Mbyllet raundi i parë i regjistrimit në universitete, rreth 16 mijë maturantë të regjistruar! IT dhe Mjekësia janë degët më të preferuara

Rreth 85% e maturantëve janë regjistruar në një nga universitetet e vendit, në raundin e parë të regjistrimeve, i cili mbylli këtë të premte 7 fazat. 

Degët e IT, dhe të mjekësisë edhe këtë vit janë më të preferuarat nga maturantët, dhe sipas Rrjetit Akademik Shqiptar, vetëm në fazën e parë të regjistrimeve pothuajse janë ezauruar kuotat.

Po ashtu, edhe degët e inxhinierisë e sporteve, kanë qenë ndër preferencat e maturantëve.

Maturantët që nuk janë regjistruar ende, mund ta kryejnë këtë proces në raundin e dytë të regjistrimit, që do jetë i hapur nga data 19 deri më 21 shtator.

Maturantët që duan të ndryshojnë degën ku janë regjistruar në raundin e parë kanë mundësi çregjistrimi nga data 14 deri në 15 shtator, në një hark kohor prej 24 orësh.

S.B/I.M/Shqiptarja.com

TAG:
• maturante
• regjistrimi ne univeristet
• raundi i pare