POP 5

Lajmet më të lexuara të 5 minutave të fundit

Sport

'Më erdhi surprizë', Arapi prezantohet si trajner i Teutës: Më ngjan si sezoni i kaluar, mund të fitojmë titullin

Teuta ka zgjedhur ish-kapitenin e sezonit të kaluar Renato Arapin për të zëvendësuar trajnerin e larguar Edi Martini. Në prezantimin e tij Arapi thotë se kjo ishte e papritur, por beson se durrsakët mund të përsërisin sezonin e kaluar kur u shpallën kampionë.

Renato Arapi është prezantuar sot zyrtarisht si trajner i ri i ekipit te Teutës. Ish-kapiteni i skuadrës në sezonin e kaluar, i cili mbante pozicionin e drejtorit teknik, mori vendin e Edi Martinit, i larguar pas humbjes me Partizanin dhe disa rezultateve jo pozitive radhazi.

“Erdhi pak surprizë sepse nuk e kisha menduar këtë gjë, por sigurisht që është privilegj dhe përgjegjësi, duke ditur që ekipi vjen nga një titull kampion i fituar,”-shprehet Arapi, trajner i Teutës.

Edhe pse i ri në profesion Renato Arapi sheh një ngjashmëri të këtij sezoni me atë të kaluarin kur Teuta u shpall kampion.

“Duke marrë shkas edhe nga kampionati i vjetshëm kur në këtë moment kishte 11 pikë diferencë dhe më pas arritëm ta fitonim titullin. Normalisht që është e vështirë, por me kontigjentin që kemi besoj se do bëjmë diçka të mirë sepse ky ekip që nga fillimi është ndërtuar për vendet e para,”-deklaron Arapi, trajner i Teutës.

Arapi thotë se me trajnerin Edi Martini ka marrdhënie të shkëlqyera pavarësisht largimit të këtij të fundit.

“Fjalët më të mira shkojnë për të sepse është trajneri më i sukseshëm te ekipi i Teutës dhe këtë e vërtetojnë trofetë e fituar. Unë i uroj me gjithë shpirt suksese në vazhdim,”-thotë Arapi, trajner i Teutës.

Aktualisht Teuta renditet në vendin e katërt me 13 pikë, 8 më pak se Tirana kryesuese, ndërsa ndeshja e ardhshme është kundër Vllaznisë.

Ne.k./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46