Olaf Scholz është zgjedhur kancelari i ri i Gjermanisë nga Bundestagu, duke i dhënë fund në këtë mënyrë “epoka” 16-vjeçare të Angela Merkel.
Qeveria e re e zotit Scholz formohet nga partia e tij Social Demokrate së bashku me të Gjelbrit dhe Demokratët e Lirë.
63-vjeçari, Scholz i çoi socialdemokratët drejt fitores së zgjedhjeve në fund të shtatorit, duke e pozicionuar veten si kandidat të vazhdimësisë, sepse ai luajti një rol kyç në qeverinë Merkel si zëvendëskancelar.
Ai u duartrokit pasi parlamenti gjerman, Bundestag, e mbështeti me 395 vota kundër dhe 303 kundër.
Kancelari i ri pas zgjedhjes dhe pranimit të detyrës, shkoi në Pallatin Bellevue ku u prit nga Presidenti Frank-Walter Steinmeier, i cili edhe zyrtarisht e emëroi në këtë post. Ai tani do të kthehet në Bundestag për të bërë betimin. Ndërsa pas betimit Scholz kthehet sërish në Pallatin Bellevue, ku në prani të Presidentit emëron dhe prezanton ministrat e ri në kabinetin qeveritar.
Olaf Scholz është kancelari i nëntë Republikës Federale të Gjë dhe katërti i SPD-së pas Ëilly Brandt, Helmut Schmidt dhe Gerhard Schröderit.
Olaf Scholz u zgjodh kancelar i nëntë i Republikës Federale të Gjermanisë. Në mesditë ai bëri betimin si kancelar në Bundestag, para Presidentes së Bundestagut, Bärbel Bass. Më parë, Presidenti i Gjermanisë, Frank-Walter Steinmeier i pati dorëzuar atij në Pallatin Bellevue dokumentin e emërimit. Me këtë pushteti qeveritar kaloi nga kancelarja aktuale Angela Merkel (SPD) te pasardhësi i saj, në përputhje me dispozitat e Ligjit Themelor, kushtetutës së Gjermanisë.
Në një votim të fshehtë në Bundestag, 395 nga 707 votat e dhëna i mori Olaf Scholz. Pati 303 vota kundër dhe gjashtë abstenime. Për zgjedhjen e socialdemokratit nevojiteshin 369 vota. SPD, të Gjelbrit dhe FDP, të cilat formojnë koalicionin e parë të tipit "semafor " në nivel federal, së bashku kanë 416 mandate në Parlament, ose 47 mandate më shumë se ajo që quhet shumica e kancelarit.
Po kush është kancelari i ri i Gjermanisë? Një fjali tregon në mënyrë shembullore, se si vepron Olaf Scholz me krizat: Ngrihu, vazhdo përpara dhe mos dysho kurrë për veten. 63-vjeçari është i bekuar me një vetëbesim të patundur. Në karrierën e tij të gjatë politike, ai ka përjetuar mjaft tronditje, asnjëra prej tyre nuk ka mundur ta largojë atë nga rruga në plan afatgjatë.
Konkret dhe pragmatik
"Ne do të shfrytëzojmë çdo mjet, që kemi në dispozicion dhe të sigurohemi që do të mund t'i kalojmë këto kohë të vështira me të gjitha mundësitë tona ekonomike dhe të kujdesemi të dalim nga situata", me këto fjalë u është drejtuar ai qytetarëve. Nga qytetarët kjo pritet mirë. Por në kohë krize kërkohet më shumë pragmatizmi se sa karizma. Kjo është diçka që Scholz nuk e ka. Të tregojë emocione, është e huaj për të. Edhe në momentet e gëzimit më të madh, ai shfaq përmbajtjen e një butleri britanik.
Me joshën e një makine
Për shumë vite atë e ndoqi nofka "Scholzomat", një lojë fjalësh e përbërë nga "Scholz" dhe "automat". Gazeta e përjavshme "Die Zeit" e krijoi termin në 2003, sepse Sekretari i Përgjithshëm i atëhershëm i SPD, Olaf Scholz, gjithmonë dukej si një makinë, kur shfaqej në publik. Kur e pyesnin Scholzin, ai përgjigjej vetëm me formula teknokratike, të cilat i përsëriste vazhdimisht.
Në atë kohë ishte fjala për reformën e diskutueshme të tregut të punës Agjenda 2010, e cila solli shkurtime të forta. Pati shumë rezistencë ndaj zbatimit të saj, edhe në SPD. Scholz thotë, se nuk ishte orientimi i tij, por për të qenë "absolutisht besnik" ndaj kancelarit, kreut të SPD Gerhard Schröder dhe SPD-së. Ai thotë se "ishte ndjerë me të vërtetë si oficer".
