Laert Haxhiu, një person me rrezikshmëri të lartë shoqërore, rival i Aldo Bares është arrestuar nga policia greke me qëllim ekstradimin e tij drejt Shqipërisë. 31-vjeçari, i lindur në Lushnjë, u arrestua në Janinë nga policia greke dhe me vete kishte një leje qëndrimi greke të falsifikuar me emrin Mikis Askalidis, 32 vjeç, lindur në Gjeorgji.
Mesohet se arrestimi i tij u bë pas informacioneve të marra nga nga policia shqiptare e cila ia ka përcjelle me pas homologeve grekë. Ndonesë ishte i shpallur prej vitesh e kerkim ndërkombetar Laert Haxhiu jetonte i qetë fare pranë kufirit me Shqipërinë.
Gjykata e Rrethit Gjyqësor Lushnjë, në vitin 2017, e ka dënuar Laert Haxhiun për veprat penale “Vrasja në rrethana cilësuese”, mbetur në tentativë dhe “Mbajtja pa leje dhe prodhimi i armëve, armëve shpërthyese dhe i municionit”. Po ashtu Laert Haxhiu është marrë i pandehur dhe i shpallur në kërkim ndërkombëtar nga GJKKO për masakrën e Lushnjës në 2017, ku vranë Zamir Latifi dhe Jurgen Hoxha, por u shpëtoi shënjestra, Xhulio Shkurti, nipi i Aldo Bares, kreu i bandës së Lushnjes.
GJKKO ka dënuar me burgim të përjetshëm Orgest Bilbilin dhe Anterio Kaloshin, të shpallur fajtor për vrasjen e Zamir Latifit dhe Jurgen Hoxhës, si dhe plagosjen e Bujar Turkut dhe Marius Xhepexhiut, në Lushnjë në 2017. Në këtë atentat u plagosën Marjus Xhepexhiu dhe Bujar Turku. Veç akuzës së vrasjes në rrethana cilësuese të një ose më shumë personave, Bilbili akuzohet për “Kryerjen e veprave penale në kuadër të grupit kriminal”.
Anterio Kaloshi u arrestua në 13 gusht, pasi bashkë me të tjerë qëlluan me kallashnikov drejt Hotel Volorekës në Pogradec në datë 8 gusht, ku Kaloshi kishte rolin e ekzekutorit. Ndërkohë Orges Bilbili u kap në 10 prill në zonën e Xhamllikut në Tiranë, i cili u plagos nga polici pasi tentoi të largohej.
Laert Haxhiu, i shpallur në kërkim për masakrën e Lushnjës në 2017, ku u vranë Zamir Latifi dhe Jurgen Hoxha, por u shpëtoi shënjestra, Xhulio Shkurti, nipi i Aldo Bares, kreu i bandës së Lushnjës. Shqiptarja.com risjell një shkrim të detajuar botuar në tetor 2020 ku shpjegohet se si shpëtoi atentatit nipi i Aldo Bares.
(Shkrim i botuar në shqiptarja.com në tetor 2020)
Një kamera sigurie, e marrë në rrugë private nga njëri prej të afërmve të Zamir Latitifit, vrarë në 2017 në Lushnjë, ka sjellë zbardhjen e plotë të autorëve të masakrës ku mbetën të vdekur, Jurgen Hoxha, Zamir Latifi dhe të plagosur rëndë Marjus Xhepexhiu dhe Bujar Turku.
Pamjet filmike, të marra në ambientet e karburantit “Gulf” në pronësi të Saimir Taullaut, kanë identifikuar se dy personat kryesorë në këtë atentat me 43 plumba automatiku, janë Orgest Bilbili, i arrestuar në Prill 2020 në Tiranë krejt rastësisht dhe shoku i tij Laert Haxhiu, ende në kërkim. Të dy këta persona pasditen e 11 tetorit 2017, kanë qenë në ambientet e karburantit “Gulf”, ku janë filmuar pikërisht me makinën tip “Benz-Mercedez”, makinë e vjedhur në Kamëz dhe e përdorur në ngjarjen kriminale që tronditi Lushnjën.
