Ministrja e Brendshme britanike, Theresa May premtoi një paketë të re masash për të luftuar kundër ekstremistëve, që do të aplikohen në rast të rizgjedhjes së konservatorëve, në Birmingam, në kongresin e partisë.

"Dëmet e shkaktuara shoqërisë tonë nga ekstremistët janë një arsye e mjaftueshme për të reaguar", deklaroi May para anëtarëve të partisë së saj duke i bërë thirrje për mbrojtje të vlerave britanike.

Në rast të fitores së konservatorëve në zgjedhjet e përgjithshme në muajin maj 2015 do të krijohen masa mbrojtëse që do t'i mundësojnë autoriteteve të ndalojnë grupet ekstremiste, edhe nëse ata nuk përbëjnë një kërcënim terrorist.

ATSH