POP 5

Lajmet më të lexuara të 5 minutave të fundit

Opinion

Mero Baze: Opozita, betejë ndaj këngëtarëve

Erion Veliaj ka marrë më shumë se sa i duhet mbështetje nga shumë personazhe publike, përfshi këngëtarë të shquar si Rita Ora, apo njerëz të botës së showbizz-it në Tiranë. Kur them e ka tepruar, kam parasysh se nuk i duhen për të fituar bashkinë, por mbështetja tregon vemendjen që ka pasur ndaj tyre.

Mero Baze: Opozita, betejë ndaj këngëtarëve

Rita Ora dhe Elhaida Dani, dy këngëtare që mbështetësin Veliajn

Erion Veliaj ka marrë më shumë se sa i duhet mbështetje nga shumë personazhe publike, përfshi këngëtarë të shquar si Rita Ora, apo njerëz të botës së showbizz-it në Tiranë. Kur them e ka tepruar, kam parasysh se nuk i duhen për të fituar bashkinë, por mbështetja tregon vemendjen që ka pasur ndaj tyre. Gjithsesi nuk është një nevojë elektorale. Është thjeshtë një paradë e lidhjeve që ka krijuar me botën e artit dhe kulturës dhe personazhet e saj.  Por agresiviteti që ka ngjallur tek opozitarët e Veliaj ky fenomen është i pashpjegueshëm.

Është i pashpjegueshëm në radhë të parë, pasi fushata këtu nuk është se po shkon kokë më kokë dhe Veliaj po e fiton se ka me vete gjithë personazhet publik të botës së shoë dhe muzikës. Edhe pa ata nuk ka problem me fitoren. Por fakti që ata pranojnë të shfaqen krah tij, është një shenjë mirënjohje për raportin që ka krijuar me ta në vite.

Së dyti, është shumë pretencioze të akuzosh një artist pse merr pozicion në një fushatë elektorale, kur kjo në fakt është traditë shumë e njohur. Edhe fushata e fundit në SHBA kishte yjet e muzikës botërore në krah të demokratëve dhe republikanëve. Askush nuk e ndal Këlliçin të ketë në krah figura të tilla, pasi në liri zgjedhja politike është vendim personal dhe nuk është në dorë të moralistëve ta caktojnë se me kë duhet të bëhen. Kush guxon të marrë qëndrim është më i ndershëm se ata që bëjnë të paanshmin, ngaqë nuk janë të sigurt tek fituesi.

Së treti, gjithë këto kërcënime, sharje e fyerje për Rita Orën apo më parë për Dua Lipën dhe këngëtarë të tjerë, me qortime moraliste “pse dole foto me Ramën, “pse dole foto me Veliaj” etj të krijojnë idenë se këta opozitarët tanë nuk e kanë fushatën me Erion Veliaj, por me këngëtarët e aktorët. D.m.th më shumë po sulmojnë ata, se sa Veliajn që merr mbështetjen e tyre.

Merreni më qetë! Sot nuk është dita kur Erion Veliaj ka nevojë për ta, pasi i ka votat. Madje jam i pasigurt se sa vota mund të sjellin ata. Por mbështetja e tyre ndaj Veliaj është një bilanc që tregon se çfarë ka bërë dhe për jetën e tyre artistike në qytet.

Është pak a shumë ajo alergjia që kanë opozitarët kur Veliaj numëron 40 shkollat e reja moderne që ka bërë dhe ata në kor i thonë “jo jo leri këto, mos na i trego këto, e dimë që i ke bërë”.

Tani mos prisni që Erion Veliaj në fushatë t’u tregoj çfarë nuk ka bërë dhe çfarë ka shkuar keq. Ato po mundët gjejini vetë dhe ballafaqohuni me të. Me këngëtarët e artistët mos u mërzisni, se ata janë njerëz të lirë dhe nuk votohen. Thjesht dëgjohen, ose jo.

K.T./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • e drejta: 03/05/2023 14:38

    TE KUPTOHET FOLA PER KOMUNTUESIT..

    Përgjigju
  • e drejta: 03/05/2023 14:35

    SA RRUGACE PASKA SHQIPERIA....

    Përgjigju
  • vjeshta: 03/05/2023 10:00

    Njëra prostitutë e frangut të lartë, tjetra nuk mund të quhet këngëtare!!!

    Përgjigju
  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Sot Kukësi sfidon Egnatian në finalen e Superkupës, rrogozhinasit kërkojnë 'tripletën'

Sot Kukësi sfidon Egnatian në finalen e Superkupës, rrogozhinasit kërkojnë 'tripletën'

26 Dhjetor, 08:42