POP 5

Lajmet më të lexuara të 5 minutave të fundit

Opinion

Mero Baze: Dy standarde të ndryshme nga Greqia dhe i njëjti fat i keq me Evropën

Greqia është e angazhuar njëkohshëm në dy debate juridiko- politike. Ajo është në një konflikt të hapur politik me Shqipërinë për çështjen “Beleri”, duke kërkuar nga politika shqiptare që ai të lirohet për t’u betuar, gjë që në fakt nuk e ka fare në dorë politika.

Mero Baze: Dy standarde të ndryshme nga Greqia dhe i njëjti fat i keq me Evropën

Mitsotakis dhe Rama

Greqia është e angazhuar njëkohshëm në dy debate juridiko- politike. Ajo është në një konflikt të hapur politik me Shqipërinë për çështjen “Beleri”, duke kërkuar nga politika shqiptare që ai të lirohet për t’u betuar, gjë që në fakt nuk e ka fare në dorë politika. Madje Edi Rama nëse do të bëhet cinik, mund të bëjë thirrje publike që SPAK ta lirojë, se kështu e ka të garantuar që ja shtojnë ndonjë vit.

Ndërkohë vet Greqia është nën presion nga Kroacia të lirojë tifozët e ndaluar pas incidentit me vdekje në Athinë, të një tifozi grek, nga dhuna e tifozëve kroatë.

Kroacia pretendon se kanë kaluar 5 ditë nga ndalimi policor dhe ata duhet të lirohen, pasi po mbahen në bllok të gjithë të burgosur, ndërkohë që është identifikuar fajtori.

Në debatin me Shqipërinë, nuk flasin juristët grekë, por politikanët grek. Që nga kryeministri i vendit Micotaqis, dhe nipi i tij po ashtu Micotaqis, kryetari i Bashkisë së Athinës, që janë në krye të presionit politik, duke shantazhuar Shqipërinë me bllokim të rrugës evropiane, nëse Beleri nuk lirohet.

Ndërsa me Kroacinë ekuacioni është i kundërt. Presidentit të Kroacisë Zoran Milanovic i është përgjigjur Sindikata e gjyqtarëve dhe prokurorëve të Greqisë, duke ja konsideruar deklaratën provokim, ndërhyrje në punët e brendshme të Greqisë dhe cënim i pavarësisë së drejtësisë greke. Dhe në parim kanë të drejtë.

Problemi i vetëm është që Greqia duhet të ketë një standard si për Kroacinë, dhe për Shqipërinë

Nëse për deklaratat politike të presidentit kroat, ajo nuk bën lëshime, pasi drejtësia është pushtet i pavarur, të njëjtin standard duhet të aplikojë dhe për Shqipërinë.

Madje Edi Rama ka hyrë kot në këtë debat.

Kryeministrit të Greqisë dhe politikanëve të tjerë grek duhet t’u përgjigjet KLGJ dhe KLP, si institucione rregullatorë të gjykatave dhe prokurorisë, nëse do të bënim analogji me atë që Greqia po bën kundër Kroacisë.

Por, nëse ne sillemi siç sillet Greqia me Kroacinë, rrezikojmë të bllokohemi në rrugën tonë evropiane prej Greqisë në shenjë hakmarrje.

Nëse sillemi siç sillet Kroacia me Greqinë, pra nëse pranojmë që politika këtu mund të lirojë njerëz nga burgu, natyrisht që minojmë përsëri perspektivën evropiane, pasi do të provojmë që kemi një drejtësi politike.

Pra në të dy rastet ne jemi të rrezikuar të shkojmë në Evropë nga kjo ngjarje. Por të paktën të kemi një arsye më të hajrit. Dhe arsye më e hajrit është të bllokohemi në rrugën drejt Evropës nga një arsyetim anti-evropian, siç është ky i Greqisë ndaj nesh, apo i Kroacisë ndaj Greqisë. 

G.MO/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • TEMO MallaKASTRIOTI: 16/08/2023 10:18

    Ok,M.Baze: 1.Mos i shkurto komentet e mia si përherë. 2.Qeverit fashiste Greke kan pasur dhe kanë pretendime territoriale nga 111 vite Shtet Shqipëtar. 3.Nuk dihen harruar provokimet e 2 Gushti 1949..,Vrasja e 2 ushtarakve në postën kufitare Peshkëpi..Provokimet e terroristit K.Kacifasit në Bularat Gjirokastër. 4.Të gjitha lëshimet Greke ua ka bërë SaliNon grata. • Shitjen e Detit 2009.. • Dhënia e trojeve për vorreza të ushtarëve Grek të vrarë në Shqipëri,e paprecedent kjo në botë.. • Gradimi JANULLATOS në krye të Kishës sonë që në 1992,sikur NE nuk kishim e nuk kemi priftërinjtë. •Gradimi F.Belerit për K/Bashkiak në Himarë nga Saliu ishte si kompensim ndaj Greqisë si SPIUN I SHUMFISHT QË ËSHTË QË NË VITET 67-70 ME PSEUDONIMIN PENICILINA(BABA TAKU). 5.Letër Përgjigja e KM Edi Rama ishte OK për Ata që kan vesh të dëgjojnë.. 6.Se.. nuk mund të digjet jorgani për një plesht..ishte krshasim i goditur që veçse E.Rama mundet tja bëjë Miços së vogël..që kërkon Ato që donte i japi.. dhe e motra BAKOJANIS..!

    Përgjigju
  • Gjergj: 15/08/2023 20:21

    O Ymer Gèllbaza. Tè sillesh si Kroacia, nènkupton tè jesh vènd me politikanè tè pastèr qè tè paktèn bèjnè politikè pèr kroatèt, edhe kur ata shkelin ligjin. Edhe shtypi kroat, bèhet nga kroatèt pèr kroatèt. Pèr kètè, ai komb i vogèl, ka paguar me gjak kroatèsh dhe shqiptarèsh. Tek rasti me grekèt,,,,tè jesh i sigurtè qè 99 kroatèt e tjerè, do kthehen nè shtèpi. Edhe ai qè kreu krimin, do kthehet tè vuajè dènimin nè Kroaci. Tè kish qènè shqiptar, e kishin therur nè qeli, pa dalè fare para gjykatès. A e di pse? Sepse Shqipèria, nuk ka politikanè shqiptarè, ka hajdutè. Edhe shtyp tè pavarur, Shqipèria nuk ka. Ka vetèm GÈLLBAZA.

    Përgjigju
  • Sondazhi i ditës:

    Si ka qenë për ju viti 2024?

Lajme të tjera



×

Lajmi i fundit

Lufta në Ukrainës/ Tre të vdekur nga sulmet ruse me dronë në Donetsk dhe Sumy

Lufta në Ukrainës/ Tre të vdekur nga sulmet ruse me dronë në Donetsk dhe Sumy

27 Dhjetor, 08:09