POP 5

Lajmet më të lexuara të 5 minutave të fundit

Politikë

Mesazhi zanor i Ramës/ PD: Të hiqet! Kompanitë celulare të japin internet falas për fëmijët, jo propagandë

Partia Demokratike e ka cilësuar si një mesazh pengues audion në celularët e qytetarëve para se të kryejnë një telefonatë, duke u kërkuar kompanive celulare që ta heqin.

Partia Demokratike e ka cilësuar si një mesazh pengues audion në celularët e qytetarëve para se të kryejnë një telefonatë, duke u kërkuar kompanive celulare që ta heqin. Sipas tyre, në vend t kësaj që ai quan propagandë, duhet të ofrojnë internet falas për fëmijët që tashmë marrin mësimet online.

Njoftimi i plotë i PD-së
Partia Demokratike ka marrë me mijëra ankesa dhe mesazhe nga qytetarët të shqetësuar për vonesa dhe anomali në lidhjet telefonike me familjarët apo miqtë, për shkak të një mesazhi pengues zanor personal të Edi Ramës, që i paraprin telefonatave të tyre.  Në çdo vend, ku Kryeministri shqetësohet për qytetarët dhe jo për propagandën e tij, mesazhet sensibilizuese për shëndetin dërgohen nga institucionet e shëndetit publik, jo nga politikanët.

Partia Demokratike e dënon këtë akt flagrant të ndërhyrjes në privatësinë dhe mundësinë për komunikim normal të qytetarëve  nga Edi Rama, që përdor AKEP-in si zyrë propagande të PS.  PD apelon kompanitë celulare që të ndërpresin menjëherë shkeljen e ligjit dhe kushteve të kontratës me klientët dhe të rikthejnë komunikimin e shpejtë dhe normal mes qytetarëve. Kompanitë celulare, në vend që t’i shërbejnë një individi dhe propagandës personale të tij, mund të luajnë një rol të dobishëm në këto momente kritike për bashkëqytetarët tanë.  

Mijëra fëmijë janë duke marrë mësim online dhe kanë nevojë për internet. Shumica dërrmuese e familjeve shqiptare e kanë të pamundur të përballojnë faturën e internetit. Një masë e dobishme nga kompanitë celulare është të mundësojnë internet falas gjatë krizës për të gjithë njerëzit në nevojë dhe për prindërit e fëmijëve në shkollë, duke siguruar akses të plotë në mësimin online. Partia Demokratike dënon thirrjen e papërgjegjshme të Edi Ramës për të bojkotuar mediat. Në një vend demokratik, media e lirë është mjeti më i besueshëm i marrjes së informacionit nga qytetarët.  Përmes medias dhe çdo forme tjetër komunikimi, qytetarët kanë nevojë të dëgjojnë zërin e mjekëve dhe të specialistëve, jo zërin e propagandës apo të kryeministrit në hall për pikët në rënie të pushtetit të tij.

 Në vend që të politizojë gjithçka, duke shqetësuar qytetarët dhe duke sulmuar opozitën, Edi Rama duhet të kryejë detyrat e kryeministrit për t’ua lehtësuar qytetarëve dhe personelit shëndetësor këtë moment të vështirë. Kryeministri ka detyrë që të rrisë buxhetin e nevojshëm për përballimin e kësaj situate. 3 milionë euro janë krejt të pamjaftueshme!  Në vend të mesazheve telefonike, qytetarët duan që Kryeministri të marrë masa për të mbrojtur biznesin nga mbyllja e përkohshme e detyrueshme, duke e lehtësuar nga detyrimet tatimore. Qytetarët duan siguri nga profesionistët, jo propagandë nga pushtetarët!

B.K.//Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Bedo: 13/03/2020 17:59

    O gamor ne ku ti heqim kalamjte nga interneti ti e do falas

    Përgjigju
    • Gamori: 13/03/2020 19:35

      Internet falas per femijet sepse mesimet po i marrin online. Apo falas do vetem zerin e veshgjatit qe te perqafon nga larg?

  • Interneti: 13/03/2020 17:01

    Me nje fjale nuk doni internet falas?! Doni zerin e Edit. Shume mire. Doni edhe foton e Edit me bibile perjasha?

    Përgjigju
  • Flutura: 13/03/2020 13:29

    Urgjent ne karantine PD. Eshte me e rrezikeshme se virusi

    Përgjigju
    • Fix: 13/03/2020 17:58

      Po sa e ke thene mire

  • Tutu: 13/03/2020 13:17

    O rraca e degjeneruar e Sali Berishes.... jeni bere me keq se virusi korona... shteti merr cdo veprim te arsyeshem per realizuar me sukses fushayen per mbrojtjen nga virusi.... fakti qe ju tellalliseni ne kete situate tregon qe shteti eshte ne rruge te mbare... ai mesazh ishte vec njerzor dhe aspak politik...ju keni 30 vjet qe e keni drobitur kete vend me keq se cdo virus qe ka qarkulluar...

    Përgjigju
  • Sondazhi i ditës:
    23 Dhjetor, 23:33

    Opozita proteston duke paralizuar 3 orë Tiranën, si e vlerësoni?

Lajme të tjera



×

Lajmi i fundit

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

Sondazhi i Tiranës, PS i qëndron 18 mandateve, zbret PD me 4 deputetë! Surprizë partitë e reja me 8 mandate, fundoset PL-ja

25 Dhjetor, 22:46