Meta i përgjigjet Ramës: Nuk flemë gjumë këto 4 ditë, natën e bëjmë ditë! Ironia për Veliajn: Pse thërrasin VIP-a kur i kanë punët mirë?

Kryetari i Partisë së Lirisë, Ilir Meta i është përgjigjur deklaratave të kreut të qeverisë duke i thënë se nuk do të flenë gjumë por do ta bëjnë edhe natën-ditë.

Sipas Metës, Rama është i tmerruar nga bilanci katastrofik në zgjedhje ndaj dhe bën thirrje të tilla që demokratët "t'ja fusin gjumit më 14 maj", por thotë se kjo gjë nuk do ndodhë pasi qytetarët do përmbushin vullnetin e tyre demokratik.

“Rama e ka shumë të qartë bilancin e tij katastrofik dhe të kukullave që i ka paraqitur me imponim në të gjitha bashkitë, kjo e detyron jo vetëm të sfazohet, por edhe të bëjë thirrje për një pjesëmarrje sa më të ulët në zgjedhje dhe sidomos ti drejtohet demokratëve që t’ia fusin gjumit në 14 maj, siç e tha dje në Kavajë. Si mund të flenë gjumë jo vetëm demokratët, por të gjithë shqiptarët e ndershëm kur kanë shumicën e fëmijëve jashtë vendit dhe ata që i kanë këtu për shkak të pasigurisë duan të largohen nga vendi sepse nuk duan të përfundojnë patronazhistë.

LEXO EDHE:
VIDEOLAJM/ ‘Drini’ dhe ‘Buna’, turistët shijojnë ‘magjinë’ e liqenit të Shkodrës me dy varkat turistike

Nuk do të ketë gjumë në këto katër ditë, madje edhe natën do ta bëjmë ditë. Së bashku edhe me të gjithë socialistët e ndershëm që kanë qenë viktimat e para të uzurpimit të vulës së PS-së nga një seks si rilindja që i ka sjellë dëme të jashtëzakonshme vendit. Sot dua tu kërkoj të gjithë qytetarëve të përmbushin detyrimin e tyre jo vetëm qytetar, jo vetëm kushtetues, por mbi të gjitha patriotik në këto momente kritike për të shprehur vullnetin e tyre të lirë dhe për të kuptuar se abstenimi nuk është zgjidhje, është ndihma më e madhe që i jepet një bande që të vazhdojë të plaçkisë Shqipërinë, taksat dhe buxhetin e shtetit. Të gjithë duhet të bëhen pjesë e ndryshimit. Ai që nuk voton nuk ka të drejtë të ankohet nesër, aq më keq ai që tregton votën e tij”, tha Meta.

Meta ka ironizuar edhe Erion Veliajn, për të cilin thotë se kujdeset vetëm për VIP-at, jo për qytetarët e thjeshtë.

“Kur i kanë punët kaq mirë, pse thërrasin VIP-a? se kanë braktisur qytetarët. VIP-at jetojnë në zona rezidenciale pa trafik. Por 1 milionë banorë e dinë që s’i duhet kryebashkiaku që kujdeset për VIP-at, por për ata, për prindërit e të moshuarit”, tha Meta.

Lajmi kryesor:

Berisha në Malësinë e Madhe: Rama u bën thirrje qytetarëve të mos dalin në votime, ka frikë nga vota juaj! Mbjell përçarje fetare

A.M./Shqiptarja.com

TAG:
• zgjedhjet vendore 2023
• Ilir Meta