I vetmi evolim i Sali Berishës, që pas futjes në listën e zezë të SHBA si hajdut dhe minues i demokracisë në Shqipëri, është kalimi nga “Qyetari digital”, tek “Foltorja”. “Qytetari digital” ishte një mënyrë për të legjitimuar thashethemet dhe denoncimet anonime si të vërteta dhe për t’i kthyer në kapital politik.
Pasi u denoncua vetë dhe familjarisht si hajduti më i madh i Shqipërisë dhe minues i demokracisë, atëhere “Qytetari digital” u zëvendësua me “Foltoren”, e cila është një “Qytetar digital” lëvizës nëpër qytete të ndryshme të Shqipërisë, kundër SHBA.
Njësoj si “Qytetari digital”, “Foltorja” është si ato “llazoret” e lagjes, që nuk lënë njeri pa marrë nëpër gojë. “Foltorja” nuk lë njeri pa shantazhuar nëse është kundër Berishës dhe mbi të gjitha, nuk lë gënjeshtër pa përdorur për qëllimet e “Foltores”.
Vetëm për një gjë ka heshtur “Foltorja”. Ka heshtur për fotografinë e Sali Berishës në shtëpinë e Enver Hoxhës. Nuk ka lënë njeri pa marrë nëpër gojë, ka marrë gjithë denoncimet e “Qytetarit digital” për Edi Ramën dhe ja ka kthyer Lulzim Bashës, e ka bërë hajdut të parave të “Toyata Yaris”, shitës të detit Greqisë më 2009, ka sulmuar njerëzit afër tij, ka sulmuar madje dhe analistët që nuk janë me Berishën, duke u kujtuar se shkojnë në xhami të premteve, ka sulmuar jugorët kur shkon në Tropojë dhe fisin Gashi si besëprerë, kur shkon në Sarandë, ka sulmuar ambasadoren Yuri Kim, sekretarin Blinken dhe “dhëndrin” e Serbisë Matt Palmer (vetë e konsideron se e ka serbe më të fisme gruan e tij), pastaj ka shpikur aleatë anonimë që nuk i tregon, të cilët mund t’i heqin dënimin në SHBA, ngaqë e përfytyron SHBA sikur ka president Prel Martinin… dhe të gjitha këto i bën në salla me njerëz thuajse të rrjedhur, që duket sikur kanë ikur nga spitalet psikiatrike.
Por për të vetmen të vërtetë që ju përplas në fytyrë, për buzëqeshjen e tij deri në ekstazë në krah të Enver Hoxhës, në shtëpinë e tij, nuk foli. Po ta krahasosh me foton ku ka dalë me Xhorxh Bushin, apo udhëheqësit perëndimorë, është ku e ku më larg i entuziasmuar tek fotoja me Enver Hoxhën.
Por për çudi nuk foli asnjë fjalë. E quajti dhe këtë si sulm të Sorosit, por pa ju referuar direkt. Por më e pështirë se heshtja e tij, ishte heshtja e atyre që e mbështesin. Asnjë koment, asnjë deklaratë, asnjë reflektim për një dinosaur të Enver Hoxhës, që kërkon 30 vjet pas rënies së komunizmit të mobilizojë sërisht njerëzit kundër SHBA.
Mjafton heshtja e mbështetësve të tij, për të kuptuar se ata janë një kope e rreshtuar nën urdhërat e një komunisti të rrjedhur, që tenton të imitojë Enver Hoxhën, por në fakt është një kopje e Hysni Milloshit me “Vullnetarët e Enverit”, apo Haxhi Qamilit me “dumbabistët” .
Shikoni ato turma të rrjedhurish që shkojnë pas “Foltores”, që llapin për çdo gjë dhe heshtin për një të vërtetë, për të kuptuar se çdo të thotë të shkosh pas një diktatori të rrënuar tashmë dhe mendërisht.
Komente
Lajme të tjera
-
Ja pse 'lirimi' i Sali Berishës i gëzoi të gjithë
27 Nëntor, 23:04
-
Po tani, ka drejtësi zoti Berisha ?
27 Nëntor, 22:37
-
GJKKO i hoqi 'arrestin shtëpiak' Berishës, Kthupi në 'Repolitix': Praktikë gjyqësore, dosja ka shkuar për hetim, Berisha nuk prish më provat! Gazetari: Bien akuzat e PD për kapje të drejtësisë
27 Nëntor, 21:39 -
Spahiu: Dyshoj se për 10 vjet, nuk ka gjykatë që guxon të dënojë Berishën dhe Ramën
27 Nëntor, 21:15 -
Elezi në Report Tv: Berisha nga Partia Komuniste, dështoi me protestën! Toska: Fije shprese për mbështetësit
27 Nëntor, 21:11 -
Evi Kokalari reagon për lirimin e Berishës: Mos u gëzoni kot, s’ka lidhje administrata e Trump! Më intereson investigimi i kullës së malit, për atë më bënë kurban!
27 Nëntor, 19:10 -
Jakin Marena: Berisha ‘xhiroi bosh’ një vit, rikthim në pikën zero, pa kauza e alibi
27 Nëntor, 19:03
-
Falenderoi gjyqtaren që e liroi, por çfarë thoshte Berisha pak ditë më parë për të
27 Nëntor, 18:33
-
Ylli Pata: Mitet që rrëzoi dhe precedenti që hapi lirimi i Sali Berishës
27 Nëntor, 18:18
-
I dhj….rë , por krenar!
27 Nëntor, 18:05
-
Berisha u lirua nga 'arresti shtëpiak', Haklaj për Report Tv: Bie alibia e tij se drejtësia është e kapur! Anëtarja e FRPD: Vendimi i vonuar, mosbindje civile deri në qeveri teknike
27 Nëntor, 18:01 -
Kreshnik Spahiu: Gjykata e 'Ramës' apo gjykata e pavarur e liroi shtetasin Berisha?
27 Nëntor, 17:00
Cdo shkrim e me dobet. Do ngelesh ne klase. Mire qe ofedon qytetare kot, si te rrjedhur meqe jan ne mbeshtetje te nje deputet te kuvendit dhe lider politik. Ajo qe te gajas se nuk qan dot, eshte kur etiketon si komunist. Pra permbledhasi, sipas etalonit Mero, ata qe shkojne pas nje komunisti jane te rrjedhur. Ndaj dhe ne populli jemi te tere te rrjedhur, perfshire Meron, persa kohe shkojme pas PS dhe komunistit nga lindja Rama dhe PD dhe komunistit te natyralizuar Basha.
Përgjigju