POP 5

Lajmet më të lexuara të 5 minutave të fundit

Opinion

Mero Baze: Karshillëku i Berishës me Lazaratin kundër SHBA

Njoftimi i Departamentit të Shtetit për vendet ku nuk këshillohet të shkohet për arsye sigurie, është një listë teknike, që bazohet në parametrat e sigurisë së një vendi dhe nuk ka lidhje me politikën. Me politikën ka lidhje vetëm nëse një vend ka tendencë të fortë anti-amerikane dhe sulmon qytetarët amerikanë që gjenden aty.

Mero Baze: Karshillëku i Berishës me Lazaratin kundër SHBA

Sali Berisha

Sali Berisha po tenton të krijojë një imazh të rremë për Lazaratin, duke e paraqitur atë si një ushtri besnike të tij kundër SHBA. Në hyrjen e tij “triumfaliste” në mbledhjen e Këshillit Kombëtar, ai kishte zgjedhur të shoqërohej nga ish-kryetari legjendar i Komunës së Lazaratit kur ishte “Republikë e Drogës” dhe nga deputeti aktual i Lazaratit, Tritan Shehu.

Përzgjedhja e dy shoqërueseve të tij nuk duket aq rastësore, po të kemi parasysh zhurmën që Berisha bëri disa ditë më parë kur Lazarati u shfaq në listën e vendeve të rrezikshme në Shqipëri, në njoftimet rutinë që SHBA bën për qytetarët e saj në Shqipëri.

Njoftimi i Departamentit të Shtetit për vendet ku nuk këshillohet të shkohet për arsye sigurie, është një listë teknike, që bazohet në parametrat e sigurisë së një vendi dhe nuk ka lidhje me politikën.

Me politikën ka lidhje vetëm nëse një vend ka tendencë të fortë anti-amerikane dhe sulmon qytetarët amerikanë që gjenden aty.

Lazarati nuk është si një pikë anti-amerikane në Shqipëri. Eshtë si një vend i pasigurtë.

Berisha me gjestin e sotëm po tenton të manipulojë Lazaratin, duke u përpjekur t’i paraqesë ata si një vend i vizatuar si anti-amerikan, për t’i bërë aleatë të tij në betejën kundër SHBA.

Kjo është e gjithë domethënia e shoqërimit të tij nga Dashnor Aliko dhe Tritan Shehu, dy përfaqësuesit politikë të Lazaratit sot në politikën shqiptare.

Dhe nuk e ka se i duhen ushtarë nga Lazarati. E do t’i tregojë Lulzim Bashës, se PD duhet te marrë shembull nga Dashua i Lazaratit dhe te mos i vijë turp të vdesë për Berishën.

Duke tentuar të tërheqë Lazaratin në një betejë fillimisht politike e më pas fizike përmes trazirave që planifikon në shtator, Berisha është duke u investuar ta paraqesë atë si një viktimë e politikës së sotme amerikane, e cila sipas tij, “ndikohet nga Rama dhe Sorosi”.

Është duke u thënë se “mua Sali Berishën” dhe “ju lazaratasit”, Amerika e sotme po na ndëshkon padrejtësisht.

Nuk di sa vetë në Lazarat kanë lajthitur që të luftojnë javën e dytë të shtatorit për t’i shpëtuar nderin Sali Berishës, por është e sigurtë se dy vetë i ka që tani, Dashon dhe Tritanin. Por ata nuk e nderojnë dot, as në Lazarat.

B.K.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • O tej: 30/08/2021 20:53

    Berisha nje qen i ngordhur eshte nje qen me morra

    Përgjigju
  • Sondazhi i ditës:
    28 Nëntor, 09:20

    A e keni të qartë pse opozita organizon mosbindje civile?

Lajme të tjera



×

Lajmi i fundit

Humbja në Liverpool, Ancelotti: Keni për ta parë, do kualifikohemi dhe do garojmë për trofeun

Humbja në Liverpool, Ancelotti: Keni për ta parë, do kualifikohemi dhe do garojmë për trofeun

28 Nëntor, 14:41