Mbi 2 orë protestë e dhunshme në Tiranë, 5 efektivë policie e 2 protestues të plagosur! 1 prej policëve me frakturë në këmbë

Ministria e Shëndetësisë ka raportuar se nga protesta e zhvilluar pasditen e kësaj të enjte janë lënduar 7 persona.

Prej tyre, 5 janë punonjës të policisë dhe 2 janë protestues të cilët aktualisht po marrin trajtim mjekësor në spitalin e Traumës.

Njëri prej punonjësve të rendit është me dëmtime më serioze dhe pas ekzaminimeve të kryera, rezulton me frakturë të kërcirit.

Ndërsa gjatë protestës të zhvilluar ditën e djeshme, kanë marrë shërbim në spitale 16 punonjë të policisë dhe dy protestues, ku njëri prej punonjësve të rendit ka patur dëmtime serioze të syrit, me prognozë mjaft të rëndë.

Lajmi kryesor:

Dita e 2-të e protestës për vrasjen e Klodjan Rashës/ Dhunë e shkatërrime në disa zona të Tiranës! Thyhen xhamat e selisë së PS dhe Bunk'Art 2! 5 efektivë e 2 protestues të lënduar (VIDEO)

E.M./b.ha./Shqiptarja.com

TAG:
• Protesta
• ministria e brendshme
• vrasja e klodjan rashes