Kushdo që godet një punonjës të policisë gjatë ushtrimit të detyrës, do të dënohet rëndë. Ministri i Punëve të Brendshme, Sandër Lleshaj ka propozuar ashpërsim të Kodit Penal për ata që godasin punonjësit e Policisë. Këtë njoftim e dha ministri Lleshaj teksa i akordoi “Medaljen e Nderit” punonjëses së policisë Ina Nuka, e cila u plagos gjatë protestave të opozitës të 22 nëntorit 2018, përpara selisë së Kuvendit.
Në ceremoninë e zhvilluar në Ministrinë e Brendshme, ku ishin të pranishëm drejtuesit më të lartë të Policisë së Shtetit dhe disa kolegë të repartit “Shqiponja”, ministri Lleshaj shprehu vlerësimin e tij dhe Policisë së Shtetit për kurajën dhe përkushtimin e treguar nga Nuka.
Ministri i Brendshëm lajmëroi se do të ketë shpejt ndryshime në Kodin Penal, për të ashpërsuar masën e dënimit për personat që ngrenë dorë kundër punonjësve të Policisë së Shtetit në detyrë.
“Dua ta shfrytëzoj këtë moment për t’ju falënderuar ju, Ina, për kontributin e dhënë, për modelin e mirë që keni treguar, për angazhimin tuaj në shërbim të qytetarëve, ndonëse nga qytetarë të papërgjegjshëm keni pësuar një dëm që shpresoj të jetë reduktuar tashmë me kalimin e kohës. E kam thënë dhe herë të tjera, që ndjehemi mirë që kemi oficerë policie të tillë që kanë përkushtim, kanë patriotizëm, kanë kurajë, kanë profesionalizëm dhe për këtë arsye kam vendosur që në shenjë mirënjohje t’ju akordojë një "Medaljen e Nderit" të Ministrit të Brendshëm, duke ju thënë që përmes saj shpreh gjithë konsideratat dhe vlerësimin tim si ministër i Brendshëm, por edhe të Ministrisë së Brendshme dhe të gjithë Policisë së Shtetit, për angazhimin tuaj. Shpresoj që këtë angazhim ta vazhdoni edhe më tej duke i dëshmuar dhe duke i perfeksionuar vlerat që ju kanë karakterizuar si dhe duke dhënë shërbim e kontribut për modernizimin e mëtejshëm të Policisë tonë të përbashkët”, u shpreh ministri Lleshaj.
Punonjësja e policisë Ina Nuka u shpreh se ndihej e nderuar për vlerësimin e treguar dhe shtoi se ëndrra vijon të jetë Policia e Shtetit, krah kolegëve.
“Ndoshta fjalët janë të tepërta, por thjesht dua t’ju falënderoj të gjithëve për mirënjohjen dhe nëse kam një ëndërr apo vazhdoj të kem, nuk është të jem këtu e të mbajë fjalime para jush, por është të jem aty, në mes të kolegëve të mi”, tha ajo.
Ina Nuka u plagos me një kapsollë, të hedhur nga tubuesit në protestën e Nëntorit të kaluar dhe iu nënshtrua disa ndërhyrjeve të specializuara mjekësore në Turqi.
Komente
Lajme të tjera
-
Ndarja nga jeta e Kadaresë/ Yzeiri: Iku një pjesë europiane e jona! Rudolf Marku: Nuk është problem Nobeli! Shkrimtarët e mëdhenj nuk e kanë këtë çmim
1 Korrik, 21:28 -
Kullat shqiptare dhe UNESCO
9 Dhjetor 2023, 22:23
-
Sandër Lleshaj: Kampet e mos mikpritjes së refugjatëve
8 Nëntor 2023, 17:00
-
Sandër Lleshaj: Me Hamasin apo me Europën?
11 Tetor 2023, 09:00
-
Sandër Lleshaj: Kosova nuk është Krimea
24 Shtator 2023, 20:35
-
Operacioni ‘Tempulli’, ish-ministri i Brendshëm në 'Kontrast': Si t’i presësh thonjtë krimit, të arrestuarit zëvendësohen brenda ditës
18 Shtator 2023, 19:14 -
DOSJA/ Kazinoja në Tiranë, edhe emri i Rebani Jaupit te 'Metamorfoza'! Oltian Bistri ‘i raportonte’ Pëllumb Gjokës: Se di pse ka frikë Rebo, ai lekët do marri! Na qenka ankuar edhe Lleshaj
4 Gusht 2023, 19:20 -
‘Mallkimi’ i Ministrisë së Brendshme, Balla drejtuesi i 6 në 10 vite qeveri ‘Rama’! Bledi Çuçi, i vetmi i shkarkuar! Dorëheqjet e Tahirit, Xhafajt dhe Lleshaj dhe Demiraj i PD në mes
10 Korrik 2023, 10:59 -
Pendesa e fisme gjermane dhe krenaria e përzishme serbe
22 Qershor 2023, 11:42
-
Sandër Lleshaj: Gjeni një numër telefoni Albin Kurtit
31 Maj 2023, 16:53
-
Sandër Lleshaj: Motrat e Nënë Terezës nuk e përdorin lavatriçen
3 Maj 2022, 19:42
-
Protestat/ Ish-ministri Lleshaj në 'Kontrast': Krizës ndërkombëtare të mos i shtojmë një të brendshme, s'mund ta pësojë vetëm një shtresë e shoqërisë, të gjithë do të humbim diçka
11 Mars 2022, 18:43
show ..dhe propagande.....vleresoni policet qe luftojne krimin ne rradhe te pare se ata na mbrojne perdite mendoja se do kishte me shume rendiment dhe pavarsi ky minister ,por....show vazhdon. si nuk ka nje institucion qe le te ndrohet drejtuesi por stafi te qendroje. por cdo drejtor apo minister duan njerezit e tyre sikur jane ne pronen e plaku dhe pastaj thone behet ky vend he pra qe ketu fillon ...
PërgjigjuPo katnarja Monika dhe Peçi i Vasilëve karakatina bashkë me neandërtalët Flamur e Palo qe, shkuan ta uronin Inën dhe ti kërkojnë të falur?
Përgjigju