POP 5

Lajmet më të lexuara të 5 minutave të fundit

Kronikë

Masakra e Lushnjes/ Prokurorja e kërcënuar mbron akuzën ndaj Laert Haxhiut! Doloresa Musabelliu kërkon gjyq në mungesë

Pak ditë pas dëshmisë së të penduarit Artan Tafani për planin e Laert Haxhiut për vrasjen e saj, prokurorja e SPAK Doloresa Musabelliu mbrojti akuzën në gjyq ku kërkoi proces në mungesë ndaj të akuzuarit për vrasjen e dyfishtë në Lushnje në vitin 2017. Shkak u bë fakti se Laert Haxhiu, që ndodhet në burg në Greqi, ka refuzuar dy herë njoftimin për gjyqin që po zhvillohet ndaj tij në Tiranë.

Prokurorja e SPAK, Doloreza Musabelliu ka vijuar të përfaqësoj akuzën në procesin ndaj Leart Haxhiut, i akuzuar për masakrën e Lushnjes, ndonëse i penduari i drejtësisë, Artan Tafani, tregoi se ndaj saj kishte një plan për atentat.

Ajo është paraqitur në Gjykatën e Posaçme, në seancën e radhës, madje ka kërkuar të vijojë procesi edhe në mungesë të të pandehurit, i cili është në pritje të ekstradimit pas arrestimit në Greqi.

Prokurorja ka depozituar si provë në gjykatë edhe vendimi i Gjykatës së Posaçme te Apelit, i cili ndryshe nga vendimi  i GJKKO, i ka shpallur fajtorë dy te akuzuarit e tjere të akuzuar për njgjarjen e Lushnjes,  Anterio Kaloshi dhe Orges Bilbili, dhe i ka dënuar edhe per vrasjen e mbetur ne tentative ndaj Xhuljo Shkurtit, ngjarje për të cilën akuzohet edhe Leart Haxhiu.

Procesi u zhvillua me debate pasi avokati mbrojtës Detar Hysi kundershtoi të vijonte mbrojtjen me pretendimin se ai ishte i caktuar edhe nga babai i Laert Haxhiut, dhe jo nga vete i pandehuri.

Gjykata sqaroi në seancë se kishte ezauruar të gjitha mënyrat për ta njoftuar të pandehurin ne burgun Grek për seancën që zhvillohet në Shqipëri. Oficeri i kontatit ne Greqi mësohet se është autorizuar për kryerjen e njoftimit, por i arrestuari një here kishte refuzuar të firmoste njoftimin me argumentin se ishte me Covid ndërsa herën e dytë nuk kishte pranuar të kontaktohej.

Në seancë nuk është paraqitur as deshmitari i fundit i prokurorisë Arsen Xhuti, çka detyroi gjykatën të përsërisë thirrjen e tij për në seancën e datës 19 tetor.  

31 vjecari Laert Haxhiu që ndodhet ne burgun grek vijon betejën për të mos u ekstraduar ne Shqipëri. Ai ka kërkuar në këtë shtet edhe azil me argumentin se ne Shqiperi I rrezikohet jeta, ndërkohë që vendimi pritet të merret ne 5 nëntor. Nga ana tjetër në lidhje me ekstradimin pritet të shprehet edhe Gjykata e Apelit e Athinës, pasi kërkesa është refuzuar nga gjykata e Janinës.

S.G/r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Si e vlerësoni funksionimin e Gjykatave dhe Prokurorive në qarqe?

Lajme të tjera



×

Lajmi i fundit

Bie në gropën e ashensorit të pallatit ku jetonte, plagoset efektivi në Sarandë! Niset drejt Tiranës për mjekim

Bie në gropën e ashensorit të pallatit ku jetonte, plagoset efektivi në Sarandë! Niset drejt Tiranës për mjekim

27 Prill, 13:14