Destinacioni me plazhet më të mrekullueshme parajsore për t’u vizituar këtë verë pa shpenzuar shumë para - është Shqipëria, sipas një artikulli të botuar në të përditshmen spanjolle “El Cronista”.
Në këtë periudhë të vitit, shumë turistë spanjollë kanë planifikuar destinacionet e tyre të pushimeve verore. Megjithatë, ka ende shumë njerëz që presin momentin e fundit për të vendosur!
Prandaj, duhet të keni parasysh shumë faktorë: transportin, akomodimin, ushqimin dhe aktivitetet të cilat të gjitha së bashku - mund të ndikojnë në buxhetin tuaj!
Ekzistojnë një sërë destinacionesh më të lira se Spanja – ndër të cilat ne rekomandojmë vendin mesdhetar, Shqipërinë - ku shpenzimet për ushqimin apo vizitat turistike do të jenë më të ulëta se në vendet e njohura dhe më të shtrenjta.
Shqipëria, vendi evropian me plazhe parajsore
Shqipëria është një destinacion magjepsës, me peizazhe malore, plazhe mahnitëse, ushqim të nivelit të lartë dhe gjithashtu një vend shumë i lirë.
Vendi mesdhetar është ende një diamant i pacënuar që pret të zbulohet nga shumë vizitorë.
Aktualisht, fluturimet vajtje-ardhje nga Spanja kushtojnë 53 euro duke e bërë atë destinacionin më të lirë për pushime jashtë vendit.
Shqipëria ka një natyrë të egër, një ndërthurje të kulturës se Lindjes dhe Perëndimit - dhe laget nga detet Jon dhe Adriatik në një vijë bregdetare prej rreth 400 kilometrash me ujëra blu transparente.
Fluturimet direkte nga Barcelona dhe Madridi për në Tiranë, kryeqytetin e Shqipërisë, u mundësuan një vit më parë.
Që nga viti 2014 - Shqipëria është një vend kandidat për t’u anëtarësuar në Bashkimin Evropian (BE), monedha aktuale është leku dhe kostoja e jetesës është e përballueshme.
Akomodimi me qira nga një individ, kushton 10 euro nata, menuja ditore kushton 5 euro dhe një krikëll birrë kushton 1 euro.
Krahas kostos së udhëtimit, shpenzimet në vend nuk janë shumë të larta. Ushqimi, vizitat në pikat turistike apo aktivitetet e tjera ofrohen me çmime të lira.
Duke qenë shumë afër Spanjës, nuk do të shpenzoni shumë për udhëtimin në Shqipëri dhe do të vini re se çmimet janë dukshëm më të lira se në Spanjë.
Plazhet magjepsëse, qytetet historike plot me vizitorë dhe kultura të ndryshme do të jenë atraksione të shkëlqyera për t’u eksploruar! ATSH
Lajme të tjera
-
Media gjermane “Blick”: Vizitoni Shqipërinë, vendin mesdhetar me pasuri historike dhe kulturore
24 Korrik, 08:10 -
Media britanike ‘Daily Mail’: Mirë se vini në Rivierën Shqiptare, destinacioni i ri i pushimeve me ujëra bruz dhe plazhe të pacenuara
23 Korrik, 08:07 -
Media argjentinase ‘La Nacion’: Shqipëria, destinacioni evropian me plazhe spektakolare dhe përvojë autentike kulturore
18 Korrik, 10:29 -
'Më bukur s'ka në botë', turistët e huaj dhe vendas tregojnë përshtypjet nga Ksamili dhe Saranda: Çmimet janë të arsyeshme
18 Korrik, 08:30 -
Media spanjolle ‘Actualidad Viajes’: Zbuloni Shqipërinë, destinacionin evropian me bukuri të jashtëzakonshme
15 Korrik, 08:10 -
Breaking Travel News: Shqipëria, ‘Evropa e fshehur’ ku mund të kaloni pushime perfekte
11 Korrik, 08:25 -
Birmingham Live: Turistët britanikë zgjedhin Shqipërinë, pas braktisjes së Spanjës dhe Greqisë
4 Korrik, 09:41 -
‘National Geographic’: Pesë arsyet pse Shqipëria duhet të jetë arratisja juaj mesdhetare e radhës
3 Korrik, 16:06 -
Regjisori i njohur Oliver Stone për pushime në Shqipëri
3 Korrik, 13:29 -
Lonely Planet: Për herë të parë, një udhëzues për Shqipërinë
2 Korrik, 08:04 -
Media italiane ‘Paesi Online’: Shqipëria, destinacioni i përsosur për pushime verore
1 Korrik, 08:15 -
Media franceze ‘Voyageur’: Zbuloni mrekullitë e fshehura të Shqipërisë
27 Qershor, 08:16
