POP 5

Lajmet më të lexuara të 5 minutave të fundit

Opinion

Mero Baze: Të gjitha gënjeshtrat e Berishës mbi Yuri Kim dhe McGonigal

Sali Berisha ka sulmuar në daljen e tij të fundit tek ish kolegia e tij Grida Dume, ambasadoren e SHBA në Tiranë Yuri Kim duke e akuzuar se ka bashkëpunuar me ish agjentin e FBI McGonigal dhe kryeministrin Edi Rama për të komplotuar ndaj tij dhe mbështetësve të tij në opozitë.  

Mero Baze: Të gjitha gënjeshtrat e Berishës mbi Yuri Kim dhe McGonigal

Sali Berisha, Charles McGonigal dhe Yuri Kim

Sali Berisha ka sulmuar në daljen e tij të fundit tek ish kolegia e tij Grida Dume, ambasadoren e SHBA në Tiranë Yuri Kim duke e akuzuar se ka bashkëpunuar me ish agjentin e FBI McGonigal dhe kryeministrin Edi Rama për të komplotuar ndaj tij dhe mbështetësve të tij në opozitë.  

Duke pasur parasysh standardet që ai ka në mendje për shtetin ligjor në Shqipëri, dhe duke i transferuar ato në SHBA, ai ndërkohë u jep shqiptarëve një përfytyrim të përmbysur për SHBA, si një vend, ku me lek mund të blesh  Presidentin, Sekretarin e Shtetit, drejtësinë dhe gjithçka tjetër. 

Por për ta bërë të besueshme këtë më parë ka shpikur një skemë bashkëpunimi mes Edi Ramës, ambasadës së SHBA në Tirane drejtuar nga Yuri Kim dhe ish agjentit të FBI McGonigal. 
Le ti marrim me radhë gënjeshtrat e tij. Gënjeshtra e parë. 

Sipas Berishës Mcgonigal ka bashkëpunuar me Yuri Kim dhe Edi Ramën për tu vënë gjoba biznesmenëve që kanë mbështetur “Foltoren” financiarisht sipas tij.  Së pari le ti vendosim ngjarjet në kohë. Ish agjenti i FBI McGonigal ka ardhur në Shqipëri sipas gjithë fakteve të provuara në vjeshtën e vitit  2017 dhe vitin 2018. Në atë kohë në Shqipëri ka qenë ambasador i SHBA Donald Lu dhe jo Yuri Kim. Kjo e bën gjithçka qesharake. 

Së dyti brenda gënjeshtrës së parë, Yuri Kim ka ardhur ambasadore më 2020, ndërsa “Foltorja” e Sali Berishës ka nisur në Shtator 2021. Pra McGonigal ka ardhur më 2018, Yuri Kim më 2020, ndërsa Foltorja më 2021. Se si mund të bëhen bashkë të trija këto në një ditë vetëm një i rrjedhur nga trutë mund ta shpjegoj. 

Gënjeshtra e dytë që po prodhon Berisha është se përmes McGonigal është lobuar që Berisha të shpallet “Non Grata”. Këtu bën të vetën dhe zilia që ka se për paret ruse që akuzohet Basha ka disa indicie kurse për këtë asgjë. Për "non gratën” nuk ka asnjë fakt dhe asnjë dëshmi përveç një deklarate të vet Berishës që citohet nga Belind Këlliçi dhe që i referohet një blog anonim i Berishës në anglisht në SHBA.  
Pra i vetmi fakt është dëshira e Berishës që të fabrikoj se për shpalljen e tij “non grata” është lobuar nga Rama dhe Mcgonigal. Më parë ka qenë Sorosi në plan të parë. Me sa duket Berisha është gati të shpjegoj fatkeqësinë e tij dhe turpërimin familjarisht me çdo lloj skandali që i dëgjojnë veshët në SHBA apo Shqipëri. 

