Miratohet në Greqi ligji për
martesën mes homoseksualëve

Me 193 vota pro nga 300, ligjvënësit grekë kanë votuar një ligj që miraton martesat mes cifteve homoseksuale. Ky votim vjen dy vjet pas dënimit të Greqisë nga ana e Gjykatës Europiane për të drejtat e njeriut, për diskriminim. Kryeministri grek Aleksis Tsipras deklaroi se kjo ishte një ditë e rëndësishme për të drejtat e njeriut, e cila i jep fund një periudhe turpi dhe vonese. 

Ligji i ri zgjidh të gjitha problemet e natyrës ligjore, si trashëgiminë, asistencën mjekësore dhe pensionin, por nuk përfshin adoptimin e fëmijëve. 

Në vend u kryen dy martesa në vitin 2008, kur kushtetura greke u adpatua me atë të Bashkimit europian, por nën presionin e kishës ortodokse u anuluan nga Gjykata. 

Mbështetësit e ligjit të ri mbajtën një protestë jashtë parlamentit ndërsa debatet zhvilloheshin në Parlament. Nga ana tjetër ky ligj ka hasur në kundërishtim të fortë nga Kisha Ortodokse, ndërsa një peshkop i ra kambanave pas miratimit në shenjë zie.