Tani askush nga ata që shkon nesër në stadium tek “Foltorja” e Sali Berishës nuk mund të bëjë sikur nuk është i qartë. I dërguari i SHBA për Ballkanin, Gabriel Eskobar, hoqi çdo dilemë, duke theksuar se Sali Berisha nuk është partner i SHBA dhe se SHBA do të bashkëpunojë me Shqipërinë dhe plot aktorë politikë këtu, përjashto ata që i ka në listën e zezë.
Të githë ata që kishin shqetësim se SHBA nuk po fliste qartë për Sali Berishën, tani e kanë një përgjigje më shumë se të qartë. Ai nuk do të jetë kurrë partner i SHBA dhe një parti me atë në krye nuk do të ketë asnjë perspektivë në Shqipëri.
E vetmja gjë që mund të diskutojmë tani, është a do të ketë sukses një kryengritje anti-amerikane në Shqipëri e udhëhqur nga Sali Berisha për hallin e tij?
Për hir të së vërtetës, Sali Berisha e ka arritur një sukses si demagog. Ai ka mundur që hallin e tij kundër SHBA ta bëjë dhe hall të një kategorie të degraduar politike në vend, duke formuar për herë të parë në Shqipëri një trupë politike anti-amerikane, që demonstron në një stadium. Kjo ka ndodhur për herë të parë në këto tridhjetë vjet. Është një sukses që duhet t’ia njohim, si turp për Shqipërinë. Nesër ai ka prezantimin e këtij suksesi.
Por për të kuptuar a jemi përballë një kryengritje anti-amerikane apo përballë një manipulimi të Sali Berishës, do të na duhet të presim disa muaj. Duhet të presim nëse Sali Berisha do ta kthejë në parti politike këtë lëvizje, siç ka premtuar “përmes rithemelimit”, apo do ta mbajë vetëm si lëvizje partizane në male, që të tregojë se ka ende ushtarë të gatshëm të vdesin për të.
Pasi të kalojë një javë dhe PD të bëjë Kuvendin e saj, pasi të kalojnë disa muaj dhe të shikojnë se asgjë nuk ndodh dhe PD do të vazhdojë jetën e saj politike, shumë nga ata që do vishen trashë nesër në stadium, do detyrohen të kthehen në shtëpitë e tyre dhe të kuptojnë se janë mashtruar nga Sali Berisha.
Në pranverë Sali Berisha do të ketë testin e parë nëse ka arritur ta mbajë të bashkuar kryengritjen anti-amerikane apo do t’i fillojnë t’i shthuren radhët.
Nga ana tjetër, mesazhi i SHBA kundër Sali Berishës, përveçse politik, është dhe ligjor. I dërguari special i SHBA për Ballkanin, i la detyrë drejtësisë shqiptare të hetojë dhe ndëshkojë Sali Berishën, si një detyrim për çdo person të dizajnuar në listën e zezë të SHBA. Edhe ky do jetë një proces i vështirë, pasi drejtësia shqiptare ende nuk është çliruar nga pesha e Sali Berishës dhe ndikimi i tij në sistem, pasi ka dështuar tridhjetë vjet ta marrë qoftë dhe një herë në pyetje për ta pyetur pse ka vrarë dhe pse ka vjedhur në këtë vend. Por për drejtësinë po vijnë ditë më të mira, kurse për Sali Berishën ditë më të këqija. Kështu që dhe këtu do të presim të shikojmë.
Kryengritja anti-amerikane në Shqipëri nesër është në kulmin e saj. Në historinë e këtij vendi data 11 dhjetor e 2021 do të hyjë si një turp i shoqërisë shqiptare, që tridhjetë vjet pas themelimit të pluralizmit, një tufë “dumbabistësh” organizohen të formojnë një parti të re anti-amerikane në vend.
Merita e këtij organizimi i përket Sali Berishës, por turpi i përket çdo figure publike që e mbështet në këtë iniciativë për hallin e tij. Ky nuk është fillimi i një beteje nga e cila do të mposhtet SHBA në Shqipëri, por fundi i një njeriu që po përpiqet të mbrojë veten, duke u hakmarrë ndaj SHBA. Të tjerët do hyjnë në histori si shërbëtorë të dështuar të një figure të errët të historisë sonë.
Por së paku nga sot, nuk na thonë dot që nuk e dinim që e kishte kundër SHBA, por e dinim kundër Lulzim Bashës. Nëse i bëhet ndonjë nder Lulzim Bashës në historinë e tij jo aq të lavdishme politike, i bëhet nesër. Nesër gjithë plehrat, gjithë dështakët, gjithë delirantët dhe njerëzit që kurrë nuk kanë bërë dot politikë me mendjen e tyre në PD, janë mbledhur në një vend dhe kanë dekantuar në stadiumin “Air Albania”, jo vetëm si mbetje të PD, por dhe si mbeturina të shoqërisë shqiptare. Si të tillë kanë për të hyrë në histori.
Lajme të tjera
-
SHBA/ Dita e Falenderimeve, Trump uron amerikanët duke sulmuar demokratët: Gëzuar edhe ju që u përpoqët të shkatërronit vendin tonë
28 Nëntor, 16:30 -
Mark Zuckerberg darkon me Donald Trump në Mar-a-Lago
28 Nëntor, 15:58 -
Dita e Pavarësisë/ Berisha i lirë, por rri në shtëpi! Në Vlorë shkojnë deputetët
28 Nëntor, 15:43 -
Eduard Zaloshnja: Vetëm 40% e pasardhësve të familjeve të persekutuara gjatë regjimit komunist votojnë për PD-në…
28 Nëntor, 14:37
-
'Pas 5 nëntorit doli madhështia e SHBA-së', Berisha: Ju qëndruat kundër një Amerike tjetër, që bëri grusht shteti ndaj opozitës në funksion të diktatorit
28 Nëntor, 13:21 -
NBA/ Humbje për Cleveland dhe Golden State, Lakers rikthehen te fitorja! Oklahoma kryeson në Perëndim
28 Nëntor, 12:34 -
112-vjetori i Pavarësisë/ Kryebashkiaku i Nju Jorkut uron shqiptarët: Do jemi gjithmonë krah njëri-tjetrit! Djali më thotë do jetoj në Shqipëri
28 Nëntor, 11:59 -
Protesta e PD-së më 26 nëntor, lirohet nga qelia një prej të arrestuarve! Nesër del për masën protestuesi tjetër! Deputetët e PD-së po hetohen si organizator
28 Nëntor, 10:43
-
Trump: Mora garancinë nga presidentja e Meksikës se do ndalojë emigracionin e paligjshëm në kufi! Sheinbaum përgënjeshtron: Nuk kemi qëllim mbylljen e kufijve
28 Nëntor, 09:13 -
ShBA-ja i kërkon Ukrainës që të ulë moshën e shërbimit ushtarak në 18-vjeç
28 Nëntor, 08:16 -
Lufta/ Izraeli bashkëpunim me SHBA për të parandaluar Iranin nga destabilizimi i rajonit
28 Nëntor, 08:07 -
Ja pse 'lirimi' i Sali Berishës i gëzoi të gjithë
27 Nëntor, 23:04
