Banorët e qytetit të Mirditës kanë protestuar mesditen e sotme përballë Bashkisë së qytetit.
 
Shkak për këtë është bërë shkatërrimi i rrugës nga një firmë turke e cila po ndërton hidrocentrale në zonën e lumit Fan.

Banorët shprehen se firma ka premtuar që do të ndërtontë një rrugë të re, por rryga që ata ndërtuan është e pakalueshme e për këtë arsye ata kanë dalë në protestë. Prej dy orësh, banorët e Mirditës kanë dalë përballë Bashkisë dhe kanë kërkuar një takim me kryebashkiakun, por ky i fundit nuk është takuar me to.

Ato shprehen se shkatërrimi i rrugës ka ndikuar tek rreth 10 fshatrat të Mirditës të cilat lidhen me qytetin e Rreshenit. Sipas tyre fëmijët kanë ndërprerë shkollën pasi mjeti i tyre e ka të pamundur të kalojë për shkak të pjerrësisë që ka rruga.

Banorët bëjnë thirrje që problemi i tyre të zgjidhet ose përndryshe ata do të bojkotojnë zgjedhjet. 


Redaksia Online
(B.K/Shqiptarja.com)