TIRANË- Vendimi i Gjykatës Kushtetuese për të mos shkarkuar Ilir Metën ishte i pritshëm për Arben Ristanin. I ftuar në Report Tv në emisionin ‘Pa Protokoll’, anëtari i Komisionit të Rithemelimit thotë se nëse gjykata do ta shkarkonte metën institucioni i Presidencës do shkonte në kolaps. Por, Ristani thotë se Meta duhet të ishte treguar më i distancuar gjatë fushatës elektorale 25 prillit.
“E prisja, isha i bindur që do dilte në këtë konkluzion, kam pasur mundësinë ta them edhe publikisht. Juridikisht më tepër, por edhe politik patjetër. Them juridik sepse çështja për mua ishte çështje pa çështje, vetëm kështu mund të përfundonte, përndryshe do ishte një precedent i rrezikshëm për të ardhmen sepse jemi në republikë parlamentare. Nëse do ndodhte dhe kjo, institucioni i presidentit do ishte në kolaps.
Presidenti në një situatë tjetër do duhet të bënte shumë kujdes, prandaj ku e merr detyrën jep dorëheqjen nga partia politike. Çështja është që vetë Meta e justifikua veprimin me situatën e veçantë që unë personalisht do kisha preferuar të bënte më tepër kujdes në këtë pjesë, të mos dilte në atë performancë por e ka justifikuar me momentin e rëndë”, tha Ristani në Report Tv.
Por nuk ndan të njëjtin mendim gazetari Arbër Hitaj, i cili thotë se Gjykata Kushtetuese duhet ta kishte shkarkuar Ilir Metën, pasi gjatë 25 prillit ai mbajti anë duke bërë fushatë për opozitën dhe nuk qëndroi mbi palët siç duhej të bëjë një president. Sipas tij, Meta gjithçka e ka bërë për interesin e Lëvizjes Socialiste për Integrim.
“Për interesin e LSI, të gjithë e dinim që do shkonte kaq poshtë, të gjitha lëvizjet e vartura të Monika Kryemadhit, probleme të mungesës të programit, ishte një nivel mediokër politike, retorikë e vogël politike. Gjithçka ka qenë për interes personal. Atë që ka bërë Ilir Meta se ka bërë asnjë president, Moisu jo, Nishani Jo, Bamir Topi jo dhe asnjëherë nuk e kanë kaluar vijën e kuqe qoftë edhe në etikë. Por përveç asaj ka qenë interes personal sepse i ra partia dhe këtë e tregoi koha”, u shpreh Hitaj.
Më 16 shkurt Gjykata Kushtuese vendosi të mos pranojë kërkesën e Kuvendit për shkarkimin e Ilir Metës, duke thënë se Presidenti nuk ka kryer “shkelje të rënda të Kushtetutës” dhe për këtë arsye nuk vendos për shkarkimin e tij. Kështu vendosën 6 anëtarë të ‘Kushtetueses’ të cilët votuan kundër shkarkimit dhe vetëm një anëtar votoi pro, vetëm Altin Binaj.
Lajme të tjera
-
Bilanci i 5 vite SPAK: 61 zyrtarë të lartë nën akuzë, Berisha e Meta, 'Vipat'! U sekuestruan 182 mln euro të krimit e korrupsionit
19 Dhjetor, 16:59 -
Namir Lapardhaja: Unë jam Zoti juaj më i lartë!
19 Dhjetor, 09:16
-
Berisha: Drejtësia nën ndikim politik, kush flet kundër Ramës shkon në burg si Salianji e Meta! Paraburgimet janë plotë
18 Dhjetor, 12:30 -
Sulmet e Berishës ndaj Dumanit, Idajet Beqiri: Është në pozitë të vështirë! Saliu mund të prish provat pas lirimit nga 'arresti shtëpiak'
17 Dhjetor, 19:26 -
Nënës së Kryemadhit i kthehet vila te ‘Kodra e Diellit’, Apeli i GJKKO lë në fuqi sekuestron e banesës vetëm për deputeten e PL
17 Dhjetor, 11:29 -
Meta: Gjykata Kushtetuese në krizë, narkoshteti po shkatërron sovranitetin e popullit
16 Dhjetor, 20:57 -
Iu sekuestruan vilat, Kryemadhi me bastun në Apelin e GJKKO: Më thanë dil nga shtëpia, do jetoj në çadër
16 Dhjetor, 12:45 -
Blushi nga Fieri: Rama 'babai' i korrupsionit, Balluku duhet të ishte në burg! Meta u arrestua sepse i denoncoi, SPAK në kontroll të kryeministrit
15 Dhjetor, 19:31 -
PL: Arrestimi i Metës do të çohet në Strasburg! U izolua padrejtësisht për të mos thënë të vërtetat
14 Dhjetor, 15:30 -
‘Studio Live’/ Eksperti Krisafi për Kosovën: Thirrja e Kurtit në Prokurori s’ndryshon asgjë, Thaçi e të tjerët do dalin të pafajshëm, qëllim heqja e tyre nga skena!
13 Dhjetor, 19:11 -
VIDEO - Monika Kryemadhi në GjKKO, shpërthen ndaj gazetarëve: Na e morët shpirtin! S’na latë rehat me marr frymë
13 Dhjetor, 13:36 -
‘Studio Live’ për operacionin në Dobraç/ Softa: Grupet të lidhura me politikën, Shkodra kryeqendra e krimit! Lekli: Njerëzit kanë frikë, u është prishur qetësia
12 Dhjetor, 19:12
