POP 5

Lajmet më të lexuara të 5 minutave të fundit

Kronikë

Mashtrim në shuma të mëdha dhe drogë, ekstradohen dy shqiptarë nga Gjermania dhe Greqia

Interpol Tirana ka ekstraduar dy shtetas nga Gjermania dhe Greqia, të dënuar për veprat penale të ‘mashtrimit’ dhe ‘trafikimit të lëndëve narkotike’. Gjermania ka dorëzuar shqiptarin, që mashtroi në shuma të mëdha.
Mashtrim në shuma të mëdha dhe drogë, ekstradohen dy shqiptarë nga Gjermania dhe Greqia

Interpol Tirana ka ekstraduar dy shtetas nga Gjermania dhe Greqia, të dënuar për veprat penale të ‘mashtrimit’ dhe ‘trafikimit të lëndëve narkotike’. Bëhet e ditur se është kryer ekstradimi nga Frankfurti/Gjermani drejt vendit tonë i shtetasit shqiptar Shefki Lusha, 49 vjeç, lindur në Dibër.

Shtetasi Shefki Lusha ishte shpallur në kërkim ndërkombëtar, pasi me vendimin penal nr. 3969, datë 16.11.2015, Gjykata e Rrethit Gjyqësor Tiranë e ka dënuar këtë shtetas me 5 vjet burg për veprën penale të “Mashtrimit” parashikuar nga neni 143/2 i Kodit Penal.

Shtetasi Shefki LUSHA ka mashtruar shtetasit D.R, Q.B., A.R, dhe S.E., duke u marrë shuma të konsiderueshme parash, me premtimin se do tua kthente, por pasi u ka marrë lekët këtyre shtetasve është larguar jashtë vendit.

Si rezultat i bashkëpunimit të Interpol Tiranës me Interpol Ëiesbaden u bë i mundur arrestimi i tij në Gjermani, duke u finalizuar me ekstradimin e tij drejt vendit tonë.

Gjithashtu, po nga Interpol Tirana u krye ekstradimi nga Athina/Greqi drejt vendit tonë, i shtetasit shqiptar:

- Vasil Dervishanji, 45 vjeç, lindur në Berat dhe banues në Greqi.

Në datë 01.12.2013, në Pikën e Kalimit Kufitar Kakavijë në dalje nga R.SH gjatë kontrollit në makinën tip Mitsubishi të drejtuar nga shtetasi Vasil Dervishanji, u sekuestrua 19 kilogramë lëndë narkotike e llojit mariuanë.

Shtetasi Vasil Dervishanji është shpallur në kërkim ndërkombëtar nga Interpol Tirana më datë 26.12.2014, pasi Gjykata për Krimet e Rënda, Tiranë me vendimin nr. 79 datë 22.06.2012, e ka dënuar me 8 vjet burg për veprën veprën penale "Trafik të lëndëve narkotike", parashikuar nga neni 283/a/1 e 22 i Kodit Penal.

Si rezultat i bashkëpunimit të Interpol Tirana me Interpol Athina/Greqi, u bë i mundur arrestimi i tij në Greqi, duke u finalizuar me ekstradimin e tij drejt vendit tonë.

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Analiza e VOA: Demokracia në provë në Evropën Lindore mes akuzave për ndërhyrje nga Rusia

Analiza e VOA: Demokracia në provë në Evropën Lindore mes akuzave për ndërhyrje nga Rusia

25 Dhjetor, 19:34