Në fund jo vetëm që përpjekja e shpëtimit shkoi huq, dhe si pasojë SPD humbi dhe postin e kancelarit e mori CDU, por Olaf Scholzit iu vesh edhe një imazh, të cilin ai nuk mundi ta heqë qafe për një kohë të gjatë: Që nga ajo kohë juristi shihej në publik si një burokrat i mërzitshëm, që prish humorin.
SPD nuk e ka pasur kurrë të lehtë me pragmatistin introvert nga Hamburgu, i cili gjithmonë flet vetëm aq sa është absolutisht e nevojshme. Kur kandidonte për postet partiake, Scholz zakonisht merrte rezultatet më të këqija. Megjithatë ai arriti të ngjitet në shkallët e karrierës politike. Pa zhurmë dhe me efektivitet. Scholz ka qenë Sekretar i Përgjithshëm i SPD, ministër i Punës, senator i brendshëm, dhe kryebashkiak i Hamburgut, para se të kalonte në kabinetin e Angela Merkel në 2018.
Edhe nëse Olaf Scholz llogaritet i krahut konservator, kategoritë politike si e djathta ose e majta duket se nuk mund të aplikohen në rastin e tij. Si nënkryetar i organizatës rinore SPD, Jusos, ai përfaqësonte teza radikale socialiste, kritike ndaj kapitalizmit.
Por mes anëtarësimit në SPD si nxënës shkolle në 1975 dhe zgjedhjes së tij në Bundestag në 1998, Scholz-i mësoi shumë për mënyrën sesi funksionon biznesi dhe sipërmarrja e pavarur, duke punuar si avokat i specializuar për ligjin e punës, në firmën e tij në Hamburg. Kjo e formësoi atë.
Tani vonë Olaf Scholz ka mësuar se në politikë ka rëndësi të vësh veten dhe mesazhin tënd në qendër të vëmendjes dhe ta shesësh mirë. Ai tani duket më emocional, më i afërt dhe, mbi të gjitha, më miqësor./ DW
Presidenti i Francës, Emmanuel Macron, ka dhënë në mënyrën e tij “lamtumirën” e fundit Anglea Merkle dhe ka uruar kancelarin e ri gjerman, Olaf Scholz.
“Faleminderit, e dashur Merkel, që nuk i ke harruar kurrë mësimet e historisë, që ke bërë kaq shumë për ne, me ne, për ta çuar Evropën përpara”, ka shkruar ai në Twitter, ndërsa postimin e ka shoqëruar me momentet të ndryshme bashkë me “zonjën e hekurt” të Evropës.
“I dashur Olaf Scholz, kapitullin e radhës do ta shkruajmë bashkë. Për francezët, gjermanët, dhe evropianët”, këto kanë qenë fjalët që i ka dedikuar Macron kancelarit të ri të Gjermanisë.
Lajme të tjera
-
Kërcënimi nga Rusia/ Rilindje për 'Eurofighter', Evropa po blen avionë luftarakë miliarda dollarësh
24 Dhjetor, 22:05 -
Gjermani/ Sulmi terrorist nga mjeku në Magdeburg: Autori kishte lënë një testament në makinën e tij, zbulohet përmbajtja
24 Dhjetor, 21:39 -
Enver Robelli: Urrejtësi i myslimanëve goditi me metoda të fanatikëve islamistë
24 Dhjetor, 09:35
-
Gjermani/ Pas ngjarjes në Magdeburg: Sulme ndaj migrantëve
24 Dhjetor, 08:44 -
Perëndimi shpreh shqetësim për moscertifikimin e Listës Serbe
23 Dhjetor, 21:32 -
Pas masakrës së Magdeburgut/ Blindohet Greqia, masa të shtuara të sigurisë për 15 ditët e ardhshme
23 Dhjetor, 08:23 -
VIDEO/ Dëmtim i tmerrshëm në basketboll! Nëntë tifozëve u ra të fikët, njëri pësoi atak në zemër
22 Dhjetor, 17:45 -
Sulmi në Gjermani, ekstremistët kërkojnë dëbimin e refugjatëve
22 Dhjetor, 13:28 -
I dyshuari për sulmin në Gjermani përballet me 5 akuza për vrasje
22 Dhjetor, 13:10 -
Rreziku nga ‘ujku i vetmuar’! Italia përforcon masat e sigurisë pas sulmit në Magdeburg
21 Dhjetor, 21:48 -
Sulmi në Gjermani/ 5 të vdekur, mes tyre një 9-vjeçar, 205 të plagosur, 41 në gjendje të rëndë! Scholz viziton tregun e Krishtlindjeve (VIDEO)
21 Dhjetor, 08:12 -
Gjermani/ Tragjedi në Magdeburg, makina përplas turmën në Tregun e Krishtlindjeve, 2 të vdekur e 68 të plagosur! Kapet autori! S'ka shqiptarë të lënduar (VIDEO)
20 Dhjetor, 20:49
