Që në shoqërinë tonë ka nisur debati për solidaritetin dhe bamirësinë, është një gjë shumë e mirë. Kohë më parë, jo shumë larg, askush nuk mendonte për këtë. Sot, disa individë, të pasur apo shumë të pasur po heqin nga vetja diçka dhe po e ndajnë me kë nuk ka. Ky është një fillim i mirë. Mund të mendohen mënyrat e të bërit bamirësi, ose më mirë, reklamimi i veprimit bamirës, por edhe këtu mund të diskutojmë të gjithë bashkë sesi të bëjmë gjërat më mire e me më elegancë.
Që media vë në dukje familjet në nevojë, në varfëri ekstreme, ky është mision fisnik i saj. Në shoqërinë tonë nuk ka pasur ndjeshmëri për të brishtët dhe fakti që u sillet para syve të gjithëve vështirësia e të moshuarve apo fëmijëve është një punë e mirë. Jo për t’u lavdëruar, - vetëm një opinion i imi ky - , qëndron në faktin e ekzagjerimit të zhveshjes së ndjenjave njerëzore më të thella dhe publikimi i tyre për audiencë e për të blerë lot. E megjithatë, ata që flenë e që janë indiferentë duhet të zgjohen në çdo mënyrë, edhe në këtë formë.
Kur urija prek një familje, të moshuarit e vogëlushët e saj, nuk ka vend për moral, ka vend për veprim të menjëhershëm nga kushdo. Nëse deputeti i pasur i PD- se rrogën e tij do ua kalojë 6 jetimeve të Kukësit, të gjithë veçse duhet ta falenderojmë atë, por jo ta bëjmë hero. Ai bëri një veprim shumë të mirë, siç kushdo që e ka mundësinë ta bëjë.
E dimë se ç’është për një fëmijë një lodër, një palë këpucë të reja, një çantë e bukur, një kukull apo një top i bukur. E pra, fëmijëria e pleqëria mbushet nga këto sende të vogla, të thjeshta që shumë familje nuk i shohin e i provojnë. Ndihma, fëmijëria,pleqëria është këtu, tani, nuk mund të presë politika shtetërore, nuk merr gjë nga morali i atyre që mirëqënien e presin vetëm nga Shteti e vetë s’duan të lëvizin asgjë.
Ka qindra mënyra për të bërë një bamirësi në ditë sa hapim sytë: duke ndihmuar, duke dhënë e duke shërbyer. Profesioni i seicilit mund të jetë një minierë e artë për të bërë bamirësi, ne si gazetarë, mësuesit, policët, mjekët, infermierët, edhe nëpunësit që japin dokumente e respektojnë të moshuar, njerëz me aftësi të kufizuar, jetimë.
Nuk ma bën zemra të kritikoj askënd që jep nga vetja diçka, edhe në qoftë pak nga ajo shumë që ka. Nuk mund të kritikoj thellë as mediatizimin e mjerimit – qënia njerëzore qënka kjo: kopjon atë që e bëjnë të tjerët. Edhe bamirësia si çdo veprim fashion kopjohet e kështu shpresojmë edhe të shumohet. Pavarësisht formës, rezultati është diçka. Nëse një familje ka një shtëpi, ka më shumë të ardhura, ka një punë, ka qese me ushqim, ç’të keqe ka. Hapeni zemrën opinionbërës në rrjete sociale e kudo, çdo veprim i mirë, pavarësisht reklamës që përmban, është një veprim konkret që ndihmon kë ka nevojë.
Nëse nuk keni për të dhënë asgjë, të paktën jepni fjalën e mirë për kë vepron.
Komente
Lajme të tjera
-
Eduard Zaloshnja: Tavani elektoral i Berishës, i PD-së, dhe i partive të reja deri më sot
16 Nëntor, 12:33
-
Lufta në Gazë shton papunësinë dhe varfërinë në Bregun Perëndimor
14 Nëntor, 19:41 -
Interpelanca/ Shehaj vendos në Kuvend denoncimin e qytetarit në Report Tv për humbjen e djalit tek Onkologjiku! Ministrja Koçiu: Fatkeqësinë e një prindi e përdorni për kredo politike
14 Nëntor, 12:37 -
Agron Shehaj: Ministri i Brendshëm të na sqarojë çfarë po bëhet me mbetjet toksike? Gjysma e qeverisë e përfshirë në skandal! Hoxha: Urdhri po zbatohet
7 Nëntor, 11:27 -
Tre vite në tunel tek ish-fusha e aviacionit, familja rome në Vlorë kërkon strehim nga bashkia: Jemi njerëz dhe ne
2 Nëntor, 15:20
-
Ilir Meta: Rreth 80% e popullsisë jeton në kushtet e varfërisë ekstreme
20 Tetor, 11:15 -
Bilanci i PS në 11 vite qeverisje/ Gazetarja: Nuk i gjej asnjë arritje, përveç reformës në drejtësi! Shalsi: Kemi ndërtuar sistem që ndëshkon korrupsionin
23 Shtator, 21:32 -
Opozita kërkon tre ministra të qeverisë Rama në interpelancë! Shehaj pyet Kumbaron për licensimin e kompanisë ‘Sokolaj’ për transportin e mbetjeve
3 Shtator, 17:22 -
Statistikat e varfërisë do analizohen për hartimin e politikave sociale
3 Shtator, 13:58 -
Alba Malltezi: Qartësim deri në fund i vrasjes në Pogradec dhe 10 pyetje që mbeten në kokën e secilit prej nesh
14 Gusht, 19:09
-
Mungesa pa arsye në Kuvend, ‘gjobiten’ deputetët! Kuvendi ‘kurseu’ 7.3 mln lekë të vjetra! Ori Nebiaj më e penalizuara
12 Gusht, 13:06
-
Shehaj interpelancë me Meten: U dhanë 1.3 mld euro për Thumanë-Kashar! Ministri: Markimi i karburanteve nga gushti pa tarifë, mbyllet edhe i pullave fiskale
25 Korrik, 13:09
PER MJERIMIN NUK ESHTE ZGJIDHJE LEMOSHA APO NDIHMA E MOMENTIT STANDARTIN E JETESES DUHET TE PERCAKTOHET ME LIGJ NGA KUVENDI JANE TE GJITHE HAJDUTE CFARE DO PRESESH NGA PARTITE BANDA KRIMINELESH DUHET ME PA TJETER RRUGE DUHET TE VOTOHET PER INDIVITIN
PërgjigjuMjerimi s'don mshirë. Por don vetëm të drejt! Mshirë? Bijë bastardhe e etënve dinakë, të cilt në mnyrë pompoze posi farisejt i bijnë lodërtinës me ndjejt dhelparak tu' ia lëshue lypsiti një grosh të holl' në shplakë. Mjerimi asht një njollë e pashlyeme në ballë të njerzimit që kalon nëpër shekuj. Dhe kët njollë kurr nuk asht e mundshme ta shlyejnë paçavrat që zunë myk ndër tempuj.
Përgjigju