POP 5

Lajmet më të lexuara të 5 minutave të fundit

Sport

Merkato e legjionarëve, Broja huazohet një vit nga Chelsea tek Southampton, Ismajli tek Empoli e Roshi në Turqi

Tre futbollistë të Kombëtares kanë ndryshuar skuadër. Armando Broja do të luajë në Premier League sezonin e ardhshëm. Sulmuesi 19-vjeçar është huazuar nga Chelsea tek Southampton. Mbrojtësi Ardian Ismajli i është bashkuar Empolit të sapongjitur në Serinë A ndërsa Odise Roshi ka kaluar në Turqi.

Tre futbollistë të Kombëtares kanë ndryshuar skuadër në këtë merkato vere. Lëvizja më e bujshme është ajo e sulmuesit 19-vjeçar Armando Broja që është huazuar për një sezon nga Chelsea i Londrës tek Southampton. Broja do të luajë për një sezon si i huazuar tek Southampton në Premier Leaguen angleze që do t’i shërbejë si eksperiencë dhe kjo është një arritje për sulmuesin e talentuar.

“Jam shumë i lumtur pasi për mua është një mundësi shumë e mirë” ka thënë 19- vjeçari. Armando Broja do të luajë si i huazuar tek Southampton gjatë sezonit 2021-2022. Ndërsa sezonin e kaluar luajti po në huazim nga Chelsea tek Vitese në Holandë ku shënoi 11 gola në 34 ndeshje. Elozhe ka pasur për Brojë trajneri i ekipit të Premier League Ralph Hasentuttl i cili ka thënë: “ Armando është i ri por një lojtar i fortë i shpejtë dhe me instinkt të mirë për gol”.

Ndërkaq mbrojtësi i Kombëtares Ardian Ismajli ka ndryshuar ekip por jo kampionat. Ismajli ka kaluar nga Spezia tek Empoli i sapongjitur në Serinë A ku do të luajë për 4 vitet e ardhshme.

Odise Roshi pasi kaloi disa vite në kampionatin rus është transferuar në Turqi. Mesfushori ka firmosur me Bolusporin në ligën e parë turke pra në kategorinë e dytë të futbollit turk.

/KT/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    16 Nëntor, 09:13

    Kush ka pension më të ulët bonus më të madh në fundvit? Si e vlerësoni?

Lajme të tjera



×

Lajmi i fundit

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

Zyrtari i lartë rus: Vendimi i Biden për Ukrainën mund të çojë në Luftën e Tretë Botërore

17 Nëntor, 22:58