POP 5

Lajmet më të lexuara të 5 minutave të fundit

Opinion

Mero Baze: Mbi të pakënaqurit nga Perëndimi, që ka zbarkuar në Tiranë

Partia e Berishës dhe Metës, e cila të vetmin partner perëndimor aktualisht ka Fredi Belerin dhe avokatët e tij grekë, është shumë e shqetësuar pse Perëndimi ka zbarkuar në Tiranë. Akoma më shumë është e shqetësuar pse respektojnë nismat rajonale të Edi Ramës.

Mero Baze: Mbi të pakënaqurit nga Perëndimi, që ka zbarkuar në Tiranë

Kreu i PL, Ilir Meta, ish-kryeministri Sali Berisha

Mbajtja sot e Samitit të Ballkanit Perëndimor me BE për planin e ri të rritjes, si dhe ai i një dite më parë për Ukrainën e afishojnë Shqipërinë si vendi pararojë i Ballkanit jugperëndimor, sa i përket mbështetjes që ka nga politika perëndimore. 

Për 48 orë Shqipëria ishte në qendër të vëmendjes botërore, duke nisur me Samitin e Ukrainës dhe duke vazhduar sot me perspektivën evropiane të rajonit.

Në raste të tilla kritikat ndaj protagonizmit të Shqipërisë është normale të vijnë nga ndonjë vend jo miqësor me Shqipërinë, apo nga xhelozira rajonale, por nuk ka ndodhur. 

Të vetmit të mërzitur nga ky zhvillim ngjajnë të jenë oponentët e Edi Ramës në Tiranë.

Partia e Berishës dhe Metës, e cila të vetmin partner perëndimor aktualisht ka Fredi Belerin dhe avokatët e tij grekë, është shumë e shqetësuar pse Perëndimi ka zbarkuar në Tiranë. Akoma më shumë është e shqetësuar pse respektojnë nismat rajonale të Edi Ramës.

Të dyja Samitet e mbajtura në Tiranë kanë përfunduar me dakordësi nga të gjitha palët, duke pranuar qëndrimet e përbashkëta të njëri- tjetrit.

Madje në Samitin për Ukrainën, Kosova ka mbajtur një qëndrim serioz, duke tejkaluar provokimet që synojnë izolimin e çështjes së Ukrainës në rajon nga propaganda pro ruse.

Kosova dhe Ukraina e nënshkruan deklaratën e përbashkët, duke identifikuar Serbinë si të vetmin aleat të Rusisë në Ballkan, ndërsa “kritikët” e Shqipërisë poshtë penxheres së Berishës, janë të shqetësuar se ata i ka futur në kurth Edi Rama.

Një opozitë e mençur natyrisht që e kishte përshëndetur këtë rol të Shqipërisë, pasi e gjitha çfarë ndodhi forcon imazhin pozitiv të Shqipërisë. Edi Rama padyshim që ka meritat e tij personale, por në këtë rast nuk i ka për nevoja elektorale, por në interes të Shqipërisë. Interesat elektorale ja kanë garantuar vet kritikët e tij, nuk ka nevojë për ndihmë nga Perëndimi.

Tani merreni me mend që këta që kritikojnë Edi Ramën në Tiranë ta kishin në dorë politikën e jashtme, të cilët siç e thashë, sot aleatin më të madh perëndimor kanë Fredi Belerin, meqë është dhe qytetar grek.

D.m.th në të njëjtën ditë kur liderët e BE apo Zelenski udhëtonin drejt Tiranës, Flamur Noka me Luçiano Boçin udhëtonin drejt Janinës të takonin një deputet grek të Janinës, për t’i shprehur mbështetje elektorale si mbështetës i Fredi Belerit.

Mjafton të krahasosh këto dy qasje për të kuptuar se çfarë kontrasti ekziston mes atyre që janë të pakënaqur kur Perëndimi zbarkon në Tiranë, dhe atyre që e sjellin Perëndimin në Tiranë.

Njëra palë kërcënon Shqipërinë nga Janina, tjetra bën bashkë Perëndimin dhe Ballkanin kundër Rusisë. TemA

B.V/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

Perëndimi: Vendimet e Parlamentit të Republikës Sërpska kërcënojnë rendin kushtetues të Bosnjës

25 Dhjetor, 15:03