet më të lexuara të 5 minutave të fundit

Sport

Marca: 'Talismani' Myrto Uzuni, 'Pichichi' i La Liga 2 dhe ngjashmëria me Lewandowski-n

Myrto Uzuni po zhvillon ndoshta sezonin më të mirë në karrierë. Sulmuesi i Granadas në Spanjë dhe Kombëtares kuqezi ka bërë që Marca t'i kushtojë një material.

Marca: 'Talismani' Myrto Uzuni, 'Pichichi' i La Liga 2 dhe ngjashmëria me Lewandowski-n

Myrto Uzuni

Myrto Uzuni po zhvillon ndoshta sezonin më të mirë në karrierë. Sulmuesi i Granadas në Spanjë dhe Kombëtares kuqezi ka bërë që Marca t'i kushtojë një material, duke treguar se beratasi është vendimtar në La Liga 2 me 17 gola. Loja efekive, efikasiteti në ekip dhe golashënuesi më i mirë në La Liga 2 ka marrë një vlerësim nga prestigjozja spanjolle.

“Uzuni zbarkoi në “Los Cármenes” pa krijuar pritshmëri të mëdha. Emri i tij nuk bëri jehonë, por shqiptari nuk vonoi të shfaqte cilësisë e tij, duke fituar zemrat e tifozëve. Një potencial i fshehur, që u shfaq me prepotencë në këtë sezon, siç dëshmohet nga 17 golat e tij, që përbëjnë 50% të golave të shënuar nga Granada. Shqiptari është golashënuesi më i mirë në La Liga 2 me gjashtë gola më shumë se Raúl García i Mirandésit, ndjekësi i tij më i afërt. Gola që përkthehen edhe në fitore për skuadrën “bardhekuqe”, e cila gjithmonë merr tri pikë kur Uzuni “shpon” portën rivale, gjë që tregon rëndësinë e futbollistit në skuadrën e Paco López", shkruan Marca.

E përditshmja spanjolle më pas tregon se sa herë Uzuni e ka dërguar topin në rrjetë, Granada ka marrë tri pikë. Beratasi ka zhbllokuar ndeshjen për të tijtë në shtatë takime. Një krahasim me Lewandowskin nuk është çudi.

"Myrto Uzuni ka shënuar në dhjetë ndeshje të ndryshme të kampionatit dhe sa herë ka e ka dërguar topin në rrjetë rezultati ka qenë i njëjtë: triumf për Granadën. Përveç kësaj, beratasi ka zhbllokuar rezultatin në shtatë ndeshje ku ka shënuar, duke i hapur rrugën fitores së andaluzianëve. Uzuni i ka siguruar Granadës gjithsej 20 pikë me golat e tij, duke nënshkruar mesatarisht një gol çdo 105 minuta. Mund të krahasohet për nga efikasiteti me Lewandowkin, që shënon çdo 102 minuta”, përfundon Marca.

S.Dh/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kamberi: Nëse protestat 'shuhen', Vuçiç do e çojë Serbinë në diktaturë

Kamberi: Nëse protestat 'shuhen', Vuçiç do e çojë Serbinë në diktaturë

25 Dhjetor, 20:46