Projektligji i PS, Meta i ashpër me Ramën: Ligjet që bën kundër meje dhe Berishës do ia fusim aty ku i shijon më shumë! 'Pasaportat e arta' i bën për pastrim parash

"Çdo ligj që do të bëjë kundër Metës dhe Berishës, ne do ia fusim aty ku i shijon më shumë." Ky ishte reagimi i kryetarit të Partisë së Lirisë Ilir Meta për Edi Ramën pas projektligjit të PS që shton një pikë të re në ligjin e dekriminalizimit, ku thuhet se u ndalohet kandidimi dhe ushtrimi i funksioneve të larta publike personave ndaj të cilëve provohet nga Autoriteti për Informimin mbi Dokumentet e ish-Sigurimit të Shtetit, se kanë qenë bashkëpunëtorë ose të favorizuar të ish-Sigurimit të Shtetit.

Ndryshimet në ligjin e dekriminalizimit të PS duket se kanë synim largimin nga politika të Ilir Metës, me dyshimet për këtë të fundit si “bashkëpunëtor i sigurimit të shtetit”, por edhe Sali Berishën e shpallur 'Non Grata' nga aleati më i madh i shqiptarëve, SHBA. Ndër të tjera, Meta shtoi se e argëton çdo nismë e re, megjithëse sipas tij, Edi Rama do e ketë të keq fundin e vet.

"Ai do të përgjigjet sipas ligjeve që ka bërë vetë, që ka firmosur vetë dhe sipas firmave që ka hedhur tak-tak. Kemi nisur një proces bazuar në fakte për inceneratorët dhe jo vetëm. Ky edhe më keq do e ketë fundin e vetë. Ne do të vijojmë angazhimin e fortë”, tha Meta.

LEXO EDHE:
Ylli Pata: Radiografia e linçimit publik, si një diagnozë politike

Ilir Meta, komentoi edhe projektin e qeverisë për t’i dhënë shtetësi shqiptare për shtetas të huaj dhe të pasur që duan të investojnë në Shqipëri. Sipas tij, Rama e bën këtë gjë për vetëm për të pastruar paratë.

“Kjo çështja e pasaportave të arta apo të florinjta është sipas koncepteve të tij të “Ballkanit të Hapur” ku ka rëndësi që ata që janë në krye të këtij procesi të kenë për veten e tyre sa më shumë mundësira për përfitime ekonomike, financiare, në kurriz të vlerave europiane, të sigurisë kombëtare. Nuk është hera e parë që BE ka ngritur një shqetësim që kjo është një tentativë e hershme që unë e kam kundërshtuar dhe kur isha President.

Rama duke qenë se është në proces largimi kërkon të përfitojë sa më shumë dhe kjo është një nismë për të bërë marrëveshje me persona që kanë para dhe dëshirojnë t’i pastrojnë. Ashtu siç është dhe nisma e Portit të Durrësit apo këto tenderat e fundit”, tha Meta.

Në konferencën me gazetarët, tha se situata ekonomike në vend është shqetësuese dhe shkaktar është borxhi publik. Edhe për këtë, Meta tha se përgjegjës i kësaj situate është Edi Rama pasi sipas tij ka angazhime të fshehura të qeverisë nga institucionet në vend që kanë të bëjnë me borxhe për të ndërtuar porte të reja, dhe aktivitete të tjera, që do rëndojnë më tepër situatën.

“Kemi paralajmëruar që papërgjegjshmëria e menaxhimit të borxhit publik po çon drejt kolapsit të plotë të situatës ekonomike dhe sociale. Borxhi publik që është ende i paqartë për shkak të mungesës së transparencës së qeverisë, tani rrezikohet nga faktorë të rinj, rritja e normës së interesave dhe rifinancimit. Banka Kombëtare është angazhuar në rritjen e normës së interesave dhe ka paralajmëruar që procesi mund të vijojë më tej.

Rritja e çmimeve galoponte, ka artikuj ku është dy fish e tre fish dhe kjo papërgjegjshmëri po çon në një kolaps edhe më të madh të ekonomisë kombëtare dhe familjare. Tashmë kemi hyrë në krizë të konsumit, ku importet shënojnë rënie vjetore, me ndikim serioz të naftës e drithërave, në 7 mujorin e parë të këtij viti, kemi importuar 20% më pak minerale dhe lëndë djegëse, një faktor tjetër shumë shqetësues është rënia e fortë në sasi që kanë pësuar plehruesit për bujqësinë, 62% më pak se një vit më parë. Ky kolaps ndodh se çmimi është 200-300% më i lartë se një vit më parë.

Ka angazhime të fshehur të qeverisë nga institucionet në vend që kanë të bëjnë me borxhe për të ndërtuar porte të reja, dhe aktivitete të tjera, që do rëndojnë më tepër situatën”, u shpreh Meta.

Ndër të tjera, nuk mungon mundësia e koalicionit opozitar mes Sali Berishës dhe Ilir Metës. Ishte Berisha që dha idenë e primareve, ndërsa Ilir Meta u shpreh se kjo do të jetë mënyra më e mirë për të zgjedhur kandidatët e duhur në rast koalicioni. 

TAG:
• Ilir Meta ish bashkëpunëtor i Sigurimit të Shtetit
• sali berisha
• Ilir Meta
• edi rama

Sondazhi i ditës:

Si ka qene per ju viti 2024?

• I mire

  43.5%

• I keq

  22.7%

• As i mire as i keq

  33.8%

Vota total: 1556

Votat totale janë unike

• Sondazhi i ditës:

  Si ka qene per ju viti 2024?

  I mire I keq As i mire as i keq