Romë- Kryeministrja Italiane, Giorgia Meloni, tha se marrëveshja me Shqipërinë është zgjidhja e vetme që funksionon për të shkurajuar emigracionin e paligjshëm.
Madje për shkak të kësaj marrëveshjeje, ajo pohoi se ka marrë edhe kërcënime, duke shtuar se “kjo marrëveshje u prish punë edhe trafikantëve të qenieve njerëzore”, të cilët siç tha në një intervistë në televizionin publik italian Rai1, e kanë kërcënuar me jetë.
“Nëse ti emigrant i paligjshëm që paguan skafistët për të ardhur në Itali, dhe me këtë marrëveshje gjendesh jashtë kufijve europianë, kjo është pengesa më e madhe që mund të të vendosim. Dhe për të parën herë kam marrë kërcënime me jetë nga trafikantët e qenieve njerëzore”, u shpreh Meloni.
Sulmet që i bëhen kësaj marrëveshjeje nga opozita italiane, i konsideron thjesht politike.
“Partia Demokratike po kërkon të ndëshkojë italianët, pse nuk votuan për të”, theksoi kryeministrja italiane.
Meloni kritikoi edhe apelimin nga Gjykata e Bolonjës në Gjykatën Europiane të Drejtësisë të dekretit të qeverisë italiane të 21 Tetorit, që heq barrierat e zbatimit të marrëveshjes.
“Argumentimi i Gjykatës së Bolonjës i ngjan më tepër një fletushke propagandistike, sesa një argumentimi ligjor”, tha ajo.
Teksa më tej shtoi:
“Jam e bindur se arsyeja pse po bëhet gjithçka për të bllokuar protokollin me Shqipërinë, është se të gjithë e kuptojnë se kjo marrëveshje është çelësi i bllokimit të migracionit të parregullt”.
Deklarata u bë në emisionin ”Porta a Porta”, i transmetuar dje në mbrëmje.
Sipas Gjykatës së Bolonjës, dekreti i 21 Tetorit që shpalli 19 vende të sigurta origjine për t’i hapur rrugë zbatimit të marrëveshjes me Shqipërinë, pak ditë pasi Gjykata e Romës ktheu menjëherë në Itali 12 emigrantët e ardhur në Gjadër nga Egjipti e Bangladeshi, me argumentimin se vinin nga vende jo të sigurta origjine, bie ndesh me ligjet europiane.
Lajme të tjera
-
Atentati ndaj shqiptarëve në Athinë, rihapet dosja e vrasjes së 32-vjeçarit shqiptar Roan Brahimi, armikut të Ervis Martinajt! Dyshohet se kanë lidhje
17 Dhjetor, 15:10 -
Marrëveshja për emigrantët në GJED, Meloni i kërkon Gjyqtarëve të BE-së të hedhin poshtë kundërshtimet për kampin në Gjadër
17 Dhjetor, 13:26 -
Shqipëria çel negociatat me BE-në për ‘Marrëdhëniet me Jashtë’! Ministri Hungarez: Treguat proges të shkëlqyer! Rama: S'ka kapitull të lehtë, as kthim pas
17 Dhjetor, 07:23 -
Si Kryeministrja e Italisë, Giorgia Meloni mund të kapërcejë hendekun midis Trump dhe Evropës! Analiza e CNN
16 Dhjetor, 09:53
-
‘Asnjë hap pas!’ Meloni-Opozitës: Gjadri do funksionojë, edhe nëse fle atje çdo natë! Marrëveshja e emigrantëve, ‘tmerri' i trafikantëve (VIDEO)
15 Dhjetor, 17:18 -
Media spanjolle 'ABC': Shqipëria fiton popullaritet në mesin e turistëve ndërkombëtarë
15 Dhjetor, 08:14 -
Shqipëria dhe Kosova mbledhje të përbashkët Kuvendi, Spiropali: Kjo vjen si nevojë e koordinimit të axhendës tonë kombëtare për realizimin e objektivave strategjike
14 Dhjetor, 15:27 -
Meloni i jep nënshtetësinë italiane presidentit të Argjentinës, irritohet opozita: E patolerueshme
14 Dhjetor, 11:34 -
Trafik armësh Kosovë-Shqipëri/ Gjykata e Tiranës lë në burg 5 të arrestuarit, ata mohojnë akuzën
14 Dhjetor, 11:08
-
Shqipëria tjetër hap drejt integrimit në BE, çel negociatat për 'Marrëdhëniet me Jashtë'! Më 17 dhjetor konferenca e tretë ndërqeveritare në Bruksel
13 Dhjetor, 19:58 -
Mbi 19 mijë refugjatë sirianë kaluan tranzit në Shqipëri 5 vitet e fundit
13 Dhjetor, 17:07 -
796 arrestime në aksion masiv të BE-së kundër krimit të organizuar, Europol: 442 armë të sekuestruara! Mes grupit edhe shqiptarë
13 Dhjetor, 13:50
