Ministri Beqiri dhe zv/ kryeministrja
teknike vizitojnë të lënduarit e PD

Ministri Beqiri dhe zv/ kryeministrja<br />teknike vizitojnë të lënduarit e PD
Ministri i Shëndetësisë, Arben Beqiri vizitoi sot në shërbimin e okulistikës në Qendrën Spitalore Universitare “Nënë Tereza” mbështetësit e PD që u lënduan dy ditë më parë gjatë mitingut hapës të opozitës për zgjedhjet e 25 qershorit.
 
Sipas njoftimit të ministrisë, pacientët e shtruar në shërbimin e okulistikës do të dalin sot nga spitali, pasi gjendja e tyre është përmirësuar.
 
Sa u takon pyetjeve mbi shkaqet që sollën lëndimin e mbështetësve të PD, ministri u shpreh se do t’ju përgjigjen organet kompetente të shtetit.
 
Ministri i Shëndetësisë, Arben Beqiri në vizitën e tij ai shoqërohej nga zv/kryeministrja Ledina Mandia.

Pas mitingut të PD morën ndihmë mjekësore sipas Ministrisë së Shëndetësisë 140 qytetarë, ndërsa 7 prej tyre u shtruan në shërbimin e okulistikës.

Njoftimi i Ministrisë së Shëndetësisë
Ministri i Shëndetësisë, Arben Beqiri vizitoi sot në shërbimin e okulistikës në Qendrën Spitalore Universitare “Nënë Tereza”, të sëmurët e shtruar pas intoksikimit (helmimit) të 2 ditëve më parë, në aktivitetin e Partisë Demokratike.
 
 Në vizitën e tij ai shoqërohej nga zv/kryeministrja Ledina Mandia.
 
Ministri pati kënaqësinë të konstatojë një përmirësim të ndjeshëm të këtyre pacientëve, të cilët pregatiten të lënë spitalin ditën e sotme.
 
Ndërkohë, sipas informacioneve të referuara nga spitalet rajonale rezulton se gjatë natës dhe paraditen e sotme nuk është paraqitur asnjë rast me shenja të intoksikimit (helmimit) që lidhet me incidentin e para dy ditëve.  
 
Sa u takon pyetjeve mbi origjinën e këtij helmimi dhe autorëve të mundshëm, do t’ju përgjigjen organet kompetente të shtetit shqiptar.

 

dy.b/shqiptarja.com

  • Sondazhi i ditës:

    Si do jenë ndryshimet në Kodin Zgjedhor që do bëjnë PS-Rithemelimi?



×

Lajmi i fundit

Nënkryetari i Bashkisë Himarë, Previn Gjikuria tregon pse u tërhoq në momentet e fundit nga votimi për drejtimin e Himarës

Nënkryetari i Bashkisë Himarë, Previn Gjikuria tregon pse u tërhoq në momentet e fundit nga votimi për drejtimin e Himarës