Andrea Marko, ish futbollist dhe Gjergji Ndoci drejtor i akademisë së futbollit Dyrrah City ishin të ftuar në "Minuta Zero' hapësira në Report tv kushtuar Euro 2024 sot me mbrëmjen e tretë, ku diskutuan për ndeshjen e Shqipëri - Itali dhe rezultatin 2-1.
Marko, i cili ndoqi ndeshjen live në stadiumin e Dortmundit në Gjermani, u shpreh për Andi Kapxhiun dhe Ogerta Spahiun se duhet të dalim me kokën lart nga kjo ndeshje, ndërsa vlerësoi Bajramin për golin vetëm pas 23 sekondave të lojës dhe performancën e tij.
'Unë nuk mund të vlerësoj dot në pjesën e notave duhet me qenë më tolerant. Është një moment që nuk kam nevojë për vlerësim por për kurajo. Pas një humbje gjen një moment je i zbrazët dhe ruajtja e ekuilibrave është domethënës. Bajrami më pëlqeu. Broja lëvizi ishte markim i rreptë. Vlerësimi nga njëherë mund të jetë preferencial, pavarësisht ulja e kokës nuk jam për një vlerësim minimal.'
Ndoci komentoi më tej uljen e kokës së mbrotjësit Elseid Hysaj që i kushtoi Shqipërisë golin e dytë dhe disfatën ndaj azzurëve.
'Është zhgënjyes të shohësh një sjellje nga një mbrojtës. Është një gjest që na la pak shije të hidhur.'
Për Markon ulja e kokës nga Hysaj ka qenë më tepër një refleks, pasi goditja e mesfushorit italian Barrela ishte e papritur.
'Momenti i parë që mbrojtësi ka detyrë të mbroj portën dhe të mos lejë kundërshtarin. Pastaj ka qenë afër, ka qenë refleks instiktiv ka menduar për vetë mbrojtje.'
Më tej, Marko vlerësoi edhe gabimin në vendosje të mbrojtjes tonë në pësimin e golit të parë, kur shënoi Bastoni.
'Këtu ka një gabim në vendosje për mendimin tim. Kur është goditur faulli, duhet të ishin dy lojtarët tonë. Ata ishin superiorë në aspektin numerik.'
Ndoci shtoi se rrjeshtimi i kombëtares sonë gjatë ndeshjes me të kaltrit për shumë minuta ishte mjaft mbrojtës.
'Nëse do luajmë në të njëjtën formë do jetë e vështirë të kualifikohemi. Sylvinho e preku faktin që nuk i bëmë presion Jorginhos. Kishte momente kur ishte 7-2-1 rreshtimi në fushë.'
Ndërsa Marko shprehet optimist për ndeshjen e rradhës me Kroacinë.
'Duhet të fitojmë 2-0 me Kroacinë që të zëmë vendin e tretë.'
Duke komentuar performancën e tifozëve kuqezi Marko shprehu vlerësimin maksimal
'Besoj që është një moment acarues. Por dje ishte një shembull i kulture dhe respekti. Ekstremistët nuk mungojnë,. Tifozët e humbin logjikën e futbollit dhe kalojnë tek logjika e dhunës. Po të shikosh masat e policisë janë të jashtëzakonshme.'
Gjithashtu dhe për Ndocin tifozët kuqezi ishin një shembull i shkëlqyer.
'Nëse i kthehemi në kohë tifozeria angleze dhe ruse patën një përplasje në 2016. Vlerësoj me notën 10 tifozerinë shqiptare dhe dhanë një shembull të shkëlqyer.'
Marko shtoi se tifozët shqiptarë shpalosën një kulturë të jashtëzakonshme.
'Mendoj se është tifozeria më e shkëlqyer. Nuk kishte asnjë lloj ofeze asnjë sharje. Standard i lartë. Gjithë me fanellat e kombëtares, shallin. Kulturë e jashtëzakonshme. Nuk pashë një zënkë dhe ngritje zëri.'
Dy tifozë shqiptar kishin ardhur nga SHBA në Dortmund për të ndjekur kombëtaren shqiptare në sfidën ndaj Italisë, ku kuqezinjtë u mundën 2-1 në sfidën hapëse të Euro 2024.
