Ministri Koka në Marinzë: Bankers të plotësojë kushtet ose prishje kontrate

FIER, 8 Prill / ATSH / - Ministri i Mjedisit,  Lefter Koka, inspektoi sot zonat e prekura nga shpërthimi i gazit në Marinzë.
Ministri pati takim edhe me banorët e zonës të cilit i shprehën shqetësimet e tyre.
Ministri premtoi për përmirësimin e situatës mjedisore dhe theksoi se "do të rishikohen kushtet e kontratës me kompaninë Bankers" dhe shtoi se "nëse nuk plotësohen këto kushte, Bankers-it do i ndërpritet aktiviteti".
Ministri i Mjedisit deklaroi gjithashtu se banorët e Marinzës do të dëmshpërblehen për dëmet e shkaktuara nga shpërthimi i gazit.
"Do të këmbëngulim që zhdëmtimi të bëhet 100% nga Bankers.  Të plotësojë kushtet ndryshe do propozojmë prishje kontrate" tha Koka. /n.l/ /a.g/