Qëndrimi i Albin Kurtit që barazon Bashkimin Evropian me Serbinë, dhe i të dërguarit të Bashkimit Evropian Miroslav Lajçak me Aleksandër Vuçiqin, po fut Kosovën në spiralen e një konflikti të pashmangshëm me Perëndimin, bazuar në gënjeshtra për nevojat e pushtetit të Albin Kurtit.
Gjëja më e rënd është se ky qëndrim i Albin Kurtit, nuk bazohet mbi të vërtetën. E vërteta është se Bashkimi Evropian nuk është në një gjatësi vale me Serbinë për Kosovën, por qëndrimet e Albin Kurtit kundër Serbisë dhe Bashkimit Evropian janë në të njëjtën gjatësi vale. Është ai që i ka identifikuar ata si aleatë me njëri tjetrin dhe po sillet prej gati një viti, sikur të jetë në gjendje lufte me BE dhe Serbinë njëkohësisht.
Kjo qasje e tij ka bërë që Kosova të hyj nën sanksione dhe të izolohet dhe Serbia të fitoj pikë në arenën ndërkombëtare, madje duke bërë si viktimë e një politike antiperëndimore të Albin Kurtit.
Duke qenë një qëndrim që bazohet në një realitet të gënjeshtërt të shpikur nga Alibin Kurti për të justifikuar politikën e tij të dështuar, ky qëndrim bëhet dhe më i rrezikshëm për Kosovën, pasi e fut atë në një rrugë pa krye, jo për shkak të realiteti të saj por për shkak të halleve të Albin Kurtit. Lajçak nuk emërohet nga Albin Kurti dhe do të vazhdoj ta udhëheq atë proces.
Edhe Slobodon Milosheviqi, u mundua boll ti sulmonte dhe ti ndërronte të dërguarit e SHBA dhe NATO që e këshillonin të ulej në tokë lidhur me Kosovën, por nuk ja doli dot. Iku para tyre dhe me një faturë të rënd për vendin e tij. Albin Kurti nuk mund të sillet si prokuror i të dërguarve të BE dhe SHBA për Kosovën dhe të bëj denoncime publike për ta bazuar në gënjeshtra. Ata nuk janë njerëz privat, por janë SHBA dhe Evropa, janë institucione .
Sjellja e tij është si Sali Berisha, i cili sanksionet e SHBA dhe Britanisë së Madhe ndaj familjes së tij si hajdut dhe minues i demokracisë, i konsideron vepra të ambasadorëve amerikanë dhe anglez dhe jo si qëndrime të atyre shteteve. Denoncimi i Miroslav Lajçak apo Eskobarit e Borelit, është në fakt sulm zyrtar ndaj SHBA dhe Bashkimit Evropian.
Edhe më e rënd është lehtësia me të cilën Albin Kurti po merr sanksionet kundër Kosovës, duke kërkuar që ato të hiqen, ndërkohë që ky vazhdon thellon kursin e tij kundër Perëndimit. Sanksionet nuk janë vendosur si gjoba makinash se ka tejkaluar shpejtësinë dhe pasi e paguan të hiqen. Sanksionet janë vendosur për shkak se Kosova ka demonstruar zyrtarisht mos bindje ndaj politike perëndimore ndaj Kosovës dhe dialogut me Serbinë dhe kundërvënie ndaj kësaj politike. Sanksionet i kanë hequr lejen e drejtimit për Kosovën, Albin Kurtit, nuk i kanë vendosur thjesht gjobë.
Për këtë arsye sanksionet nuk hiqen me urdhër të Albin Kurtit, por kur Perëndimi të bindet se Kosovën e ka aleatë dhe nuk drejtohet nga fryma antiperëndimore. Qëndrimet e sotme të Albin Kurtit, janë arsye për tu thelluar sanksionet dhe jo për tu hequr ato që janë vendosur. Kur Albin Kurti thotë se ato duhet të hiqen ai e di që ato do të shtohen, por ai do të injoroj arsyet reale pse ato janë vendosur, dhe do ti paraqes si diçka pa rendësi. Pra thjesht përsëri po përpiqet të gënjej shqiptarët që e mbështesin, duke u fshehur rëndësinë e ndëshkimit të Kosovës nga Perëndimi dhe duke e paraqitur si një çështje ordinere.
