Ministrja Kushi shërohet nga COVID dhe del shëtitje: Kini kujdes dhe respektoni masat  

Ministrja Evis Kushi

Ministrja e Arsimit, Evis Kushi është shëruar nga COVID. Ndërsa ka shpërndarë një foto ku shihte duke bërë shëtitje në Parkun "Rinia" Elbasan, Kushi shkruan se është rikuperuar plotësisht nga beteja me COVID-19 dhe se do të rikthehet së zyrë nga e hëna, për të vijuar punën intensivisht.

“Një shëtitje në Parkun "Rinia" Elbasan, pas rikuperimit të plotë nga beteja me COVID-19 dhe përpara rikthimit në një javë intensive pune dhe angazhimesh aktive, e lehtësuar dhe me dëshirën e madhe për të shërbyer me përgjegjësi dhe përkushtim”, thotë Kushi.

Ndërkaq ajo ka apeluar të gjithë ata që s'e besojnë virusin që respektojnë masat, duke evidentuar rrezikshmërinë që ka COVID.

“Ndjesë që isha larg zyrës më gjatë nga sa e kisha menduar, por për të gjithë ata që ende nuk e besojnë sa i rrezikshëm është ky virus, jua them nga përvoja ime personale dhe e familjes sime. Kujdes dhe sa më shumë vigjilencë në respektimin e të gjitha masave parandaluese, për shëndetin tuaj dhe të familjarëve të dashur! Ju falenderoj të gjithëve nga zemra për mbështetjen dhe mesazhet tuaja inkurajuese gjatë këtyre ditëve”, shtoi ministrja.

Be.K./Shqiptarja.com
  • Sondazhi i ditës:

    A do të shkoni të votoni në zgjedhjet parlamentare të 25 prillit?

Komento

Komente

  • Qytetari: 28/02/2021 18:35

    Kjo me duket se ka ngaterruar parkun me pasarelat. Duket sikur ka dale per modele.Spaska qen semun.

    Përgjigju


×

Lajmi i fundit

John

Karçanaj: Aplikimi për pension, 816,640 dokumente të kursyera për qytetarët