POP 5

Lajmet më të lexuara të 5 minutave të fundit

Ekonomi

Miratohet regjistri i llogarive bankare në Komisionin e Ekonomisë, zv. ministrja e fincancave: Synojmë ta shmangim pastrimin e parave

Është miratuar në Komisionin e Ekonomisë projektligji për krijimin e regjistrit qendror të llogarive bankare që ka për qëllim parandalimin e pastrimit të parave.

Komisioni i Ekonomisë ka shqyrtuar dhe ka miratuar projektligjin “Për Regjistrin Qendror Të Llogarive Bankare”, që ka për synim krijimin e një regjistri qendror ku do të grumbullohen të gjitha llogaritë bankare dhe kasetat e sigurisë.

Ky projektligj ka për synim parandalimin e pastrimit të parave, pasi të gjitha llogaritë do të kontrollohen nga institucionet tatimore në mënyrë që të gjurmohen pasuritë e dyshimta.

“Qëllimi është krijimi i kushteve për të parandaluar përdorimin e institucionit financiar për pastrimin e parave. Ky informacion do të ruhet për 10 vite nga mbyllja e llogarisë bankare dhe e kasetës, dhe më tej pas këtij afati ky informacion do të fshihet nga regjistri”, u shpreh Vjerro.

Regjistri qendror do të ngrihet nga AKSHI ndërsa zëvendësministrja Vasilika Vjerro është shprehur se s’do ketë kosto shtesë.

“Ne e kemi tashmë të ngritur sistemin e shkëmbimit të informacionit, që do të shërbej si bazë për ngritjen e sistemit të regjistrit të llogarive bankare”, tha zëvendësministrja.

Pjesë e këtij regjistri do të jenë edhe llogaritë bankare të mbyllura në 5 vitet e fundit.

“Është pjesë e hetimeve që kryhen dhe është e nevojshme që ky informacion të jetë pjesë e këtij sistemi pasi mund të ketë shumë individ, mund të ketë pak mund të mos ketë edhe fare por direktiva e kërkon që të jetë i disponueshëm për subjektet që do të hetojnë për subjekte, individë apo tatimpagues të caktuar”, deklaroi Vjerro.

Në këtë regjistër nuk do të deklarohet gjendja e llogarisë bankare apo edhe përmbajtja e kasetës së sigurisë. Peshë të madhe në mbarëvajtjen e këtij procesi kanë institucionet financiare, të cilat do të ndëshkohen me gjoba nëse bëjnë raportim të rremë të dhënave të llogarive bankare.

E.M./r.k./Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

Komente

  • Shqip: 14/12/2020 23:31

    Bankat jane vete kompani offshore , te pakten disa . Pse nuk i kontrolloni keto per pastrim parash por merreni me xhepat e njerzve

    Përgjigju
  • Leon: 14/12/2020 19:30

    Polici tatimore,,,do na vejne gjoba oficeret e policise gjyqsore

    Përgjigju
  • Bes: 14/12/2020 18:37

    Ama me gjobe e paskan penalitetin? Edhe penaliteti do llogaritet si kosto nga bankat qe meren me lavazh lekesh. Hall i madh fort do paget % me e lart per lavazhin po avazi vazhdon. Ulu 4.

    Përgjigju
  • Sondazhi i ditës:
    20 Nëntor, 13:18

    Vrasja e 14 vjeçarit, çfarë duhet të bëjë Shqipëria me TikTok e Snap Chat?

Lajme të tjera



×

Lajmi i fundit

Kreshnik Spahiu: Pse Strasburgu po e zhgënjen shumë keq Partinë Demokratike?

Kreshnik Spahiu: Pse Strasburgu po e zhgënjen shumë keq Partinë Demokratike?

23 Nëntor, 23:55 nga Kreshnik Spahiu