Mbyllën dosjet pa hetime, ja 5 prokurorët që u dërguan për riedukim në Shkollën e Magjistraturës, vendimi i fundit për Gjergji Takon

Mbyllën dosjet pa hetime, ja 5 prokurorët që u dërguan për riedukim në Shkollën e Magjistraturës, vendimi i fundit për Gjergji Takon

Riselda Fisha,Marsida Frashëri,Elvin Gjokaj,Gjergji Tako dhe Artan Çupi

Ligji i Vetingut në drejtësi parashikon tre opsione vendimmarrje për fatin e gjyqtarit apo prokurorit që i nënshtrohet verifikimit: Konfirmimin në detyrë, shkarkimin nga detyra si dhe rikthimin për riedukim në Shkollën e Magjistraturës. Gjatë zbatimit të ligjit të Vetingut, Komisioni i Vetingut i shkallës bazë, ka marrë 5 vendime për dërgimin e gjyqtarëve dhe prokurorëve në rishkollim, kur ka konstatuar mangësi në kriterin profesional, mangësi të cilat mund të rikuperohen gjatë një trajnimi shtesë 1-vjeçar në Shkollën e Magjistraturës.

Në 16 qershor 2002, Komisioni i Vetingut vendosi të dërgonte për rishkollim në Shollën e Magjistraturës prokurorin e Tiranës, Gjergji Tako, pasi dërgonte kërkesa për gjykim pa analizë ligjore, mbyllte dosje pa kryer hetime si dhe për përdorimin e një makine pa letra. Tako, gjatë seancës dëgjimore, bëri edhe një koment epik, duke thënë se ‘brenda shkeljes jam treguar i kujdesshëm’. Në përfundim të rishkollimit dhe pas administrimit të rezultateve të arritura nga prokurori në Shkollën e Magjistraturës, KPK-ja do të përfundojë procesin e Vetingut dhe do të marrë një vendim për Gjergji Takon, duke e konfirmuar ose shkarkuar nga detyra.

Në maj 2022, Komisioni i Vetingut vendosi të dërgonte për rishkollim në Shollën e Magjistraturës edhe prokuroren e Shkodrës Marsida Frashëri, duke e pezulluar për një vit nga detyra. Në vendimin e ndërmjetëm, KPK-ja arsyeton se prokurorja ka vonuar në mënyrë të përsëritur shqyrtimin e dosjeve që ka pasur në dorë.

Në korrik të vitit 2021m Komisioni i Vetingut dërgoi për riedukim në Shkollën e Magjistraturës prokuroren e Lezhës, Riselda Fishtën, e cila u konstatua se nuk kishte kryer hetime për dhjetëra çështje penale dhe zvarriste proceset hetimore.

Në korrik të vitit 2020, Komisioni i Vetingut dërgoi për rishkollim në në Shollën e Magjistraturës prokurorin e Matit, Artan Çupi. Gjatë një vitit prokurori ndoqi kursin e trajnimit në Shkollën e Magjistraturës. Në shator të 2021, KPK-ja vendosi të konfirmonte në detyrë prokurorin, me arsyetimin se kishte përmirësuar në shkollë mangësitë profesionale që Komisioni i kishte gjetur.

Kreu i Prokurorisë së Apelit në Shkodër, Elvin Gokaj, u pezullua nga detyra me vendim të Komisionit të Vetingut në janar të vitit 2019, ndërsa u dërgua për trajnim 1-vjeçar në Shkollën e Magjistraturës. Sipas KPK-së, dosjet e Gogajt ishin me probleme dhe se nuk kishte konstatuar shkeljet dhe mangësitë e prokurorëve.

Por, anëtarja e Vetingut Xhensila Pine dhe Komisioneri Publik u shprehën se Gokaj duhej shkarkuar dhe jo të dërgohej në Shkollën e Magjistraturës. Vendimi u ankimua si nga Gokaj, i ciki kërkonte konfirmimin në detyrë, por edhe nga Komisioneri Publik, i cili kërkonte shkarkimin nga detyra. Kolegji i Apelimit i dha të drejtë prokurorit Elvin Gokaj. Kolegji rrëzoi si Komisionerin Publik, ashtu edhe Komisionin e Vetingut, duke konfirmuar në detyrë prokurorin.

SI.E./LR/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • adriani: 09/07/2022 23:24

    Tako nuk ka bere hetime sepse i korruptuar dhe jo sepse ka mangesi profesionale. Nje shpellar i klasit 1-re.

    Përgjigju
  • Deda: 09/07/2022 22:07

    Shkurt muhabetit nuk jane per kete pune o Tiko.

    Përgjigju
  • BENI: 09/07/2022 19:08

    FUTINI NE BURG HALETE.....

    Përgjigju
  • Sondazhi i ditës:

    A besoni se SPAK do të bëjë drejtësi për 21 janarin?



×

Lajmi i fundit

SPAK nis hetimet për skandalin te Onkologjiku! Dërgon kërkesën në GJKKO për vlerësimin e masave të sigurisë, ja akuzat

SPAK nis hetimet për skandalin te Onkologjiku! Dërgon kërkesën në GJKKO për vlerësimin e masave të sigurisë, ja akuzat