/ATSH/- Kryetari i Partisë Demokracia Sociale, Paskal Milo, gjatë turit të tij elektoral për zgjedhjet vendore të 21qershorit 2015, zhvilloi një takim në Gramsh, me anëtarët dhe simpatizantët e Partisë Demokracia Sociale.
Ai u foli atyre për programin e PDS dhe alternativën që ajo përfaqëson në politikën shqiptare.
Milo tha se zgjidhja për Shqipërinë është pikërisht kjo, t'i vëmë shpatullat punës, ata që zgjidhen, të mos shohin interest e tyre, apo të klaneve të tyre, por të shikojnë interesat e qytetarëve".
"Sot më tepër se kurrë ka ardhur koha që vëmëndja të drejtohet tek qytetarët, që punësimi të mos bëhet më sllogan, por të jetë një hap konkret që do të marrin qoftë këshillat vendore të qeverisjes, qoftë edhe pushteti qëndror, përmes masave dhe investimeve të ndryshme", deklaroi kreu i PDS.