Pamjet filmike tregojnë se në makinë kanë qenë tre persona, ku Bilbili dhe Haxhiu dallohen qartë, ndërsa personi i tretë qartësohet se është brenda në makinë, por nuk identifikohet qartë, nëse është Anterio Kaloshi. Sipas prokurorisë qëllimi i këtij atentati ka qënë ekzekutimi i nipit të Aldo Bares, Xhulio Shkurti, por ky i fundit ishte larguar nga lokali vetëm pak minuta më parë, duke shkuar për tu qethur ne berberi. Ndërkohë njëri nga dëshmitarët Bruno Latifi, i pyetur në prokurori ka treguar se Saimir Taullau, është shprehur në një tavolinë në lokalin e tij që “…
Zamir Latifi të bënte kujdes të mos rrinte me shtetasin Xhuljo Shkurti, pasi do hajë noj plumb nga Orgesi dhe Laerti pasi ata nuk ja falin Xhuljos, për çfarë ka ndodhur…”. Gjithashtu gjatë paraqitjes për njohje të dy fotografive të Bilbilit dhe Haxhiut, foto të nxjera nga pamjet filmike të karburantit, dëshmitari ka njohur të dy autorët e këtij krimi, teksa janë në shoqërinë e Julian Zenelit,Klaudio Zenelit dhe Sajmir Taullaut. Dy dëshmitarë të tjerë Sajmo Xheliu dhe Kristian Shkurti, të cilën kanë qënë në vendngjarje, kanë pohuar në prokurori se kanë njohur Laert Haxhiun dhe Orgest Bilbilin, të cilën kanë qenë me kapuçë kur kanë hapur zjarr me automatik drejt tavolinës ku qëndronin dy viktimat dhe dy personat e tjerë të plagosur.
Sipas Shkurtit, Orgest Bilbilin e njeh shumë mirë pasi e ka pasur në klasë paralele kur kanë qënë në shkollën 8-veçare në Lushnjë. Nga hetimet e kryera ka rezultuar se masakra e datës 11 tetor 2017 ka patur si objektiv të vrasjes Xhulio Shkurtin. Vrasja e mbetur në tentativë disa vite më parë ndaj Xhulio Shkurtit, konkludohet se është kryer për hakmarje, referuar këtu dhe historikut të konflikteve midis familjeve të Xhulio Shkurtit dhe Laert Haxhiut. Kjo hakmarje e ka zanafillën herët, pasi banda e Aldo Bares alias Alfred Shkurti i ka djegur shtëpinë xhaxhait të Laert Haxhiut, Shkëlqim Haxhiu. Më pas në janar të vitit 2005 është vrarë djali i xhaxhait të Laertit, Klodian Haxhiu.
Kjo hakmarje ka filluar të faktohet në vitin 2010, thotë prokuroria. Nga ana tjetër Laert Haxhiu, ka qënë i akuzuar së bashku me Orgest Bilbilin, për ngjarjen e datës 8 korrik 2010 ku në Lushnjë është vrarë me armë zjarri Gerti Lala me pseudonimin “Iriqi”, i cili dyshohet se ka qenë pjesë e organizatës kriminale të drejtuar në Lushnjë nga Aldo Bare.
Për këtë ngjarje Laert Haxhiu dhe Orgest Bilbili janë arrestuar sit ë dyshuar dhe akuzuar dhe dërguar për gjykim, por më pas janë liruar duke u shpallur të pafajshëm nga gjykata e Apelit Vlorë. Në vitin 2016 Laert Haxhiu tentoi të vriste Xhulio Shkurtin, vrasje të cilën nuk arriti ta finalizojë dhe tentoi përsëri në mënyrë të organizuar të finalizojë në vitin 2017, por përsëri pa sukses. Pikërisht mosfinalizimi i vrasjes së Xhulio Shkurtit, qe shtysa që Laert Haxhiu të tentonte përsëri për të eliminuar Shkurtin, por këtë radhë në mënyrë më të organizuar.
