Masakra e Gërdecit, mister shkresa për Shkëlzen Berishën dhe takimet me ministrat e Sali Berishës! Sa vite burg rrezikon nëse jep dëshmi të rreme

Shkëlzen Berisha duket se ende nuk e ka sqaruar pozicionin e tij në çështjen Gërdeci pasi SPAK kërkoi thirrjen si dëshmitar në gjyqin ndaj ish-ministrit të Mbrojtjes Fatmir Mediu. Bashkë me djalin e ish-kryeministrit, në listën me 71 persona për tu pyetur është edhe ish-ministri i drejtësisë i kohës, Aldo Bumçi. Lidhja mes tyre, janë kontaktet e vazhdueshme dhe një shkresë e këtij të fundit e vitit 2007 me një shënim në cepin e majtë lart, me shkrim dore “për Shkëlzenin” e cila ka mbetur e paqartë edhe në procesin e parë.

Për këtë çështje, SPAK e pyeti Shkëlzen Berishën më 26 janar 2023, një muaj para dërgimit të dosjes në gjyq. Pas asaj dëshmie, Shkëlzen Berisha, pranoi se shënimi me emrin e tij në letrën e ministrit të drejtësisë ishte një mister 15 vjeçar, por vetë nuk kishte një shpjegim.

“S’kam asnjë lidhje me të. Prokuroria duhet t’i thotë publikut se kush e ka bërë atë shënim. Unë nuk kam asnjë lidhje. Prokuroria t’i thotë publikut se e kujt është kaligrafia, nëse nuk është falsifikim.  Që unë të futem në Ministrinë e Drejtësinë nuk do të thotë që unë marr vendime”, tha Shkëlzen Berisha më 26 janar.

Dokumenti në fjalë, është dhënie mendimi nga Ministria e Drejtësisë, për projekt-ventimin e ministrisë së mbrojtjes për dërgimin në qeveri të vendimit për ngritjen e fabrikës së demontimit në Gërdec. Për rrjedhojë, shkresa duhej të komunikohej me faks nga njëra ministri në tjetrën, dhe shënimi “për Shkelzenin” në kushtet kur djali i ish kryeministrit nuk punonte në këto dikastere, duket një çështje për tu sqaruar, siç kërkon SPAK. Një tjetër pikë e rëndësishme në dosjen e SPAK, ende e pasqaruar, është edhe telefonata e Shkelzen Berishës me Fatmir Mediun, menjëherë pas shpërthimit të Gërdecit.

Ndërkohë që do të përballet me gjykatën për këtë çështje, Shkëlzen Berisha gjendet para detyrimit për të dëshmuar, pasi nëse refuzon, shkel nenin 307 të Kodit Penal, i cili parashikon se “refuzimi për  t’iu  përgjigjur pyetjeve rreth dijenisë për kryerjen e një vepre penale apo të autorit të  saj, dënohet me gjobë ose me burgim gjer në një vit”. Në vazhdim të këtij detyrimi, Shkëlzen Berisha është i shtrënguar të tregojë të vërtetën në gjykatë, pasi në të kundërt, shkel nenin 306 të Kodit Penal që parashikon se “dëshmia e rreme e bërë  përpara gjykatës përbën kundërvajtje penale dhe dënohet me gjobë ose me burgim gjer në dy vjet”.

Kjo vepër kur kryhet në lidhje me vepra të rënda penale, dënohet me burgim nga dy deri në gjashtë vjet. Punonjësja e ministrisë së Mbrojtjes, që ka marrë faksin e mbërritur nga zyra e ministrisë së Drejtësisë, ka pohuar para hetuesve të Gërdecit Hamza Plaka dhe Arben Frashëri, se shkresa ka mbërritur me shënimin në fjalë.

Faksi për Shkëlzen Berishën
 

Neni 206 i Kodit Penal për 'Dëshminë e rreme'

SI.E./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • mark: 23/09/2023 04:55

    arrrwdtoni familjen berisha,,bumcin,,dhe fatmir mediun ...per vrasjen e femijeve ne gerdec....

    Përgjigju
  • Te hypt vedi ne qef: 22/09/2023 12:55

    Po ju vjen funi edhe ktyne plehnave.

    Përgjigju
  • Sondazhi i ditës:

    Jeni dakord me nismën e Kishës Katolike për ndalimin e simboleve komuniste?



×

Lajmi i fundit

'Greqia nën presionin e BE-së për bllokadën ndaj Shqipërisë' Kathimerini: Jo vetëm Scholz, edhe presidenca spanjolle e acaruar me Athinën

'Greqia nën presionin e BE-së për bllokadën ndaj Shqipërisë' Kathimerini: Jo vetëm Scholz, edhe presidenca spanjolle e acaruar me Athinën