Dhe si për ironi të fatit pastaj shfaqet Aleksandër Vuçiq i cili thotë, “nuk është fundi i botës” që nuk u morëm vesh mund të vazhdojmë. Se ai në fakt nuk do të ndërpritet kurrë kjo gjendje e Kosovës kundër Perëndimit dhe kjo pozitë e rehatshme e Serbisë në Perëndim, fal Albin Kurtit.
Komente
Lajme të tjera
-
Kamberi: Nëse protestat 'shuhen', Vuçiç do e çojë Serbinë në diktaturë
25 Dhjetor, 20:46 -
Studentët në Beograd sërish në rrugë, ndalen para Prokurorisë së Përgjithshme: Të luftohet për ligjin dhe rendin pa u ndikuar nga politika e korrupsioni
25 Dhjetor, 17:25
-
Kosovë/ KQZ urdhërohte të çertifikojë Listën Serbe për zgjedhjet parlamentare të 9 shkurtit
25 Dhjetor, 17:03 -
VIDEO/ Atmosfera festive në Kosovë, tregu i Krishtlindjeve në Prishtinë tërheq vëmendjen e të huajve
25 Dhjetor, 16:02 -
Serbia i refuzon ministrit të Brendshëm të Kosovës kërkesën për vizitë në Luginën e Preshevës
25 Dhjetor, 13:52 -
Osmani: Lista Serbe është angazhuar në akte terroriste dhe akte agresioni
24 Dhjetor, 19:57 -
Kosovë, Lista Serbe paralajmëron se do të ankimojë vendimin e KQZ-së
24 Dhjetor, 18:01 -
Kurti: Sulmin në kanalin e Ibër-Lepencit e urdhëroi Radoiçiçi, Serbia e financoi! Para dhe pas vitit të ri mund të ketë sulme terroriste në Kosovë
24 Dhjetor, 17:45 -
Gucati përfundon dënimin në Hagë: Qëndrova ballëlartë dhe krenar
24 Dhjetor, 16:51 -
Kosova dhe Shqipëria me ekipe të përbashkëta hetimore, Dumani dhe Isufaj firmosin marrëveshjen
24 Dhjetor, 12:52 -
Lista serbe jashtë zgjedhjeve, ndërkombëtarët: Veprim politik! Vuçiç: Kurti po eleminon të vetmin kundërshtar
24 Dhjetor, 12:16
-
Ambasadori britanik në Kosovë reagon pasi nuk u certifikua Lista Srpska: Procesi të zhvillohet mbi bazën ligjore, jo të interesave politike
24 Dhjetor, 10:34
I mèsuar me karagjozllèqet dhe paraqitjet pa dinjitet tè tè zotève qè u ka shèrbyer deri mè sot, Ymeri, e ka tè vèshtirè tè shohè dhe pèrjetojè, qè paska edhe shqiptarè, qè thonè me dinjitet dhe kokèn lart, JO, UNÈ NUK NÈNSHKRUAJ ASGJÈ QÈ DÈMTON KOMBIN TIM DHE INTERESAT E TIJ. Lajcak dhe Borell, janè koordinatorè tè atyre bisedimeve dhe jo EUROPA, siç dèrdèllis Ymeri. Njèri sllav dhe tjetri spanjoll, emisarè tè dy shteteve qè nuk njohin Kosovèn. Problemi i Ymerit, èshtè, diçka tjetèr. Ai "sheh luftra me europèn" tek sjellja atdhedashèse e Albin Kurtit sepse ai pèr tè cilin kèndon Ymeri sot, nuk i ka ato kèllqe pèr tè bèrè tè njèjtèn gjè me Greqinè. Aty fle lepuri i Ymerit. Nuk ka luftè Ymer, qetèsohu. Njè kryeministèr shqiptar, qè nuk ka vjedhur kurrè popullin e tij, ka kurajon tè thotè JO, edhe pse ata qè janè nè Hagè sot, kanè nènshkruar çdo letèr bakalli qè iu èshtè vènè pèrpara. Do ta vèmè bustin e Miços sè Taqit nè Shqipèri, o Ymer? Kèto jargat, èshtè gjithçka dini tè bèni. "Politikè europiane" apo kllounè cirqesh anadolli?
Përgjigju