Për gazetarin e Report Tv, Ernest Koçi ata shprehen se e kanë bërë këtë sakrificë për kombëtaren, ndërsa shpresojnë për një fitore ndaj Kroacisë në ndeshjen e dytë në Hamburg ditën e mërkurë.
'Jam mirditor nga Amerika. Kam ardhur me një mikun tim dhe ka dy ditë që jemi këtu po presim. Ndeshja ishte madhështore dje. Gjithë Shqipëria ishte këtu. Presioni i madh në futboll, pritshmëria ishte e madhe për të gjithë tifozët. I surprizuam italianët. Dhe u bllokuam komplet. Në vend të bllokoheshin italianët, u bllokuam ne. Ndeshja ishte e bukur. Pjesa e dytë e morëm veten. Mendoj se Sylvinho do bëj ndryshmet e duhura në ndeshjen e dytë, mund të surprizojmë.', shprehet njëri prej tyre.
'Kur loz kombëtarja me thënë të drejtën, mundohemi të vijmë. Pavarësisht vështirëve punën familjes, kombëtarja mbi të gjitha. Ishte një gëzim i madh, dita e tretë këtu. Kuqezi Dortmundi kudo, prisnim fitore, por 2-1 mirë ishte, Italia është kampione bote. Po shijojmë hotelin, do rrimë 3 ditë dhe do nisemi në Hamburg të shikojmë ndeshjen me Kroacinë, ne shpresojmë tek fitorja. Por 2-1 dje mirë ishte, mirë nga e keqja.', thotë tifozi tjetër.
'Ndeshja me Kroacinë do jetë madhështore. Mendoj se 2-1 do dalim me Kroacinë, do i rrahim.' parashikon tifozi i parë.
Komente
Lajme të tjera
-
VIDEO/ Nedim Bajrami i shënon Celtic në derbi, i jep avantazhin Rangersit në finale
15 Dhjetor, 17:29 -
VIDEO/ Nedim Bajrami fantastik në Skoci, shënon dhe dërgon Rangers në finalen e Kupës me Celtic
3 Nëntor, 17:55 -
VIDEO/ Nedim Bajrami shënon gol fantastik, gjen rrjetën e dytë me Rangers
31 Tetor, 09:51 -
Sot Çeki-Shqipëri në Ligën e Kombeve, Sylvinho cakton 11 titullarët! Bajrami: E rëndësishme të mos humbim
11 Tetor, 12:22 -
Raporti teknik i UEFA-s për Euro 2024, nga goli rekord i Bajramit te statistikat për çdo ndeshje
27 Shtator, 10:29 -
Europa League/ Nedim Bajrami shënon pas 55 sekondash, Rangers tri pikë! Ajax mposht Besiktas, Muçi në stol! Ndalet Roma, fiton Tottenham
27 Shtator, 08:31 -
UEFA pranoi gafën me 'dorën' e Cucurellas, ironizon Toni Kroos: Tani jam unë kampion Evrope?
24 Shtator, 14:27 -
‘Maratonomaku’ Ylber Ramadani! Mesfushori kuqezi ndër lojtarët që ka vrapuar më shumë gjatë Euro 2024
20 Shtator, 10:39 -
'Valsi' i sulmuesve kuqezi, Broja huazohet tek Everton! Bajrami firmos me gjigandët skocezë ‘Rangers’! Seferi tek Bodrumspor, Stiven Shpendi tek Carrarese
31 Gusht, 09:18
-
E kryer/ Nedim Bajrami pranë klubit legjendar në Skoci
30 Gusht, 21:43 -
E dashura e Yamal kapet ‘mat’ në prehrin e një djali tjetër, sulmuesi i Spanjës i jep fund lidhjes me yllin e TikTok
28 Korrik, 20:50 -
Euro 2024/ UEFA dënon kombëtaren shqiptare pas një muaji, FSHF gjobë të majme! Tifozët 'kushtojnë' 201 mijë e 375 euro
24 Korrik, 19:33
Mbaj frymen se duke u kualifikuar jemi! Do te jemi me fat edhe nese e mbyllim me nje barazim.Kroacia nuk eshte kocke per ne.
PërgjigjuKesaj i thonë te fluturosh me pras....
Përgjigju