Për të realizuar këtë qëllim, Haxhiu pas shtatorit të vitit 2016 në një kohë të papërcaktuar saktë, ka krijuar një grup kriminal në përbërjen e të cilit ka future lidhjet e tij të ngushta shoqërore,Orgest Bilbilin dhe Anterio Kaloshin si dhe persona të tjerë ende të paidentifikuar, për të cilët po vazhdon hetimi nga prokuroria e posaçme. Pikërisht në kuadër të këtij grupi kriminal të tre personat tentuan të vrasin Xhulio Shkurtin, por përsëri pa sukses, pasi ai ishte larguar vetëm disa minuta më parë, duke shkuar tek berberi. Por si pasojë e breshërive të dy automatikëve kanë mbetur të vrarë në vend dy persona dhe dy të tjerë janë plagosur rëndë.
Këto janë pamjet e momentit të vrasjeve të Zamir Latifit dhe Jurgen Hoxhës në Lushnjë më 11 tetor të vitit të kaluar. Në videon e siguruar atëherë nga Report Tv duket momenti kur Laert Haxhia, i cili u arrestua sot nw Greqi, dhe Orges Bilbili hapin zjarr me automatik. Pas vrasjeve autorët janë largua me shpejtësi rrufe me një makinë tip Benz, ndërsa edhe njerëzit që ndodhen pranë vendit të ngjarjes ikin me vrap.
Nga ngjarja mbetën të vdekur Zamir Latifi dhe Jurgen Hoxha, ndërsa u plagosën Marius Xhepexhiu, pronar i lokalit ku ndodheshin dy viktimat si dhe një kalimtar. Atentati kishte lidhje me ngjarjen e datës 25.09.2016 ku është tentuar të vritet me armë zjarri nipi i Aldo Bares, Xhulio Shkurti.
Komente
Lajme të tjera
-
Greqi/ Tërmeti shkund Patran, forca 4,7 ballë! Nuk raportohet për të lënduar, por ka shkëputje masive gurësh! Frikë për paslëkundje, panik te banorët
21 Dhjetor, 18:33 -
Arrestimi në Gjermani, Florian Marku në pritje të ekstradimit drejt Greqisë! Priten 6 muaj burg
19 Dhjetor, 12:47
-
Greqi/ Çmontohet organizata shqiptare e vjedhjes së makinave luksoze! I sillnin me targa false në vendin tonë, drejtuesi shqiptar u plagos (FOTO+VIDEO)
19 Dhjetor, 12:18 -
Dosja me përgjime/ Si i rekrutonte 'Mondi' nga qelia 'çunat' shqiptarë, për të kryer krime dhe vrarë dejtorin e Burgut të Janinës (FOTO+VIDEO)
19 Dhjetor, 11:39 -
Arrestohet në Gjermani Florian Marku, boksieri shqiptar 'hesape' me drejtësinë greke
18 Dhjetor, 22:10
-
Greqia mbështet me kushte anëtarësimin e Shqipërisë në BE, eksperti: Diçka e pritshme! Duan pronat në Himarë, askush si vendi ynë nuk respekton minoritetet
18 Dhjetor, 18:57 -
Greqia: Mbështetja jonë për anëtarësimin e Shqipërisë në BE është e kushtëzuar, ne jemi rregullatorët e shpejtësisë
18 Dhjetor, 16:17 -
Greqi/ Panik në Selanik, 'Sillni ministrin ose do hedh Gjykatën në erë', arrestohet autori (VIDEO)
18 Dhjetor, 13:58 -
Greqi/ Kapen 82 kg kokainë në Portin e Pireut, arrestohen dy punonjës të portit
17 Dhjetor, 22:31 -
Policia greke godet bandën me kryetar shqiptarin e njohur si 'Mondi', sekuestrohen drogë, armë e para kesh! 25 të arrestuar dhe 14 në kërkim
17 Dhjetor, 18:46 -
Merret peng dhe dhunohet greku në Kostur, policia shpall në kërkim shqiptarin
17 Dhjetor, 16:40 -
Atentati ndaj shqiptarëve në Athinë, rihapet dosja e vrasjes së 32-vjeçarit shqiptar Roan Brahimi, armikut të Ervis Martinajt! Dyshohet se kanë lidhje
17 Dhjetor, 15:10
Cojani aldos ket gangesterin e vogel ne dhom tja bej sumen si kazan rakie
Përgjigju