Lulzim Basha nuk nxitoi vetëm të rizgjidhej në krye të PD. Ai po nxiton të rizgjedhë dhe forumet drejtuese të PD, sidomos Këshillin Kombëtar dhe Kryesinë, para shtatorit. Vendimi për të zhvilluar Kuvendin më 17 korrik, tregon se ai kërkon të jetë formalisht në rregull, në rast të një përplasje në shtator.
Edhe pse të gjithë e nënvleftësojnë përbërjen e organeve drejtuese të PD, duke nënkuptuar “se po të dojë Berisha, ai ikën”, në fakt gabojnë.
Lulzim Basha kështu e nisi më 2013. Futi në Këshill Kombëtar dhe Kryesi njerëz pa lidhje me PD, deri dhe punonjës kompanie të kunatit të vet. Të gjithë bënin humor, por më 2017, kur ai zboi gjithë ekipin drejtues të PD, u pa se nuk ishte aq për të qeshur.
Më 2021 ai po bën gati valën e dytë të spastrimeve. Bujar Nishani nuk mund të jetë më kryetar i Këshillit Kombëtar dhe natyrisht ata që e kritikuan për humbjen do të spastrohen, pasi sipas Bashës, “demokratët në shumicë kanë votuar që zgjedhjet janë vjedhur”.
Kështu që më 17 korrik, në emër të reformimit, do të shikoni një ekip të ri, që do t’u duhet kohë t’iu mësoni emrat, por jo dhe aq shumë kohë që t’i shikoni vlerën që ka.
Javën e dytë të shtatorit, kur Sali Berisha do të hyjë në Parlament dhe kur SHBA do të këmbëngulë që PD të ndahet prej tij, “kamikaze” e rinj nuk kanë shumë emocion për Berishën dhe mund të lajnë duart shpejt me të. Kjo do të jetë gjëja më e mirë që do të bëjnë, dhe Basha duket se është i qartë se vetëm përmes tyre do të mund ta realizojë këtë skenar.
Kur Berisha të gjendet para faktit të kryer, Basha do t’i tregojë se kështu votoi Këshilli dhe kur ai të japë kushtrimin kundër tij, në fakt brenda asaj partie nuk do të ketë më asnjë njeri që do të emocionohet.
Ai thjeshtë do të trajtohet “si karrikethyer”, siç ka trajtuar ai vetë gjithë ata që ka zbuar nga PD.
Një nga arsyet që mendohet pse Mehmet Shehu është vetëvrarë, nuk ka të bëjë me frikën nga Enver Hoxha, por turpin që do të ndjente kur të nesërmen në Byro Politike, të ngrihej Lenka Çuko apo Pali Miska e t’i thoshin: “Çohu ti shoku Mehmet, jep pak llogari para partisë”.
Berisha nuk e vret veten, por rezultati do të jetë njësoj. Basha po bën gati kamikazët e tij, të cilët do të vendosin për fatin e Berishës në shtator.
Lajme të tjera
-
'Pas 5 nëntorit doli madhështia e SHBA-së', Berisha: Ju qëndruat kundër një Amerike tjetër, që bëri grusht shteti ndaj opozitës në funksion të diktatorit
28 Nëntor, 13:21 -
Protesta e PD-së më 26 nëntor, lirohet nga qelia një prej të arrestuarve! Nesër del për masën protestuesi tjetër! Deputetët e PD-së po hetohen si organizator
28 Nëntor, 10:43
-
Ja pse 'lirimi' i Sali Berishës i gëzoi të gjithë
27 Nëntor, 23:04
-
Po tani, ka drejtësi zoti Berisha ?
27 Nëntor, 22:37
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Policia procedoi 17 deputetë për protestën, Korreshi: Lani sqetullat se na helmuat, e nuk hamë dot përshesh
27 Nëntor, 20:05 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Jakin Marena: Berisha ‘xhiroi bosh’ një vit, rikthim në pikën zero, pa kauza e alibi
27 Nëntor, 19:03
-
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
