EURO 2024/ Të mërkurën ndeshja me Kroacinë, Mitaj: E vështirë, mbrojtjen e kanë të fortë! Shpresojmë të marrim 1 pikë

Kombëtarja shqiptare ka nisur ditën e dytë të përgatitjeve për ndeshjen me Kroacinë e vlefshme për grupin e ferrit në Evropian, teksa mbrojtësi Mario Mitaj e pranoi që këtë herë duhet të shmangen gabimet e ndeshjes së parë.

"Në pjesën e dytë më furnizuan më shumë me pasime. Në pjesën e parë nuk e preka shumë topin. Ky ishte problem, nuk e merrja shumë topin. Mund të jetë edhe pak faji im, edhe pak i Seferit. Të gjithë si skuadër, krosimi i lojtarit që të futet në zonë s’duhej të ishte bërë. Është diçka që duhet ta përmirësojmë në stërvitje", tha Mitaj. 

Heroi kuqezi i ndeshjes me Kroacinë sipas Mario Mitaj, nuk është një. Me vështirësi e ndan mendjen mes 2 emrave, Armando Brojës dhe Jasir Asanit.

"Në përgjithësi të gjithë lojtarët mundohet të luajnë sa më mirë për Kombëtaren. Kemi lojtarë si Broja që ka cilësi dhe si Asani që ka gjuajtje. Ne duhet të mundohemi të bëjmë maksimumin për të arritur drejt rezultatit. Mendoj se një nga lojtarët që mund të të bëjë dëm është Broja", tha Broja. 

Sipas Mitajt, përballja me Kroacine në Hamburg është vendimtare për fatet e kuqezinjve në grup. Nëdrsa thotë se ndeshja do të jetë e vështirë me një ekip si Kroacia, Mitaj thekson se nevojën për të marrë më patjetër 1 pikë, pra që rezultati i ndeshjes të dalë barazim. 

" I dimë cilësitë që ka Kroacia. Është një skuadër e fortë. Sot do të vëmë në punë planin për Kroacinë, pasi dje stërvitja ishte e ndarë në dy grupe. Mbrojtja mendoj se do të jetë pika më e fortë në sfidën me Kroacinë. Të gjitha repartet janë të forta, por ndaj Kroacisë mbrojtja do jetë vendimtare.

Shpresoj të futemi me një psikologji më të mirë. Po përgatitemi sa më shumë. Analizojmë kundërshtarin. Do të futemi me personalitet si me Italinë. Shpresojmë të marrim 1 pikë", u shpreh Mitaj. 

Mitaj në fund komentoi edhe situatën e Hysajt, i cili po kritikohet pafund në rrjetet sociale, pasi ulin kokën dhe Italia shënoi golin e dytë. 

“Nuk është e bukur të kritikojmë  një lojtar që ka kontribuar aq shumë për kombëtaren, ka dhënë shpirtin e tij për kombëtaren. Nuk është gjë e vogël për mua. Por çdo person bën atë kritikën e vet”, tha Mitaj.

Ditën e martë kombëtarja do udhëtojë drejt Hamburgut ku do kryejnë një seancë stërvitore dhe konferencën para ndeshjes me Kroacinë. Kjo është hera e parë që përballen dy ekipet, të mërkurën në 15:00.

Ndeshja konsiderohet si finale edhe për kombëtaren, por edhe për Kroacinë, të cilat kanë zero pikë, dhe ky rezultat do të vendosë vijimin e rrugëtimit europian. Shqipëria humbi 1-2 me Italinë, ndërsa Kroacia humbi 0-3 me Spanjën. 

Rendit zhvillimet sipas orarit:

Të Fundit Të Parat

S.G/SI.E./Shqiptarja.com

TAG:
• euro 2024
• mario mitaj
• kombetarja shqiptare