Mish pule me qepujka nga zonja Albana

Mish me qepujka

Përbërësit:

  • 4 racione mish pule ose viçi
  • 1 qepë e grirë hollë
  • 1 spec të kuq
  • 1 spec jeshil
  • 3 lgj vaj ulliri
  • 1 lgj koncentrat domateje
  • 1.5 kg qepujka të vogla
  • 1 lç piper i kuq
  • ½ lç piper i zi
  • 4 lgj uthull balsamike
  • 4 gota ujë
  • 2 gjethe dafine
  • Kripë, pak kanellë

Përgatitja:

Qërojmë qepujkat dhe i vendosim në një tas të mbushur me ujë të ftohtë. Në një tenxhere të thellë hedhim vajin e ullirit dhe qepën e grirë imët dhe e kaurdisim derisa qepa të bëhet e butë dhe transparente. Shtojmë salcën e domates, mishin dhe e skuqim mirë nga të gjitha anët. Kullojmë qepujkat dhe i shtojmë në tenxhere së bashku me dafinën, uthullën, piperin e kuq dhe të zi duke e trazuar mirë me lugë druri. Hedhim ujin dhe rregullojmë shijen me kripë sipas dëshirës. E transferojmë gjellën në një enë qeramike, shtojmë specat e prerë, e mbulojmë me kapak dhe e vendosim në furrë të parangrohur për gati 2 orë. Çdo 30 minuta kontrollojmë nëse do ketë nevojë për ujë shtesë.

MC/Shqiptarja.com
Komento

KUJDES! Nuk do të publikohen komente që përmbajnë fjalë të pista, ofendime personale apo etiketime mbi baza fetare, krahinore, seksuale apo që shpërndajnë urrejtje. Në rast shkelje të rëndë të etikës, moderatorët e portalit mund të vendosin të bllokojnë autorin e komentit, të cilit do t'i ndalohet nga ai moment të komentojë te Shqiptarja.com

  • Sondazhi i ditës:

    Zgjedhjet parlamentare 2025, sipas jush si duhet të votojë diaspora?



×

Lajmi i fundit

Rindërtimi, Rama: Drejt përfundimit lagjja më e re në Krujë

Rindërtimi, Rama: Drejt përfundimit lagjja më e re në Krujë