POP 5

Lajmet më të lexuara të 5 minutave të fundit

Opinion

Mero Baze: Të dorëzuar te një hajdut/e

Ka një histeri të pashembullt në rrjetet sociale, por dhe në figura kritike të opinionit publik, për t’u vënë në radhë si avokatë të pastrueses Rozeta. Gati gati nuk po gjej askënd të jetë kundër saj. Dhe kanë një alibi të madhe në anën e tyre

Mero Baze: Të dorëzuar te një hajdut/e

Alda Klosi, Havier Dobi dhe Rozeta Dobi

Ka një histeri të pashembullt në rrjetet sociale, por dhe në figura kritike të opinionit publik, për t’u vënë në radhë si avokatë të pastrueses Rozeta. Gati gati nuk po gjej askënd të jetë kundër saj. Dhe kanë një alibi të madhe në anën e tyre. Shuma e paqartë anomalisht e lartë e një zyrtareje publike, që ishte një prej viktimave të saj, ndez fantazinë për korrupsionin zyrtar.

Dhe këtu ka menjëherë një keqpërdorim të shumave të vjedhura nga pastruesja, duke ja ngarkuar zyrtares gjithë bilancin.

Por hetimet që po thellohen dëshmojnë se në atë shumë ka dhe persona të tjerë të grabitur, që nuk janë zyrtarë publik. Madje një prej të grabiturve është një analist i kriminalistikës, që ka folur ndërkohë dhe për Rozetën dhe ka treguar se si i joshte klientët. Në fillim e mendova si fantazi të tij, por pastaj kuptova që e ka nga përvoja si viktimë e saj.

Grabitja e njerëzve të pasur nga pastrueset nuk është një histori e re. Aq më tepër në një vend si Shqipëria. Diferenca është se shumica e zyrtarëve që grabiten nuk dëshmojnë.

Flamur Noka u grabit 8 vite më parë, pati dhe deklaratë të policisë për kapjen e hajdutëve, që pranonte se kishin vjedhur vilën e tij në plazh në Lalëz, por ai mohoi dhe vilën nga frika.

Histori të ngjashme mund të ketë pasur dhe më parë dhe më pas. Kjo është mënyra se si një i korruptuar vuan ndëshkimin, por ky nuk është rasti që shoqëria të shpërthejë në duartrokitje për “Rozetën”.

Duartrokitjet dëshmojnë se shoqëria jonë është në depresion nga pandëshkueshmëria, dhe është gati të dorëzohet tek një hajdut i radhës, mjafton që dikush të ndjehet i dëmtuar.

Në rastin konkret, të gjithë janë gati të bëjnë heroinë një pastruese hajdute, vetëm se mes viktimave është edhe një zyrtare, ndërkohë që lista pasohet nga një pedagog, biznesmenë e raste të tjera të pakonfirmuara ende. Por Rozeta po bëhet heroinë vetëm e vetëm se e para në listën e të dëmtuarve u shfaq një zyrtare publike, e cila ka denoncuar vet rastin.

Shoqëria ngjan e dorëzuar dhe po bën heroinë një hajdute shtëpish, ngaqë nuk bën dot drejtësi të ndëshkojë të korruptuarit. 

Të dorëzuar tek një hajdute apo hajdutë nga pafuqia për të pasur një standard moral kundër vjedhjes dhe hajdutëve, shoqëria po bie në dashuri me hajdutët e hajdutëve, që në fakt e kanë nisur këtë profesion duke vjedhur njerëz të ndershëm. 

Në këtë rast duket se debati për Rozetën imiton debatin politik të shoqërisë së sotme. Nëse lexon sot portalet apo rrjetet sociale, duket se shpresa në të ardhmen është tek një hajdute si Rozeta, ngaqë të gjithë tani pranojnë se ka qenë hajdute e aftë.

Ashtu si në politikë shpresa është tek Meta e Berisha, ngaqë njihen si “hajdutë të zotë”, të certifikuar dhe ndërkombtarisht, tek të cilët “shpresojnë” se do mundin “hajdutët” e qeverisë.

M.Q./B.K./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Doni: 10/01/2023 08:29

    Je gati me laps e leter ne dore Mero, sapo mer urdhrin nga padroni jot, fillon dhe shkruan! I ke ber gjunjet copa Mero djali

    Përgjigju
    • Leli: 10/01/2023 19:34

      Ha ha, sa bukur ia ke thënë! Nuk mbarohen gëlbazat????

  • Sapo lexuat: 10/01/2023 08:05

    Ky qe sapo lexuat quhet Mero. I vetmi ne planet qe edhe pse pa floke ne koke e ka xhaketen plot me sbokth. Si paska dale çeku i janarit akoma mero zezes ndaj paska permendur vetem mulin e se ka shtrire analizen e vet me lart nga krahu i ruseve. Gelbaze komplet

    Përgjigju
  • Pali: 10/01/2023 04:26

    Thashe se te pakten kesaj radhe Mero do shkrunte pe verteti. Ehe, semundje e rende korrupsioni, pse thote, nuk shqetesohet shoqeria qe vidhen te pasur (socialiste medemek) e per me teper qeveritare? Pika o tutkun

    Përgjigju
  • Riku: 10/01/2023 03:32

    Artikull per pulitzer... nese do te kishte nje te tille per motive te tipit antikombetar

    Përgjigju
  • xXx: 09/01/2023 22:45

    Vetem Merjemi mungonte...

    Përgjigju
  • Sondazhi i ditës:
    27 Nëntor, 11:43

    Si e vlerësoni vendimin e GJKKO që liroi Berishën nga arresti shtëpiak?

Lajme të tjera



×

Lajmi i fundit

Ja pse 'lirimi' i Sali Berishës i gëzoi të gjithë

Ja pse 'lirimi' i Sali Berishës i gëzoi të gjithë

27 Nëntor, 23:04 nga Flogert Muça