'Masat do jenë ekstreme, personat para ligjit', Safet Gjici: Në Kukës po kërkojnë toka për fusha futbolli

Presidenti i nderit dhe njëkohësisht kryebashkiaku i Kukësit, Safet Gjici është rikthyer të flasë për futbollin dhe klubin verilindor. Në një dalje për mediat, Gjici ka treguar se do jenë edhe gjashtë fusha të tjera stërvitore në Kukës, pasi FSHF dhe qeveria po kërkojnë toka në këtë zonë. Pas fushës stërvitore të inauguruar, Gjici tregon se do jenë edhe gjashtë fusha të tjera sportive në zonë, tre në qytet dhe nga një në Shishtavec, Shtiqën dhe Bicaj.

Kryebashkiaku foli edhe për incidentet e fundit të ndodhura në stadiumin e Kukësit, ku tifozët vendas u bënë protagonsitë për keq, duke dënuar edhe spotdashësit e tjerë për të hyrë në stadium. Masa të forta nga klubi për sigurinë, këtë kërkoi Gjici, që shtoi se personat që prishin rendin do dalin para drejtësisë.

"Dënimi për tifozët? Ajo çfarë unë sot do iu thoja tifozëve, është se kjo vepër madhështore e bërë në Kukës, një stadium madhështor është bërë pikërisht për standarde në sport. E patë se me presidentin e FSHF inaguruam fushën stërvitore. Lojtarët janë për të bërë gola. Nëse një lojtar shënon dhe goditet duke dëmtuar investimin dhe imazhin nuk është normale. Në fakt ka tifoza Kukësi por janë një pjesë që nuk duhen pranuar në stadium. Me sa di unë policia ka bërë veprimet e veta për personin përgjegjës në kundërshtim me ligjin. Stadiumi monitorohet nga kamera.

LEXO EDHE:
Vendos Kristal Abazaj në limite, Tirana mposht 1-0 Kukësin dhe futet në "Final 4"! Tifozët shajnë bardheblutë

Pamjet filmike janë dërguar në polici dhe ai person është para drejtësisë. Këto persona jo vetëm që do të dënohen por nuk do të lejohen më në stadium. Ato që prishin stadiume të reja, nuk i duhen ekipit të Kukësit. Kërkoj nga Security dhe Policia Bashkiake që të merren masa ekstreme. Të respektohet rregullorja 100%.

Ju lutem tifozëve që e duan Kukësin dhe që janë shumë por që vijnë 10-15 pseudotifoza të mos i lejojmë në stadium. Të shkaktosh dëm ekonomik sepse kemi paguar miliona nga këta persona. Të dënosh tifozat pa asnjë faj dhe klubin, do të kërkojmë llogari. Ka dalë edhe ligji që policia bashkiake ka detyrim ligjor për të sigurar ndeshjen. Ne do ti evidentojmë të gjithë personat problematikë", tha Gjici.

 

Ndërkohë presidenti foli edhe për ecurinë e skuadrës dhe pesë fitoret radhazi mes Kupës dhe kampionatit, duke shtuar se trajneri i ri po bën punë të mirë dhe se nga ekipi pritet më shumë pasi ka cilësi në grup.

"Natyrisht që rezultatet tregojnë se Kukësi ka ekip. Është puna e mirë e trajnerit me rezultate dhe e shoh në ngjitje por kanë akoma për të dhënë. Kampionati është i gjatë dhe nuk e percaktojnë 3 ndeshje. Ishte fillimi më i keq por besoj se e ka marrë veten. Duhet të jemi me këmbë në toke sepse të gjitha ekipet janë aty-aty. Edhe me Erzenin kishim probleme që natyrisht trajneri i sheh dhe stafi teknik i shohin. Kështu është futbolli. Duhet të jemi me këmbë në tokë dhe të marrim ndeshjet një nga një e të shkojmë te objektivi që kemi dhe kërkojmë mbështetjen e tifozëve pasi u kthyem në Kukës që të fitojmë të gjitha ndeshjet. Ky stadium është pronë e të gjithëve. Nuk duhet të lejojmë që të vijnë palo tifozë për të shkatërruar ndeshjen. Unë nuk do të lejoj më që këta tifozë të bëjnë të tilla gjestesh. Nuk duhet të bëjnë gjëra të shëmtuara", vijoi presidenti..

 

Pas fushës stërvitore të inauguruar, Gjici tregon se do jenë edhe gjashtë fusha të tjera sportive në zonë, tre në qytet dhe nga një në Shishtavec, Shtiqën dhe Bicaj.

"Kompleksi i ri sportiv "Ilirjan Thaçi" dhe akademi në Kukës?  Ju e patë që sa u hap fusha erdhën shumë njerëz. U pa se çfarë zhvillimi ka. Disa thonin pse stadium. Ja që stadium sjellë anë ekonomike sepse nuk është vetëm për ndeshje. Shumë fëmijë kanë ardhur aty. Kukësi U21 kishte tifozë sa një ndeshje e ekipit të parë. Për fëmijët e Kuksianëve, do të shkojmë drejt ndërtimit të një akademie. FSHF dhe Qeveria kanë kërkuar tokë në Kukës për të ndërtuar edhe fusha të tjera stërvitore. Në Shishtavec do të bëhet një fushe, një në Shtiqën, një në Bicaj dhe 3 në qytet. Besoj se do të kemi një akademi sepse duam prodhim nga qyteti jonë. Ekipi është i Kukësit por normalisht do të ketë edhe lojtarë nga jashtë dhe nga qytete të tjera. Fanella e Kukësit tani ka shumë peshë. Do ti vijë koha edhe akademisë por duhet që brenda vitit 2023 të përfundojmë të gjitha këto fusha. Përveç fushës qe kemi, do të kemi edhe 5-6 fusha të tjera", përfundoi Gjici.

S.DH/Shqiptarja.com

TAG:
• superliga shqiptare
• Safet Gjici
• Kukesi