POP 5

Lajmet më të lexuara të 5 minutave të fundit

Opinion

Mero Baze: Pse Prokuroria s'po
bllokon, librat e llogarisë së PD?

Bllokimi i librave të llogarisë së Partisë Demokratike, mund të nxjerrë në dritë jo vetëm mungesën e pasqyrimit të këtyre transaksioneve, por dhe probleme të tjera për mënyrën se si menaxhohen fondet publike dhe fondet e zeza brenda partisë. Ndërsa Partia Demokratike është tërhequr nga përgënjeshtrimi i parë që bëri kundër raportit të BIRN, lidhur me pagesat e saj “në të zezë” për lobimin në Uashington, ende nuk ka një njoftim zyrtar nga Prokuroria, nëse janë sekuestruar librat e llogarive të Partisë Demokratike.
Mero Baze: Pse Prokuroria s'po<br />bllokon, librat e llogarisë së PD?<br>
Bllokimi i librave të llogarisë së Partisë Demokratike, mund të nxjerrë në dritë jo vetëm mungesën e pasqyrimit të këtyre transaksioneve, por dhe probleme të tjera për mënyrën se si menaxhohen fondet publike dhe fondet e zeza brenda partisë. Ndërsa Partia Demokratike është tërhequr nga përgënjeshtrimi i parë që bëri kundër raportit të BIRN, lidhur me pagesat e saj “në të zezë” për lobimin në Uashington, ende nuk ka një njoftim zyrtar nga Prokuroria, nëse janë sekuestruar librat e llogarive të Partisë Demokratike.

Njoftimi i vetëm i Prokurorisë është jo zyrtar dhe bën fjalë për “verifikim”, dhe jo për hetim të çështjes në fjalë.

Në fillim Partia Demokratike i mohoi akuzat dhe tha se gjithçka është në rregull, dhe PD i ka deklaruar shpenzimet e saj, sipas ligjit.

Këmbëngulja e BIRN bëri që PD të ndryshojë qëndrimin e saj, por të bëjë një deklaratë tërësisht qesharake, që jo vetëm pranon shkeljen e ligjit, por ngre shumë pikëpyetje për mënyrën se si janë paguar ato para. PD thotë tani se gjithçka e ka deklaruar në regjistrat e Departamentit Amerikan të Drejtësisë.

Këtu ka disa probleme.

E para, PD nuk ka bërë asnjë deklarim në regjistrat e Departamentit Amerikan të Drejtësisë. Atje kanë bërë deklarime të vonuara kompanitë që kanë paguar për llogari të PD një kompani lobimi në Uashington, pasi i detyron ligji amerikan. PD nuk mund të bëjë deklaratë në ato regjistra për para që nuk i ka paguar direkt kompanisë së lobimit në SHBA nga llogaria e saj, pasi SHBA funksionon mbi transparencën financiare lidhur me lobimin. Ndaj kjo që thotë PD, është një gënjeshtër që kërkon hetim.

E dyta, PD nuk ka deklaruar në KQZ si shpenzim fushate, rreth 1 milardë lekë të vjetra, që është një shumë më e madhe dhe se vetë buxheti elektoral i saj, i deklaruar në KQZ. Institucioni ku PD duhet të bëjë deklaratat e saj financiare është i përcaktuar nga Kodi Elektoral, dhe ai është KQZ. Partia Demokratike nuk e ka bërë këtë. Deklarata e saj zyrtare është e gënjeshtërt dhe ka fshehur burimet e financimit të fushatës. Kjo është shkelje e pastër e ligjit, e cila nuk ka nevojë të hetohet, por të ndëshkohet.

E treta, PD me deklaratën e fundit, pranon se janë paguar para nga kompani “offshore” për llogari të nevojave të saj në Uashington. Tani, ose PD, ose kryetari i saj, ose kunati dhe vjehrri i tij, ose gruaja apo dikush tjetër që e di ai, është pronar i kësaj kompanie “offshore” që paguan për llogari të PD, ose këto kompani kanë borxhe të fshehta ndaj PD, që po ia kthejnë në formë shërbimesh. Në të dy rastet kemi korrupsion të pastër, që duhet të hetohet urgjent. Pra, duhet të hetohet ose fakti që kjo kompani është pronë e Lulzim Bashës, ose çfarë borxhesh i ka Lulzim Bashës. Rrethana lehtësuese se mund të jetë pagesë për bamirësi, nuk funksionon, se dhe Liri Berisha nuk është më “Zonjë e Parë”.

Në rast se kompania thotë se ka shërbyer thjeshtë si përcjellëse pagesash, atëhere PD duhet të provojë se në çfarë mënyre i ka dërguar kësaj kompanie paratë, dhe cila është origjina e tyre, që të shpëtojë nga akuza për pastrim parash.

Për të gjitha këto arsye, PD-së i duhen vënë menjëherë nën sekuestro librat e llogarisë financiare të saj dhe çdo moment që kalon, është në dëm të hetimit. Librat e llogarisë së PD, janë sot i vetmi dokument zyrtar legal që provon dhe legjitimon çdo lëvizje formale të parave në emër të PD. Kasaforta e zezë e Lulzim Bashës, ajo që mbante paratë e lejeve të ndërtimit në Tiranë, apo ryshfeteve të tjera të korrupsionit, edhe mund të transportohet nga zyra për diku tjetër, por gjurmët e parave të tyre, nuk mund të fshihen.

Që Prokuroria të besohet se është serioze në këtë histori, ajo duhet të bëjë një orë e më parë një deklaratë zyrtare, ku të pranojë se ka sekuestruar librat e llogarisë së PD, ose që nuk i ka sekuestruar ato. Nëse i ka sekuestruar, jemi para nisjes së një hetimi. Nëse jo, jemi para një mashtrimi dhe krimi të Prokurorisë, që po lejon të prishen provat për një nga skandalet më të provuara të financimit me para të pista të një partie politike, për të cilën po flitet aq shumë, mjerisht nga vetë PD. Marrë nga GazetaTema

Er.K/Shqiptarja.com

  • Sondazhi i ditës:
    26 Dhjetor, 08:05

    Si ka qenë për ju viti 2024?

Lajme të tjera



×

Lajmi i fundit

Putin: Ne duam t'i japim fund luftës, jo thjesht ta ngrijmë atë! Negociatat? Në Sllovaki

Putin: Ne duam t'i japim fund luftës, jo thjesht ta ngrijmë atë! Negociatat? Në Sllovaki

26 Dhjetor, 19:20