POP 5

Lajmet më të lexuara të 5 minutave të fundit

Kultura

Mbi 100 vjet prani e institucioneve italiane në sistemin shkollor shqiptar

Ekspozitë me rastin e 100 vjetorit të Tirana Kryeqytet.

Mbi 100 vjet prani e institucioneve italiane në sistemin shkollor shqiptar

Ambasadori i Italisë, Fabrizio Bucci, zhvilloi sot një vizitë në shkollën e mesme “Ismail Qemali” në të cilën ndodhet edhe seksioni dygjuhësh italo – shqiptar, për të përuruar ekspozitën me titull “Mbi 100”.

“Mbi 100 është një projekt i financuar nga Ambasada e Italisë në Tiranë në mbështetje të Gjuhës Italiane me qëllim që nxënësit që studiojnë italishten të kenë interes dhe kureshtje për lidhjet historike të ngushta e të jashtëzakonshme mes dy Vendeve.

Në këtë ekspozitë janë të ekspozuara disa dokumente të marra nga Arkivi historik Kombëtar i Tiranës të cilat i referohen së njëjtës temë: pranisë së Italisë, të gjuhës e të kulturës italiane në sistemin shkollor shqiptar. Kuratorja,  Albana Muceku, mësuese e gjuhës italiane pranë shkollës së mesme “Petro Nini Luarasi” ka kryer një punë kërkimore në arkiva prej 2013 deri më 2015, me qëllim kryerjen e një masteri universitar,  duke nxjerrë në dritë letërkëmbime, raporte, dëftesa, programe mësimore të shkollave italiane, që i përkasin kryesisht periudhës mes viteve 1918 – 1941.

Nga dokumentet e paraqitura në ekspozitë vërehet se si ndikimi që ka pasur Italia në sistemin shkollor shqiptar është vënë në jetë jo vetëm falë vendimeve institucionale të përbashkëta mes Ministrive të të dy Shteteve, por, mbi të gjitha, falë angazhimit të atyre personave që kanë hedhur themelet e një sistemi që ende sot ka një rol të rëndësishëm në arsimin shqiptar, përmes seksioneve dygjuhëshe dhe Programit Iliria.

Këto panele sjellin një vështrim mbi marrëdhëniet mes institucioneve të cilat kanë njohur periudha të një shkëmbimi të dendur e që i kanë bërë ballë vështirësive të ndryshme me karakter organizativ dhe administrues. Gjithsesi, na habisin për aktualitetin e tyre, për afërsinë ndaj çështjeve që kanë ekzistuar përherë në shkolla, përtej kufijve gjeografikë apo rrethanave historike. Gjetja e mësuesve, ankthi për shpenzimet e kufizuara, udhëzimet që lidhen me datat e provimeve, emërimi i anëtarëve të komisioneve, shqetësimi i një drejtuesi për mungesat e nxënësve, kërkesa për çeljen e një kursi të Dante Alighieri-t e të tjera të dhëna që i përkasin përditshmërisë shkollore.

Janë interpretime që tingëllojnë ende aktuale: vëmendja e ndërsjelltë ndaj kodeve kulturore, zgjedhja e modeleve pragmatike, fuqizimi i mësimdhënies së arteve dhe zanateve në mbështetje të artizanatit dhe të tregtisë, aspekte këto që i referohen modeleve të Italisë fqinje në përputhje me logjikën e përditësuar evropiane dhe ndërkombëtare.

Gjatë vizitës së tij të parë, nxënësit vendosën t’i urojnë mirëseardhjen Ambasadorit me një projekt kushtuar ushqimit dhe traditës gastronomike italo – shqiptare, duke zhvilluar aspektet e shijes si dhe duke ilustruar cilësitë dhe përfitimet e produkteve ushqimore në dobi të mirëqenies psikofizike, duke vënë kështu në praktikë si dijet e përftuara në shkollë ashtu dhe ato të fituara në gjirin e familjes.

G.M./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Izraeli bombardon me raketa aeroportin ndërkombëtar të Sanas në Jemen, disa të lënduar

Izraeli bombardon me raketa aeroportin ndërkombëtar të Sanas në Jemen, disa të lënduar

26 Dhjetor, 17:02