Ambasada amerikane në Ankara qëllohet me armë, si u acaruan marrëdhëniet SHBA-Turqi

Një person ka qëlluar me armë në drejtim të godinës së ambasadës turke në Ankara. Sulmi përkon me acarimin e marrëdhënieve midis Ankarasë dhe Uashingtonit lidhur me gjykimit të një pastori amerikan në Turqi. Një video e transmetuar nga kanali Haberturk tregonte ekipet e policisë duke inspektuar njërën nga hyrjet e ambasadës ndërkaq në një dritare të ndërtesësës mund të shiheshin dëmtimet e shkaktuara nga një armë zjarri.

Ekipet e policisë u vunë në kërkim të personave që sulmuan, të cilët u larguan me një makinë të bardhë pas sulmit. Hetimi është ende në vazhdim. Sipas burimeve të policisë, të shtënat nga makina ndodhën rreth orës 5 të mëngjesit dhe se askush nuk u dëmtua. Ambasada është mbyllur këtë javë me rastin e festës së Bajramit.

Ambasada amerikane në Ankara dhe konsullata në Stamboll kanë qenë objektivat e sulmeve nga militantët dhe janë përballur me kërcënime të shumta në të kaluarën.

LEXO EDHE:
1 Maji në Turqi me demonstrata, policia përleshet me demonstruesit! Blindohet Stambolli, 160 të ndaluar

Ekonomia

Monedha turke ka pësuar rënie drastike gjatë këtij muaji, pas tensioneve të acaruara mes Turqisë dhe Shteteve të Bashkuara lidhur me mbajtjen nën arrest të pastorit amerikan, raporton Zëri i Amerikës. Kërcënimet e Uashingtonit se do të vendosë tarifa të reja e kanë goditur rëndë lirën turke.

Sot u regjistrua një rënie e mëtejshme kundrejt dollarit. Në lagjen Kadikoy të Stambollit, tregtarët janë tronditur nga një rënie tjetër e lirës turke. Të parët që e ndjenë rënien janë ata që shesin mallra të importuara. Taylan Akcora, i cili ka disa dyqane sportive në Stamboll, thotë se po përgatitet për më të keqen: “90% e mallrave që shesim janë të importuara. Janë marka të njohura që i sjellim nga Azia. Ne i blejmë mallrat nga firma importuese që shërbejnë si distributorë. Nuk diskutohet që ata do të na i ngrenë çmimet”.

Turqia është përballur edhe më parë me luhatjet e valutës dhe në të gjitha rastet rezultati ka qenë rritja e inflacionit dhe papunësisë. Aslan Yuce, pronar i një dyqani çaji thotë se në rrugët e qytetit e ndjen qartë frikën për të ardhmen: “Askush nuk ndjehet i sigurtë. Askush nuk ushqen shpresë për të ardhmen. Shoh njerëzit që kalojnë para dyqanit, të gjithë të ngrysur, të gjithë të menduar, sikur kanë humbur të gjitha shpresat për jetën. Kjo periudhë ka krijuar një psikozë të fortë”.

Por goditjen më të fortë mund ta ndjejnë turqit me probleme shëndetësore, pasi Turqia importon në masë ilaçet. Farmacistët po përballen me problemin e kufizimeve të vëna në shitjen e ilaçeve të importuara: “Rritja e dollarit dhe në përgjithësi e valutave të tjera në raport me lirën do të ndikojë rëndë sektorin e farmacisë pasi varet shumë tek importet. Prodhuesit turq të ilaçeve nuk do të jenë në gjendje të blejnë përbërësit me çmimet aktuale”.

“Një tjetër problem nga politikat ekonomike të qeverisë është se kompania kombëtare e sigurimeve nuk paguan më për koston e ilaçeve më të mira të importuara, përfshirë ilaçet kundër depresionit,” thotë farmacistja Guliz Kaptan.

Pasiguria që ekziston për lirën turke dhe për ekonominë në përgjithësi ka krijuar në Turqi një klimë frike dhe ankthi për të ardhmen.

Politika

Ndërkohë që Lira turke po kalon ditët më të vështira, pasi ka humbur 40 % ndaj dollarit amerikan vetëm në vitin 2018, shteti turk vijon përpjekjet për të zbutur situatën. Krahas masave ekonomike, Erdogan po përdor edhe kartën e nacionalizimit, duke bërë thirrje për bojkot të produkteve amerikane, si një mënyrë për të goditur sadopak dollarin amerikan në vend.

Së fundi presidenti turk ka dërguar një tjetër mesazh nacionalist te shtetasit e tij, pasi në një fjalim e ka cilësuar sulmin ndaj monedhës, si një sulm ndaj flamurit të vendit. “Sulmi që po i bëhet monedhës tonë, është i njëjtë me sulmin ndaj flamurit. Ata duan të na dëmtojnë ekonominë dhe të na detyrojnë të ulemi në gjunjë, por ne ua kemi kuptuar synimet dhe do t’i sfidojmë. Nuk mund të na nënshtroni dot”, deklaroi Erdogan.

Ndihma

Pasi premtoi 15 miliardë dollarë investime në Turqi, për të ndihmuar në zbutjen e krizës së Lirës, Katari është gati t’i japë një tjetër ndihmë aleatit të tij të gjirit. Kështu autoritetet turke njoftuan se është arritur marrëveshja mes Bankës Qendrore të Turqisë dhe asaj të Katarit, për një këmbim valutor prej rreth 3 miliardë dollarësh.

Kështu Banka Qendrore e Katarit do të marrë rreth 3 miliardë dollarë nga Turqia dhe do t’i kthejë bankës së saj Qendrore të njëjtën shumë, por në lira dhe rijal (Monedha e Katarit). “Marrëveshja e këmbimit është nënshkruar mbi lirën turke dhe riyalin e Katarit, dhe përfundon me një kufi të përgjithshëm prej 3 miliardë dollarësh”, tha banka qendrore në një deklaratë në faqen e saj të internetit. Objektivi kryesor i marrëveshjes është lehtësimi i tregtisë dypalëshe në monedhat vendase dhe mbështetja e stabilitetit financiar.

TAG:
• ambasada amerikane
• turqi

Sondazhi i ditës:

Tragjedia në Shkodër, a duhet gratë të denoncojnë çdo formë dhune?

• Po

  91.4%

• Jo

  4.8%

• Nuk e di

  3.8%

Vota total: 3266

• Sondazhi i ditës:

  Tragjedia në Shkodër, a duhet gratë të denoncojnë çdo formë dhune?

  Po Jo Nuk e di