Nga ana tjetër ai nuk shpjegon dot para gazetarëve, se kush i ka shpallur politikanët  e tjerë “non grata” në Shqipëri disa prej të cilëve i përkasin dhe Partisë Socialiste ose të afërt me të. Dhe mbi të gjitha nuk e shpjegon dot se si Presidenti i SHBA apo Sekretari i Shtetit, nga gjithë personat e dizajnuar si “non grata” në Shqipëri dhe botë, kanë pasur të drejt për të gjithë përveç Sali Berishës gruas vajzës dhe djalit të tij, hajdut. 

Gënjeshtra e tretë është po ashtu lajmi i fabrikuar në një blog anonim të Berishës në gjuhën angleze, i cili thotë se biznesmenët e njohur shqiptar Shefqet Kastrati dhe Zamir Mane kanë paguar deri në 15 milion euro për të mos u shpallur “non grata”. Sipas tij këto pare ja kanë paguar McGonigalit. Burimi i lajmit është sipas vet autorit të blogut opozita shqiptare , pra zyra e Berishës. Natyrisht nuk jam çmendur të analizoj se sa e pamundur është të paguash 15 milion euro në të zezë dhe ti çosh në SHBA, dhe as të gjej logjikë përse duhen paguar këto pare. 

Por kjo gënjeshtër e Berishës është në të vërtet një shantazh i tij ndaj këtyre dy biznesmenëve të mëdhenj, miq të afërt të tij, të cilët me sa duket nuk e kanë ndjekur me paret e tyre, në aventurën e fundit të Foltores. Është një lloj hakmarrje primitive e tij për tu treguar atyre se do ti baltos, si njerëz që janë “non grata” si ai, por që e kanë blerë SHBA me lek. 

Është ndoshta një nga poshtërimet më të mëdha që një politikan i ka bërë miqve të vet biznesmenë në Shqipëri, një poshtërim që tregon në të vërtet fytyrën e Sali Berishës dhe çdo të thotë të ndihmosh atë qoftë dhe me miliona. I mjafton braktisja një ditë për tu vërsulur si hienë. 

Gënjeshtra e katërt është që ambasadorja Yuri Kim ka thirrur në ambasadë biznesmen të mëdhenj shqiptarë dhe i ka kërcënuar se do ti shpall “non grata” nëse financojnë “Foltoren” e Sali Berishës. 
Që SHBA e ka bërë publike qëndrimin se kush ndihmon apo mbështet “Foltoren” nuk është person i dëshiruar i SHBA kjo është e ditur. Por ambasadorja e SHBA nuk ka asnjë arsye të thërras biznesmen në zyrë për ti qortuar për këtë, pasi ende nuk ka ndonjë evidencë publike se kush qëndron pas financimit të Foltores. 

Të gjithë besojnë dhe u duket logjike se pas “Foltores qëndrojnë milionat e eurove që ka vjedhur Sali Berisha, Shkëlzen Berisha, Argita Berisha dhe Liri Berisha nga shqiptarët në kohën që ishin në pushtet dhe që vazhdojnë akoma me bizneset e tyre.  Vet Sali Berisha ka deklaruar publikisht se nuk ka harxhuar pare për Foltoren, pasi të gjitha gjerat sipas tij i ka bërë falas me kontributin e mbështetësve.

Nga na doli tani që paska biznesmen që i kanë dhënë pare dhe i paska kërcënuar ambasada? Nëse ka biznesmenë që kanë dhënë pare dhe ai nuk i ka deklaruar atëherë ai ka punë me drejtësinë tonë jo me ambasadën. Ambasada i ka publike qëndrimet e saj. Gënjeshtrat e tij rreth kësaj teme janë të verifikueshme nga çdo shqiptar pasi për shkak të mungesës së respektit që ai ka për të vërtetën dhe faktet, ia bën të lehtë të gjithëve të kuptojnë se ose ka rrjedhur ose thjesht gënjen. 

Dhe e gjithë kjo e bën edhe më banal revolucionin e tij, i cili ka nisur të gjej alibi për ndëshkimin e Berishës dhe do përfundoj të jetë arsye për mbretërimin e Edi Ramës. 

Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

25 Dhjetor, 20:33