POP 5

Lajmet më të lexuara të 5 minutave të fundit

Bota

Marrëveshja/ 7 emigrantët e vendosur në Shëngjin kthehen në mesnatë në Brindizi

Kanë mbërritur në mesnatë në Brindizi, (Itali) 7 emigrantët të cilët ishin vendosur në kampin e Gjadrit në Lezhë. Ata u nisën mbrëmjen e djeshme (11 nentor)  në orën 19:00 nga porti I Shëngjinit me anijen e rojes Bregdetare “Visalli”

Marrëveshja/ 7 emigrantët e vendosur në Shëngjin kthehen në mesnatë në Brindizi

Anija që riktheu në Itali emigrantët

Kanë mbërritur në mesnatë në Brindizi, (Itali) 7 emigrantët të cilët ishin vendosur në kampin e Gjadrit në Lezhë. Ata u nisën mbrëmjen e djeshme (11 nentor)  në orën 19:00 nga porti I Shëngjinit me anijen e rojes Bregdetare “Visalli”

Grupi i dytë i emigrantëve, u kapën në det e me anijen e marinës italiane “Libra’ zbarkuan në Shëngjin 4 ditë më parë. Dje Gjykata e Romës, seksioni i imigracionit, vendosi të pezullojë vendimin për ndalimin e tyre dhe çështjen tia kalojë Gjykatës Europiane të Drejtësisë.

Gjjyqtarët e Romës i janë drejtuar Gjykatës Evropiane të Drejtësisë duke kërkuar që të vendosë: Nëse prevalon ligji i qeverisë Meloni për të ashtuquajturat vende të sigurta, (që lejon një procedurë automatike dëbimi) apo vendimi i gjyqtarëve evropianë, sipas të cilit kërkesa e çdo migranti duhet të vlerësohet rast pas rasti.

Emigrantët, me origjinë nga Bangladeshi dhe Egjipti, u shoqëruan në bord me një minibus në një qendër për azilkërkuesit. Këtu ata mund të ndjekin procesin e zakonshëm të ekzaminimit të aplikimit. 

Sipas burimeve pas vendimit të një dite më parë të seksionit të imigracionit në Gjykatën e Romës, janë larguar nga Shëngjini dhe Gjadri dhe një pjesë e përsonelit Italian të cilët shërbenin në qendrat pritëse në Shëngjin dhe Gjader.

Janë mbi 80 përsona të cilët janë larguar mëngjesin e kësaj të marte dhe ende nuk dihet nëse do të zëvendësohen me përsona të tjerë.

Çështja ka nxitur një përplasje të ashpër mes qeverisë dhe gjyqtarëve.

Për zëvendëskryeministrin dhe udhëheqës i partisë anti-emigracion ‘Lega’ Mateo Salvinin ky është “një tjetër dënim politik kundër italianëve”, ndërsa për zv/kryeministrin tjetër, Antonio Tajani “disa italianë duan tia imponojnë linjën e tyre qeverisë”.

Sytë e të gjithëve janë përqendruar tashmë te 4 dhjetori i ardhshëm kur Gjykata e Lartë do të duhet të vendosë për mundësinë e gjyqtarëve që të veprojnë në mënyrë autonome ose t'i përmbahen listës së vendeve të sigurta të hartuar nga qeveria.

Ndërkohë Ministria e Brendshme italiane nga ana e saj do të dalë përpara Gjykatës Evropiane të Drejtësisë për të argumentuar çështjen e saj, por koha për zgjidhjen e çështjes premton të jetë e gjatë.

S.G/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Dorheqja: 12/11/2024 21:00

    Meloni duhet te dorhiqet kjo metode eshte nje turp per evropen EU me standarde , ashtu si qeverite e tjera Italia duhet te beje zgjedhje te parakohshme pasi kjo metode nuk eshte funksionale pra eshte e padobishme per nje vend qe ka logjike , duket qarte nje veprim pa vlere.

    Përgjigju
  • Altin: 12/11/2024 11:30

    Faleminderit Musk qe kembengul te na i sjellin. Sa gje e bukur per ne. Pse nuk i shfaq syri keto lajme. Bravo shqiptarja.

    Përgjigju
  • Sondazhi i ditës:
    21 Dhjetor, 15:03

    Si e vlerësoni mbylljen e TikTok në Shqipëri për një vit?

Lajme të tjera



×

Lajmi i fundit

Zhupa: Vrasjen paramenduar të Ramës kundër Tik Tok për arsye elektorale nuk do ta lejojmë

Zhupa: Vrasjen paramenduar të Ramës kundër Tik Tok për arsye elektorale nuk do ta lejojmë

22 Dhjetor, 12:52