POP 5

Lajmet më të lexuara të 5 minutave të fundit

Sociale

Mbretëresha kërkon shërbëtor
Paga 335 euro në javë

Mbretëresha Elizabeth II ka nevojë për dikë që të bëjë pastrimin në pallatin mbretëror Buckingham. Paga është 273 sterlina në javë (335 euro), të cilat bëhen 14.200 ne vit (më pak se 17.500 euro).
BRITANI- Jeni të besuar dhe të përpiktë deri në detalin më të vogël? keni një karakter të hapur dhe gazmor, por në të njëjtën kohë dini si të rezervoheni? E mbani shtëpinë pastër si një pasqyrë, duke përfshirë edhe vendosjen e përparësive për detyrat e shtëpisë që duhen bërë?

Nëse i jeni përgjigjur “Po” 3 pyetjeve të mësipërme dhe jeni të disponueshëm të qëndroni larg shtëpisë për 3 muaj në vit, atëherë jeni perfekt për Madhërinë e saj, duke qenë se Mbretëresha është duke kërkuar një “ndihmës për punët e shtëpisë”.

Mbretëresha Elizabeth II ka nevojë për dikë që të bëjë pastrimin në pallatin mbretëror Buckingham dhe sigurisht që ta bëjë atë shumë mirë, për të evituar një figurë të keqe përpara një banje që nuk shkëlqen.

Në mesin e argjendarisë që duhet të shkëlqejë, dyshemeja që duhet pastruar (përfshirë dhe tapetet), sendet antike që duhen kujdesur dhe krevatët që duhen rregulluar (përveç apartamenteve të familjes mbretërore, duhet të mendohet edhe për të ftuarit dhe përfaqësuesit).

Por jo vetëm, në punët që duhen bërë është edhe përgatitja e çajit në orën 5 mbasdite dhe mëngjesi, duhet të kontrollojë çarçafët dhe peshqirët (duke iu referuar guvernatores në rast se shërbehen ndërresa të reja), duhet të pastrosh rregullisht dollapët e sirtarët dhe të kujdesesh për veshjet gjatë pritjeve, pa përmendur detyrat në sekondën e fundit dhe kërkesat e veçanta që mund të kenë të ftuarit.

Me pak fjalë shumë punë, e cila rrezikon t’i kalojë 40 orët e parashikuar në javë (jo më kot në njoftim përfshihen punët e mundshme në fundjavë dhe kërkohet fleksibilitet në orarin e caktuar), për më tepër për një pagë jo tamam mbretërore, të paktën “Telegraf” e ironizon pagesën prej 273 sterlina në javë (335 euro), të cilat bëhen 14.200 ne vit (më pak se 17.500 euro).
(eç/shqiptarja.com)

/Shqiptarja.com
  • Sondazhi i ditës: 8 Janar, 21:20

    Berisha kundër uljes së çmimit të energjisë elektrike, si iu duket?

Lajme të tjera



×

Lajmi i fundit

VIDEO/ Tottenham fiton minimalisht aktin e parë gjysmëfinal të Kupës, Liverpool 'bie' pas 25 ndeshjeve! Frikë për Bentancur

VIDEO/ Tottenham fiton minimalisht aktin e parë gjysmëfinal të Kupës, Liverpool 'bie' pas 25 ndeshjeve! Frikë për Bentancur

9 Janar, 08:38