POP 5

Lajmet më të lexuara të 5 minutave të fundit

Politikë

Miratohet draft-marrëveshja për ndërtimin e sheshit fundor të Bulevardit të Ri në Tiranë

Këshilli Bashkiak i Tiranës i jep dritën jeshile miratimit të marrëveshjes së grantit me Fondin e Katarit për Zhvillim (FKPZH), për financimin dhe ndërtimin e sheshit fundor të Bulevardit të Ri të Tiranës.

Miratohet draft-marrëveshja për ndërtimin e sheshit fundor të Bulevardit të Ri në Tiranë

Këshilli Bashkiak i Tiranës i jep dritën jeshile miratimit të marrëveshjes së grantit me Fondin e Katarit për Zhvillim (FKPZH), për financimin dhe ndërtimin e sheshit fundor të Bulevardit të Ri të Tiranës. Për realizimin e këtij projekti, Bashkia e Tiranës do të përfitojë një grant prej 11 milionë USD, i bërë i mundur përmes Ambasadës së Katarit në Tiranë.

Bulevardi i Ri i Tiranës, që shtrihet nga ish-Stacioni i Trenit deri në Lumin e Tiranës, është transformuar në një nga zonat më të rëndësishme të kryeqytetit. Për të plotësuar nevojat infrastrukturore dhe rekreacionale të kësaj zone, Bashkia e Tiranës ka ndërmarrë iniciativën për ndërtimin e sheshit fundor të Bulevardit të Ri, i cili pritet të shërbejë si një vend pushimi për qytetarët dhe turistët.

Sheshi i ri do të ofrojë një mjedis natyror të qetë, duke kombinuar elementë të ujit, gjelbërimit dhe aktiviteteve rekreative e relaksuese. Ky projekt synon të përmirësojë imazhin kulturor të Tiranës, si në nivel kombëtar ashtu edhe ndërkombëtar, duke rritur vlerën e zonës përreth.

Ky projekt, me një rëndësi të madhe për zhvillimin urban dhe rekreativ të Tiranës.

Rendit zhvillimet sipas orarit:
Ora 23:02
Këshilli Bashkiak miraton projektin e ri “Ecole 24”: Kurse falas në teknologji për të rinjtë

Pas suksesit me Piramidën dhe Qendrën TUMO, Fondacioni Shqiptaro-Amerikan për Zhvillim ka propozuar për bashkëpunim pranë Bashkisë së Tiranës projektin “Ecole 42”, që lidhet me zhvillimin e një programi edukimi, jo tradicional, në fushën e teknologjisë dhe arsimit. Në mbledhjen e sotme të Këshillit Bashkiak, u miratua vënia në jetë e programit, që do të bëhet e mundur nëpërmjet bashkëpunimit tre palësh midis AADF-së, Qendrës Piramida dhe Bashkisë së Tiranës.

Programi “Ecole 24” do të mund të aksesohet falas nga të rinjtë mbi moshën 18-vjeç dhe mësimi do të zhvillohet në ambientet e Piramidës, e cila është qendra më e madhe e teknologjisë në vend.

Bëhet fjalë për një program edukimi revolucionar në fushën e teknologjisë së informacionit, tërësisht falas dhe i aksesueshëm për të rinjtë mbi 18 vjeç, pa njohuri të mëparshme në këtë fushë, i cili është i pranishëm në 29 shtete të tjera. Studentët përzgjidhen përmes një sfide meritokratike kodimi, bashkëpunojnë në projekte, duke nxitur shkathtësi dhe zgjidhjen e problemeve. Programi i edukimit ka prezencë ndërkombëtare, me kampuse ne vende të ndryshme, ku promovon një komunitet të pavarur të nxënësve në fushën e ICT.

Ecole 42 është renditur në vendin e 6 nga 300 universitetet më të mira për vitin 2024. Ecole 42 është një program edukimi pa tarifë, i themeluar fillimisht në Paris, në vitin 2013. Ai mbështetet në një model mësimi bazuar në projekte dhe mësimin reciprok mes nxënësve, pa mësues tradicional, klasa apo orare.

SI.E./Shqiptarja.com

SI.E./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    'Rasti Qefalia', a fshihen gjobat pas akuzave të Këlliçit, Nokës, opozitës?

Lajme të tjera



×

Lajmi i fundit

Këshilli Bashkiak miraton projektin e ri “Ecole 24”: Kurse falas në teknologji për të rinjtë

Këshilli Bashkiak miraton projektin e ri “Ecole 24”: Kurse falas në teknologji për të rinjtë

22 Korrik, 23:02