ITALI - Lojërat Olimpike Dimërore 'Milano Cortina 2026' janë në ditën e shtatë të garimit, teksa të enjten u shpërndanë medaljet e radhës. Italia ia ka dalë që të fitojë medaljen e gjashtë të artë dhe kjo falë Francesca Lollobrigidës, patinatores së shpejtësisë që u shpall kampione edhe në 5 mijë metra.

Në Lugen ekipore ishte Gjermania që siguroi medaljen e katërt të artë falë dyshes Dajana Eitberger dhe Magdalena Matschina.

Francesca Lollobrigida - Italia vazhdon të pasurojë bilancin e saj në Lojërat Olimpike Dimërore, duke siguruar medaljen e radhës falë Francesca Lollobrigidës. Pas suksesit në garën e 3000 metrave në patinazhin e shpejtësisë, sportistja italiane triumfoi edhe në distancën e 5000 metrave.

Në garën e gjashtë dhe të fundit, Lollobrigida regjistroi kohën 6:46.17, duke lënë pas të gjitha rivalet. Fitorja e saj shënoi medaljen e parë olimpike të Italisë në garën 5000 metra për femra. Gjithashtu i dha Italisë medaljen e parë të artë olimpike në distancë për meshkuj dhe femra.

Medalja e argjendtë shkoi për holandezen Conijn, ndërsa norvegjezja Wiklund u rendit e treta dhe fitoi medaljen e bronztë.

Dajana Eitberger dhe Magdalena Matschina në Luge ekipore

Gjermania dominon me ekipe të përziera në Luge - Gjermania konfirmoi superioritetin e saj në stafetën me ekipe të përziera në Luge, duke dominuar garën dhe duke fituar medaljen e artë. Ekipi gjerman, i udhëhequr nga dyshja e femrave Dajana Eitberger dhe Magdalena Matschina, vendosi një rekord të ri me kohën 3:41.672.

Gjermanet lanë pas Austrinë, e cila u rendit e dyta me kohën 3:42.214, ndërsa Italia kompletoi podiumin duke fituar medaljen e bronztë me rezultatin 3:42.521.

Kjo garë shënoi edhe medaljen e fundit të disiplinës së Luges në Lojërat Olimpike Dimërore 'Milano Cortina 2026'.

Medaljet pas ditës së gjashtë të Lojërave Olimpike Dimërore 'Milano Cortina 2026'

Rendit zhvillimet sipas orarit:
Ora 13:25
Rebecca Passler e Italisë kthehet të garojë, bie poshtë pezullimi për doping në Olimpiadën Dimërore

1770985601_rebeccapassler.JPG

Rebecca Passler, e pezulluar për doping, mund të marrë pjesë tashmë në Olimpiadën Dimërore 'Milano-Cortina 2026'. Vendimi është marrë nga Trupa Kombëtare e Apelit, që ka pranuar rekursin e sportistes italiane për pezullimin provizor.

Ajo kishte rezultuar pozitive ndaj një substance të ndaluar pas një kontrolli të bërë më 26 janar. Sportistja 24-vjeçare mund të marrë pjesë në garën e stafetës javën e ardhshme.

Pasi CAS-i deklaroi se nuk kishte juridiksionin për rekursin, sot Nadab njohu vlefshmërinë e marrjes së pavullnetshme, ose kontaminimin e pavetëdijshëm të substancës. Rebecca Passler do t’u bashkohet shoqeve të skuadrës nga e hëna e 16 shkurtit.

“Kanë qenë ditë të vështira. Kam besuar gjithmonë në pastërtinë time dhe falënderoj të gjithë ata që më kanë mbështetur; avokatët, federatën, familjarët dhe miqtë. Tani mund të përqendrohem 100% te biathloni", tha Passler.

S.Dh/Shqiptarja.com

Ora 12:40
VIDEO/ Medaljet e arta i festoi me të birin, Francesca Lollobrigida reagon për ofendimet: S'mund t'ia bëni këtë një 2-vjeçari

1770982918_francescalollobrigida.jpg

Francesca Lollobrigida i siguroi dy medalje të arta Italisë në Olimpiadën Dimërore 'Milano Cortina 2026', me 36-vjeçaren që fitoi në patinazhin e shpejtësisë në 3 mijë dhe 5 mijë metra distancë.

Fitorja e saj shënoi medaljen e parë olimpike të Italisë në garën 5000 metra për femra, por sërish për të në rrjet nuk munguan ofendimet. Pas fitores së disa ditëve më parë në 3 mijë metra, Francesca festoi me të birin 2-vjeçar, që siç zbulon ajo kishte një javë pa e parë.

Vogëlushi tregoi gjithë dashurinë e tij, ndërsa shumë e quajtën si të 'papërballueshëm' për energjinë që përcillte. Megjithatë të shumta ishin edhe kritikat, që sipas sportistes ishin të pamenduara për një 2-vjeçar.

"Më lënduan të gjitha komentet e pakëndshme. Isha shumë spontane, doja ta përqafoja sepse nuk e kisha parë prej një jave. Pastaj ai donte mamin e tij. U zhgënjeva nga komentet, veçanërisht nga gratë, sepse duhet të inkurajonim njëra-tjetrën. Disa e quajtën djalin tim të pasjellshëm. Më thuaj çfarë të duash, por jo për një 2-vjeçar", kështu komentoi Francesca Lollobrigida pas kritikave që mori në rrjetet sociale për festimet dhe intervistat me të birin pasi ajo fitoi medaljen e artë në 3000 metrat e patinazhit të shpejtësisë në Lojërat Olimpike Dimërore.

S.Dh/Shqiptarja.com