POP 5

Lajmet më të lexuara të 5 minutave të fundit

Sport

Merr fund bojkoti te Vllaznia, nesër futbollistët rikthehen në stërvitje! Ademi jep ganaci: Deri më 3 qershor pagat do jenë paguar

Pas një bojkoti tre ditor klubi i Vllaznisë do ti rikthehet stërvitjeve të hënën. Ata kanë marrë garanci nga kryetarja e bashkisë Shkodër se deri më 3 qershor, moment kur pritet të rifillojë kampionati, pagat për tre muajt e prapambetur do të shlyhen.

"Unë kam qenë gjithmonë realist. Kam tre muaj e gjysmë pa u paguar nga klubi."-Kështu deklaroi 14 ditë më parë Ndriçim Shtubina, futbollisti i Vllaznisë në një intervistë për Report TV. 7 ditë më vonë, pikërisht me datë 21 maj, të gjithë futbollistët bojkotuan stërvitjen, duke e cilësuar këtë rrugën e vetme për të marrë pagat e prapambetura.

Por duket se ka dritë në fund të tunelit. Ishte vetë Ndriçim Shtubina që konfirmoi për ‘Report TV’ se kanë arritur një marrëveshje me kryetaren e bashkisë Voltana Ademi për t’u rikthyer në stërvitje të hënën, katër ditë pas bojkotit.

Sipas Shtubinës, futbollistët kanë marrë garanci që deri më datë 3 qershor, ditë kur është parashikuar edhe rinisja e kampionatit, ata të jenë paguar. Në këtë mënyrë klubi shkodran i rikthehet një normaliteti të sforcuar për të rinisur përgatitjet për kampionatin, në një kohë trajneri nga Maqedonia e Veriut Mirsad Jonuz ka ngritur zërin për këtë situatë.

Për të vënë pak rregull u përfshi vetë kryetarja e bashkisë Voltana Ademi, e cila fillimisht i kërkoi me urgjencë këshillit bashkiak shqyrtimin dhe miratimin e pasqyrave financiare të Vllaznisë.

Sakaq gjatë kësaj jave, jo vetëm Vllaznia, por e gjithë bota e futbollit në Shqipëri pret që qeveria të japë leje për rifillimin e kampionateve, në një kohë kur FSHF dhe klubet e Superligës kanë rënë dakord për datën 3 qershor.

Ne.k./b.ha./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

Kushtetuesja rrëzon 4 familjarët e ish-zv/kryeministrit Ahmetaj dhe bashkëjetueses së tij, SPAK u sekuestroi prova për hetimin! Zbardhet VENDIMI

25 Dhjetor, 20:33